ტურიზმის ეროვნული ადმინისტრაციის ინფორმაციით, საქართველომ 2025 წლის პირველ კვარტალში, საერთაშორისო ტურიზმიდან, 826 მლნ აშშ დოლარის შემოსავალი მიიღო, რაც ისტორიული მაქსიმუმია.
„საქართველოში, 2025 წლის იანვარი-მარტის პერიოდში, საერთაშორისო მოგზაურობიდან შემოსავლების კვარტალური რეკორდული მაჩვენებელი დაფიქსირდა და ისტორიულ მაქსიმუმს 826 მილიონს მიაღწია“, - აღნიშნულია ტურიზმის ეროვნული ადმინისტრაციის განცხადებაში.
შეგახსენებთ, ეროვნული ბანკის მონაცემებით, წლევანდელ პირველ კვარტალში ქვეყანამ ტურიზმით 825 975 424 აშშ დოლარი გამოიმუშავა.
