საქართველოს უზენაეს სასამართლოს დაფინანსება ეზრდება

საქართველოს უზენაეს სასამართლოს სახელმწიფო ბიუჯეტიდან დაფინანსება ეზრდება. როგორც 2020 წლის ბიუჯეტის პროექტშია აღნიშნული, მომავალ წელს უზენაესი სასამართლოსთვის გამოყოფილი დაფინანსება 12 მილიონი ლარით განისაზღვრება, მიმდინარე წელს კი ეს მაჩვენებელი 9 მილიონ 500 ათასი ლარია.

ამასთან, დაახლოებით 5 მილიონი ლარით იზრდება საერთო სასამართლოების დაფინანსებაც. ამ მიმართულებით 2020 წელს 83 მილიონი ლარი დაიხარჯება.