ფართოდ მოშვებული ქამრები - რა დოკუმენტზე მოაწერინეს ხელი ღარიბაშვილს?!
ფართოდ მოშვებული ქამრები - რა დოკუმენტზე მოაწერინეს ხელი ღარიბაშვილს?!
11 იანვარი / 2016
რისთვის ხვდებიან ავტოდილერები ბიზნესომბუდსმენს?!

როგორც ჩვენთვის გახდა ცნობილი, ავტოდილერები ბიზნესომბუდსმენს შეხვდნენ და მთავრობის ერთ-ერთ დადგენილებაში ის პუნქტი გააპროტესტეს, რომლის მეშვეობითაც სახელმწიფო სტრუქტურებს­ იაფი ავტომობილების შესყიდვის უფლება­ შეეზღუდათ. მათი მტკიცებით, ყოფილი პრემიერი ირაკლი ღარიბაშვილი თავის დროზე შეცდომაში შეიყვანეს და მნიშვ­ნელოვან დოკუმენტზე ხელი მოაწერინეს, რომელმაც ქამრების შემოჭერის ნაცვლად, ჩინ­ოვნიკებს ძვირად ღირებული მანქანების­ შესყიდვის აუცილებლობა დაუკანონა, რითაც ავტობიზნესში ჩართულ საშუალო სეგმენტს დიდი დარტყმა მიადგა.

ალბათ გახსოვთ, თავის დროზე გამგებლების (და არა მხოლოდ მათი) ძვირად ღირებული მანქანები მთავრობის ადმინისტრაციაში მსჯელობის საგანი გახდა. შეიმუშ­ავეს წესი, რომელიც ავტომობილების შესყიდვის საკითხს დაარეგულირებდა. ეს წესი გარკვეულწილად იმასაც განსაზღვრავდა, რომ შედარებით დაბალი რანგის ჩინოვნიკს რანგით მასზე მაღალ თანამდებობის პირზე უფრო ძვირად ღირებული ავტომობილი არ მომსახურებოდა (რა თქმა უნდა, სახელმწიფო ფულით შესყიდული).
ერთი შეხედვით, ამ კეთილშობი­ლურ პროექტში ერთი პატარა, მაგ­რამ საინტერესო­ ჩანაწერი გაჩნდა - სამთავრობო სტრუქტურები­სთვის შესასყიდი ავტომობილის­ მოთხოვნათა ნუსხაში­ ჩაიწერა, რომ სა­ვალდებ­უ­ლოა უსაფ­რთხოების დამად­ასტ­უ­რებელი­ დოკუ­მენტის, ამერიკული ან ევრ­ოპული "ქრაშ ტესტის" ქონა. ავტოდილერების მტკიცებით, სწორედ ამ ჩანა­წე­რით სახელმწიფო სტრუქტურებს იაფი ავტომობილების შესყიდვის შესაძლებლობა შეეზღუდათ, რადგან ჩინური და კორეული წარმოების მანქა­ნებს ასეთი­ "ქრაშ ტესტი" არ გააჩნიათ.

ავტოდილერებმა ამ საკითხთან დაკავშირებით ბიზნესომბუდსმენ გიორგი გახარიას მიმართეს...

გიორგი გახარია: - ავტოდილერებმა მართლაც მომმართეს, ვსწავლობთ ამ თემას და ამ დღეებში კიდევ ერთი შეხვედრა­ იგეგმება... თუ დასაბუთდება, რომ იაფი ავტოტრანსპორტის შემომ­ყვან დილერებს სახელმწიფო შესყიდვებისთვის კონკურსში მონაწილეობას უსაფუძვლოდ უზღუდავენ, დადგენილებაში ცვლილების შეტანის საკითხს დავაყენებთ. ამ ეტაპზე კომენტარისგან თავს შევიკავებ.

შალვა ოგბაიძე, საავტომობილო ფედერაციის პრეზიდენტი: - მთავრობის ამ დადგენილებაში ერთ-ერთი დეტალია "ქრაშ ტესტის" დამადასტურებელი სერტიფიკატის ვალდებულება, თუმცა ეშმაკი სწორედ დეტალებში იმალება. ლაპარაკია ავტობიზნესსა­ და ამ ბიზნესში ჩართულ იმ სეგმენტზე, რომელსაც შედარებით იაფი, ჩინური, კორე­ული ან სხვა წარმოების ავტომობილები­ შემოჰყავთ საქართველოში. ამ ჩანაწერმა სახელმწიფო ტენდერებიდან ავტომატურად "ჩახსნა" იაფი ავტომობილ­ების შემომყვანი დილერები, რომელთაც კრედიტები აქვთ აღებული და ბინები იპოთეკით აქვთ დატვირთული... მათ შემოჰყავთ იაფი ავტომობილები, რომელთაც ამერიკული ან ევროპული "ქრაშ ტესტი" არ გააჩნიათ. ამ მხრივ ავტობიზნესში ჩა­რთულმა საშუალო ბიზნესმა დიდი დარტყმა მიიღო.

სიმართლე გითხრათ, მთავრობის ამ გადაწყვეტილების გამო ჩინეთის საელჩოც კი­ გაკვირვებას გამოხატავს. რასაკვირველია,
You must have Flash Player installed in order to see this player.
თუკი ბიზნესომბუდსმენი ამ საკითხის განხილვაში ჩაერთვება, ეს ამბავი ავტოდილერებისთვის იმედისმომცემი იქნება, წინააღმდეგ შემთხვევაში, ისინი უსამართლობის წინააღმდეგ ბრძოლას სასამართლოს მეშვეობით განაგრძობენ. მათთვის სახელმწიფო შესყიდვების მიზნით გამოცხადებულ­ კონკურსებში მონაწილეობის მიღების უფლების შეზღუდვა ყოვლად უსაფუძვლოა და დისკრიმინაციულ ხასიათს ატარებს. ვფიქრობ, ირაკლი ღარიბაშვილი შეცდომაში მიზანმიმართულად შეიყვანეს და ამ დოკუმენტზე ხელი მოაწერინეს, თუმცა, არც ის არის გამორიცხული, რომ დადგენილების პროექტში ზემოხსენებული პუნქტის ჩაწერა საქმეში ჩაუხედაობას გამოეწვია... ამას იქიდან გამომდინარე ვამბობ, რომ დოკუმენტში სხვა "მარგალიტიც" მჭრის თვალს... კერძოდ, მსუბუქი მანქანების შესყიდვისთვის მოთხოვნათა­ სავალდებულო ნუსხაში წერია: "წვა, არა უმეტეს 100 კმ-ზე - 6 ლიტრი". უკაცრავად და მწვადის ან შეშის წვასთან ხომ არ გვაქვს საქმე?! საწვავის ხარჯის შესახებ
ინფორმაცია "ქალაქში, ქალაქგარეთ და შერეულ ციკლებში" უნდა იყოს განსაზღვრული, სადაც ის სხვადასხვაგვარია.
ამ დოკუმენტის მიღება არის კლასიკური ნიმუში, თუ როგორ აწერინებენ ხელს პრემიერს იმაზე, რაც წესით, ქამრების შემოჭერას უნდა ემსახურებოდეს, სინამდვილეში კი პირიქით, მის ფართოდ მოშვებას აკანონებს...

- "ქრაშ ტესტი" რამდენად არის ავტომობილის უსაფრთხოების გარანტია?
- ასეთი გარანტია არ არსებობს. ადამიანი იღუპება მსუბუქ ავტომობილშიც, ჯიპშიც და ტანკშიც... უბრალოდ,­ "ქრაშ ტესტი" გამოცდის შედეგია, რომელიც ამ შემთხვევაში მარკეტინგული შეფუთვის ნაირსახეობას წარმოადგენს. ჩინურ და კორეულ მანქანებსაც აქვთ გავლილი გამოცდა, რომელსაც სხვა სახელი ჰქვია, ე.ი. მარკეტინგულად სხვაგვარად არის შეფუთული.

- არსებობს მოსაზრება, რომ თავის დროზე სახელმწიფო სტრუქტუ­რების მიერ შეძენილი ჩინური და კორეული მანქანები მწყობრიდან მალე გამოვიდა და ზემოხსენებული ჩანაწერიც­ მთავრობის დადგენილებაში ამიტომ გაჩნდა...
- მე არ მაქვს ამის შესახებ ინფორმაცია, თუმცა, არა მგონია, რომ ეს სიმართლეს შეესაბამებოდეს. ზოგადად, ნებისმიერ ავტომობილს აქვს გონივრული ექსპლუატაციის ვადა და საგარანტიო პირობები. ჩინური ან კორეული ავტომობილები მწყობრიდან კიდეც რომ გამოსულიყო, მათი შეკეთების ან გამოცვლის ვალდებულება 4 წლის განმავლობაში გარანტირებულია. ასე რომ, ამ ხელისუფლების პირობებში ნაყიდ ავტომობილებს (თუ მართლაც იყიდეს თავის დროზე) ეს ვადა გასულიც არა აქვთ.

- ახალი კორეული და ჩინური ავტომობ­ილები რა დაუჯდებოდა სახელმწიფო სტრუქ­ტურებს?
- IDFI-ს 2015 წლის მონაცემებით, მხოლოდ პრეზიდენტის ადმინისტრაციის მიერ 7 ძველი ავტომობილის ახლით ჩანა­ცვლებამ და შესაბამისად, ფასთა სხვაობამ 108 ათასი­ ლარი შეადგინა. თქვენ წარმოიდგინეთ, რა თანხებთან გვაქვს საქმე, თუკი სამინისტროების, გუბერნატორების და გამგებლებისთვის შესყიდული ავტომობილების ხარჯებს დავითვლით...
ვფიქრობ, ამ თანხით ერთი სერიოზული სოციალური პროექტი მაინც განხორციელდებოდა. მაგრამ ქართული კუდაბზიკობა ხომ ვიცით?! ყველას მაინცდამაინც "ტოიოტა ქამრი", "მერსედეს ბენცი" ან "ბმვ" უნდა. სხვათა შორის, იმ ავტომობილების ჩინური­ ანალოგები, რომელთა ფასიც 25-30 ათასი­ დოლარია, 12-16 ათასი ღირს. ხოლო შედარებით მსუბუქი ავტომობილებისა, რომ­ელთა საწვავის ხარჯი 5-6 ლიტრია, 6-7 ათასი დოლარია. ასე რომ, განსხვავება შთამბეჭდავია.

ეკა ასათიანი
წყარო: გაზეთი "კვირის პალიტრა"
კომენტარები (4)
12.01.2016
ტტტ
თუ კამიკაძეა ,თვითონ იაროს მაგ მანქანით ,ვინც ქრაშ-ტესტის მოხსნას ითხოვს .როლიკებით სიარული სჯობია .
12.01.2016
VVVV
მარჯვენა საჭიანების აკრძალვა არის უაზრობა და დიდი სიბეცე. რაც შეეხება ჩინურ ნაგავს-პირი გამოირეცხეთ, მე მყავს ჩინური მანქანა და ეგეთი მოვლილი მანქანა მეორეს არ ყავს თბილისში. კიდევ ახსენებთ ჩინურ მანქანას ცუდ პონტში და ამოგივარდებით კაბინეტებში.
მსგავსი სიახლეები
„როლს-როისი“ აცხადებს, რომ არ აპირებს ჰიბრიდული აგრეგატების გამოყენებას და არჩევს, რომ თავის მყიდველს სრულიად ელექტრული მოდელები შესთავაზოს.
მართვის მოწმებებზე ქულათა სისტემის ამოქმედების შემდეგ, ერთ კვირაში ყველაზე მეტი ჯარიმა 4 კატეგორიის სამართალდარღვევაზე დაიწერა.
შინაგან საქმეთა მინისტრის მოადგილის შალვა ხუციშვილის შეფასებით, გატარებული რეფორმების შედეგად, ავტოავარიებით გარდაცვლილთა და დაშავებულთა მაჩვენებელი სულ მცირე, 50%-ით უნდა შემცირდეს.
კომპანია "დაიმლერი" ევროპის მასშტაბით სამ მილიონამდე დიზელის ძრავიან ავტომობილს გაიწვევს უკან.
ჟინვალი-ბარისახო-შატილის საავტომობილო გზაზე მაღალი გამავლობის ავტოტრანსპორტის მოძრაობა აღდგენილია.
ე.წ. დეზერტირების ბაზრის მიმდებარე ტერიტორიაზე საავტომობილო მოძრაობა აღდგა.
საავტომობილო გზების დეპარტამენტის თავმჯდომარე გიორგი სეთურიძე ე.წ. ავარეთ-კახეთის გზის მშენებლობას გამორიცხავს.
მას შემდეგ, რაც 2017 წლის 1 იანვრის შემდეგ, მარჯვენასაჭიან ავტომობილებზე აქციზის გადასახადი თითქმის გასამმაგდა, საქართველოში 12 407 მარჯვენასაჭიანი ავტომობილის განბაჟება მოხდა.
აღმაშენებლის ხეივნის მე-13 კილომეტრზე ელექტრომობილების დამტენი ავტოგასამართი სადგური გაიხსნა.
2017 წლის პირველ კვარტალში მსოფლიოში 18,5 მილიონი მსუბუქი ავტომობილის წარმოება მოხდა, რაც 5,8%-ით მეტია გასული წლის ანალოგიურ პერიოდთან შედარებით.
რუბრიკის სხვა სიახლეები
22.07.2017
სნოში ხვალ პილიგრიმებისთვის 34-ადგილიანი სასტუმრო გაიხსნება.
სრულად
22.07.2017
"21 სული ძროხა გვყავს, მათ შორის 10 მეწველია, ზოგი ბუღაა, ზოგიც ხბო. მესაქონლეობას შარშან, ივლისში მივყავით ხელი. სათიბში მთაში დავდივართ. კიდევ 4 ღორი და 27 ბურვაკი, 2 ცხენი და თხებიც გვყავს. საქონლის მწყემსვაში 5 ძაღლი გვეხმარება - 3 მეცხვარე  და 2 მეძებარი"
სრულად
20.07.2017
„ვისოლ ჯგუფი“ ხვალ, „თბილისი მოლში“ „ვენდისა“ და „დანკინ დონატსის“ ამერიკულ რესტორნებს გახსნის.
სრულად
20.07.2017
ბაზარზე დაახლოებით 4-5 თვეა გამოჩნდა ქართული ინტერნეტ პლატფორმა, რომელიც ციფრული ანალიტიკისა და მარკეტინგული ინსტრუმენტების ეფექტიან გამოყენებას უზრუნველყოფს.
სრულად
20.07.2017
მიმდინარე წლის ივნისში ქვეყანაში რეგისტრირებული ბიზნეს სუბიექტების რაოდენობამ 4 578 ერთეული შეადგინა, რაც მაისის თვის მონაცემზე 5.2%-ით ნაკლებია, ხოლო 2016 წლის ანალოგიურ პერიოდთან შედარებით 13.3%-ით მეტი.
სრულად
TOP
რეკომენდებული
მნიშვნელოვანი
ოფიციალური კურსი
კონვერტორი
23.07.2017
24.07.2017
USD
1
USD
2.3983
2.3983
EUR
1
EUR
2.7923
2.7923
GBP
1
GBP
3.1183
3.1183
RUB
100
RUB
4.0713
4.0713