ქართული სიგარა ექსპორტზე ჩინეთში გადის
ქართული სიგარა ექსპორტზე  ჩინეთში გადის
22 იანვარი / 2016
სიგარებისა და სიგარელების მწარმოებელი კომპანია "იმერი" საკუთარ პროდუქციას მალე ჩინეთის საექსპორტო ბაზარზე გაიტანს.
როგორც კომპანიის დირექტორი თამაზ თურმანიძე, "ბიზნესპრესნიუსთან“ საუბარში განმარტავს, მოლაპარაკების ეტაპი წარმატებით დასრულდა, პროდუქციამ მოწონება დაიმსახურა და გადაწყვეტილების მიღებისთანავე კომპანია ექსპორტზე გასასვლელად მზადაა. თურმანიძის განცხადებით, ანალოგიური სიტუაციაა ბალტიისპირეთის ქვეყნებთანაც. ქართული თამბაქოს ნაწარმმა ლიტვის, ლატვიისა და ესტონეთის, ასევე პოლონეთის მხარეც დააინტერესა.

ამჟამად კომპანია 30-ზე მეტი დასახელების სიგარას და მასთან დაკავშირებულ 60-მდე აქსესუარს ამზადებს, მათ შორის საფერფლეს, ყალიონის და სხვა. წარმოებული სიგარები ზუგდიდში, ქუთაისში, ფოთში, ბათუმსა და თბილისში იყიდება. მცირე რაოდენობით კი თურქეთის  Duty Free-შია წარმოდგენილი.
საწარმოს დირექტორის თქმით, სიგარების დასამზადებლად  4-5 სახეობის თამბაქო გამოიყენება, რომელთაგან ორი აჭარის მაღალმთიან რეგიონებში - ხულოში, ქედასა და შუახევში მოდის, ნაწილს კი ინდონეზიიდან, კუბიდან და დომენიკის რესპუბლიკიდან ნედლეულის სახით იღებენ. ორიენტალური ანუ მზეზე ნაშრობი თამბაქოს წილი აღნიშნული სიგარების დამზადებაში 10%-ია, დარჩენილი ნაწილი კი ნატურალური, სხვადასხვა ჯიშისა და ხარისხის თამბაქოს ნარევს წარმოადგენს.

"ორიენტალური თამბაქო არის ბუნებრივი მაკეთილშობილებელი, რომელსაც მსოფლიოში სიგარის წარმოებისას ძალიან იშვიათად იყენებენ, რადგან ეს ნედლეული მცირე რაოდენობითაა", - აღნიშნავს თამაზ თურმანიძე.
შპს "იმერი" 1992 წელს დაფუძნდა, თუმცა კომპანიამ სიგარების წარმოება 2007 წლიდან დაიწყო. აღნიშნული საწარმო ქედაში 2000 კვადრატულ მეტრზეა განთავსებული. ადგილზე დღის განმავლობაში 1000 ღერი სიგარელას დამზადებაა შესაძლებელი. საწარმოში ამჟამად 20 ადამიანია დასაქმებული.

წარმოების ამოქმედებისთვის საერთო ჯამში 250 ათასი დოლარის ინვესტიცია განხორციელდა. საიდანაც 40 ათასი დოლარი აგროკრედიტის სახით სახელმწიფოსგან გამოიყო.
სულ რამდენიმე დღეში ქართულ ბაზარზე კიდევ სამი დასახელების სიგარა გამოჩნდება. თამაზ თურმანიძის თქმით, კომპანია შეეცადა მოგების მარჟის შემცირებით, იმპორტირებული პროდუქციისთვის ღირსეული კონკურენცია გაეწია.

ქრისტინე გამთენაძე


კომენტარები (3)
24.01.2016
ზვიადი
ეს თუ ის ფირმაა რომელიც უშვებს სიგარებს სახელწოდებით "თბილისი" და "ჩერჩილი", მაშინ ესენი, ან ვინც არიან, არიან უნამუსო სპეკულიანტები, ბიზნესი კიარა ქორვაჭრობა ქვია ამას. კუბური სიგარები იყიდება აქ 10-15 ლარიდან და ესენი კი აქ წარმოებულ სიგარას ყიდიან 50-ლარიდან და ზევით. ესაა ყაჩაღობა და სპეკულიანტობა.
24.01.2016
ხათუნა
უკომენტაროდ!)))
მსგავსი სიახლეები
პირველი ვიცე-პრემიერი, ფინანსთა მინისტრი დიმიტრი ქუმსიშვილი თამბაქოს ნაწარმის მწარმოებელი და იმპორტიორი კომპანიების წარმომადგენლებს შეხვდა.
ეს არის უპრეცედენტო, პირველი გადაწყვეტილება, როდესაც DCFTA-ს ძალაში შესვლის შემდეგ, ცხოველური წარმოშობის პროდუქტი პირველად შევა ევროკავშირის ბაზარზე
სასტუმრო ”ჰუალინგში” დღეს, საქართველოსა და ჩინეთში სოფლის მეურნეობის მიმართულებით გადამზადებულ ქართველ ფერმერთა მიღება გაიმართება.
ჩაქვში, აგროინვესტსერვისის შენობაში, აჭარის სოფლის მეურნეობის მინისტრმა ლაშა კომახიძემ აჭარის ა.რ. მთავრობის თავმჯდომარეს ზურაბ პატარაძეს 29 ნოემბრის მდგომარეობით ციტრუსის სეზონის მიმდინარეობასთან დაკავშირებით ანგარიში წარუდგინა.
ხვალ, სასტუმრო ”ჰუალინგში” საქართველოსა და ჩინეთში სოფლის მეურნეობის მიმართულებით გადამზადებულ ქართველ ფერმერთა მიღება გაიმართება.
საპარტნიორო ფონდის დელეგაცია ფონდის აღმასრულებელი დირექტორის დავით საგანელიძის ხელმძღვანელობით ჩინეთის სახალხო რესპუბლიკაში საქმიანი ვიზიტით გაემგზავრა.
საქართველოს ფინანსთა სამინისტროს საგამოძიებო სამსახურმა, მარკირებას დაქვემდებარებული პროდუქციის აქციზური მარკის გარეშე, დიდი ოდენობით, ჯგუფურად რეალიზაციის ფაქტზე, ორი პირი სისხლის სამართლის პასუხისგებაში მისცა.
თამბაქოს აქციზი 60 თეთრით გაიზრდება, - ამის შესახებ საქართველოს ფინანსთა მინისტრმა, პირველმა ვიცე-პრემიერმა დიმიტრი ქუმსიშვილმა განაცხადა.
მთავრობის დღევანდელ სხდომაზე საქართველოს პრემიერ-მინისტრმა გიორგი კვირიკაშვილმა იმ დაგეგმილ მნიშვნელოვან ეკონომიკურ ცვლილებებზე ისაუბრა, რომელიც მომავალი წლიდან ამოქმედდება.
თამბაქოზე, ნავთობპროდუქტებსა და იმპორტირებულ ავტომობილებზე აქციზის განაკვეთი იზრდება.
რუბრიკის სხვა სიახლეები
04.12.2016
სათამაშო ბიზნესის მოსაკრებელის გაზრდა 2017 წლის პირველი იანვრიდან იგეგმება.
სრულად
03.12.2016
პირველმა ვიცე-პრემიერმა, ფინანსთა მინისტრმა დიმიტრი ქუმსიშვილმა ტურიზმის ეროვნულ დაჯილდოებაში მიიღო მონაწილეობა და ერთ-ერთ ნომინაციაში გამარჯვებულს სპეციალური პრიზი გადასცა.
სრულად
02.12.2016
ევროკავშირმა დაასრულა ყველა ფორმალური პროცედურა და საქართველო შეიყვანა მესამე ქვეყნების ჩამონათვალში, საიდანაც ევროკავშირის ტერიტორიაზე თაფლის იმპორტი დაშვებულია.
სრულად
02.12.2016
სანკტ-პეტერბურგში მოქმედი კაფე-სანაყინეების ქსელი Galateria Plombir ქართულ ბაზარზე შემოდის. პირველი კაფე თბილისში დეკემბრის ბოლოს გაიხსნება.
სრულად
01.12.2016
საქართველოს პრემიერ-მინისტრი გიორგი კვირიკაშვილი ვაჭრობის საკითხებში ევროკომისარ სესილია მალმსტრომს შეხვდა.
სრულად
TOP
რეკომენდებული
მნიშვნელოვანი
ოფიციალური კურსი
კონვერტორი
ბირჟა
03.12.2016
04.12.2016
USD
1
USD
2.5599
2.5599
EUR
1
EUR
2.7250
2.7250
GBP
1
GBP
3.2283
3.2283
RUB
100
RUB
3.9854
3.9854