"ავტოწარმოება კვლავ ქუთაისში აჯობებს"
"ავტოწარმოება კვლავ ქუთაისში აჯობებს"
25 იანვარი / 2016
"ჩვენ შეგვიძლია მცირე ზომის ავტობუსებისა და სამარშრუტო ტაქსების წარმოება"

"კვირის პალიტრის" ერთ-ერთ ნომერში ჩვენ უკვე ვწერდით, რომ საქართველოში წარმოებული ავტომობილისთვის საერთაშორისო VIN-კოდის (სატრანსპორტო საშუალების საიდენტიფიკაციო ნომერი) მინიჭება იქნება შესაძლებელი, რაც მწარმოებელს მანქანის­ საერთაშორისო ბაზარზე გატანის საშუალებას აძლევს. ცნობილია ისიც, რომ საქართველოში ავტომობილების დამზადებასთან დაკავშირებით, ეკონომიკის სამინისტ­რომ ავტომობილების მწარმოებელ ერთ-ერთ უცხოურ კომპანიასთან მოლაპარაკება დაიწყო. თუმცა, მის სახელს ჯერჯერობით არ ამხელენ.­ სპეციალისტები კი ამბობენ, რომ ავტოწარმოების თვალსაზრისით, საქართველოს დიდი პოტენციალი აქვს, რისი ეფექტურად გამოყენების შემთხვევაში შესაძლებელია, წარწერა "წარმოებულია საქართველოში" ავტომობილებზეც გაჩნდეს.

ზურაბ კირტავა, ქუთაისის საავტომობილო ქარხნის მთავარი­ კონსტრუქტორის საკონსტრუქტ­ორო განყოფილების ყოფილი უფროსი: - ეს საკითხი სწრაფად­ არ გადაწყდება, სჯა-ბაასი­ იქნება­ და უცხოელ ინვესტორებ­საც ექნ­ებათ მოსაზრებები­ ამ საქმის­ რე­ნტაბელობასთან დაკავშირებით­. თუმცა, არის გარემოებები, რომლ­ებიც უნდა გავითვალისწინოთ. მოგეხსენებათ, ქუთაისის საავტომობილო ქარხანა საქართველოში სიდიდით მეორე საწარმო იყო რუსთავის მეტალურგიული ქარხნის შემდეგ. მაქსიმალური დატვირთვის დროს ავტოქარხანაში 18 ათასამდე ადამიანი მუშაობდა,­ წლიურად ეწყობოდა 20 ათასამდე­ სატვირთო ავტომობილი და უამრავი სათადარიგო დეტალი (ავტომობილის თითქმის ყველა აგრეგატი მზადდებოდა, ძრავიდან წვრილმან აქსესუარებამდე). 80-იანი წლებიდან პრიორიტეტი გახდა მაღალი გამავლობის, ორხიდიანი მრავალფუნქციური სატვირთო ავტომობილი "კაზ-4540" მისაბმელით - სასოფლო-სამეურნეო ტვირთებისთვის. 70-იანი წლების ბოლოს­ ქუთაისის ავტოქარხნის ბაზაზე ჯავშანტრანსპორტიორებისა და ქვეითთა საბრძოლო მანქანების წარმოებაზეც კი მსჯელობდნენ.

- როგორც მივხვდი, ავტოწარმო­ებისთვის ქუთაისის ავტოქარხნის ინფრ­ასტრუქტურის გამოყენებაზე ფიქრობთ, მაგრამ დღეს ქარხნისგან თითქმის არაფერია დარჩენილი...
- სამწუხაროდ, ავტოქარხნისგან ლამის მხოლოდ დასახლების სახელიღა დარჩა. ერთ დროს გიგანტური საწარმო მრავალმხრივი ტექნიკური აღჭურვილობით, საკუთარი თბოელექტროსადგურით, ლითონჩამომსხმელი, სამჭედლო და სატვიფრი საამქროებით, საიარაღო წარმოებით, სპეციალური ინფრასტრუქტურითა (მათ შორის, სარკინიგზო ხაზით) და 35-ათასიანი დასახლებით ბოლო ათწლეულებში უპატრონობის გამო გაპარტახებულია. 1950-იან წლებში აშენებული ქარხნის ძველი შენობები ამორტიზებულია, მაგრამ ორი უზარმაზარი საამქრო, რომლებიც 80-იან წლებში აშენდა მაშინდელი სტანდარტების დაცვით, ჯერაც ფასეული უნდა იყოს პოტენციური ინვესტორისთვის, რადგან 100-წლიან ვადაზე­ გათვალეს.

მეორე გარემოება, რის გამოც ავტოქარხანა ქუთაისში უნდა განთავსდეს, სარკინიგზო, საზღვაო და ავიატრანსპორტის შესაძლო გამოყენებაა. ქუთაისიდან ფოთის (და მომავალში - ანაკლიის ღრმაწყლიან) პორტამდე მანძილი 100 კმ-ზე ნაკლებია, რამდენიმე კილომეტრის რადიუსში ორი აეროპორტია და ქარხანაში სარკინიგზო ხაზიც შედიოდა.

მესამე - ქუთაისში ავტომობილების წარმოება 15-20 წლის წინ შეწყდა. ჩემი თაობის ავტომშენებლების დიდი ნაწილი, სამწუხაროდ, გარდაცვლილია, შემდგომი თაობების უმრავლესობა კი ან სხვა სფეროში მუშაობს, ან ემიგრაციაშია. თუმცა, ახლაც მოიძებნება რამდენიმე ათეული გამოცდილი ავტომშენებელი, რომლებიც 20-წლიანი იძულებითი შესვენების შემდეგ ნამდვილად სიამოვნებით დაუბრუნდებიან საყვარელ საქმეს.

დღეს ქუთაისი და მთელი იმე­რ­­ეთი დემოგრაფიული კატასტ­რ­ო­ფის წინ­აშე დგას: ერთ დროს 250-ათასიან ქალაქში, რომელიც ქართული ინდუსტრიის ცენტრი გახლდათ, ძალიან მაღალია უმუშ­ევრობა და მიგრაცია. ქუთაისელები მწარედ ხუმრობენ - დღეს ყველაზე მეტი იმერელი საბერძნეთსა და იტალიაში ცხოვრობსო. ქუთაისს აღარ აქვს სატრაქტორო, ლითოფონის, საკონსერვო, მინის ტარის ქარხნები, აბრეშუმკომბინატი, რეზინის ნაკეთობათა, ტრიკოტაჟის, ავეჯის კომბინატები, მაუდის ფაბრიკა, პლასტმასისა და ბარიტის საწარმოები და სხვ. წინა ხელისუფლება თავს იწონებდა
ქუთაისში პარლამენტისა და სამთავრობო სტრუქტურების გადმოტანით, თითქოს ეს ქალა­ქის აღორძინებას შეუწყობდა ხელს. ეს სრული აბსურდი იყო - განა რამდენი ქუთაისელი შეიძლებოდა დასაქმებულიყო პარლამენტში? 100? 200? 500? მხოლოდ ავტოქარხანაში სხვადასხვა წელს 10-დან 18 ათასამდე ადამიანი მუშაობდა.

- თუმცა, ამბობდნენ, რომ ქუთ­აისში წარმოებული "კოლხიდა" გამძლე და საიმედო არ გამოდგა.­ მას "შინმოუსვლელსაც" ეძახდნენ...
- ეს იმის ბრალი იყო, რომ ზოგჯერ საქმეში უცოდინარი ხალხი ერეოდა. წარმოების ერთ ეტაპზე მაშინდელმა შს სამინისტრომ გადაწყვიტა, პროცესში­ მსჯავრდადებულებიც ჩაერთო. ქარხნის ნაწილი გეგუთის ციხის ტერიტორიაზე გადაიტანეს და პატიმრებს სატვირთოს მისაბმელების აწყობა ანდეს. მათ არც საჭირო ცოდნა ჰქონდათ და არც მოტივაცია, რომ საქმე ხარისხიანად გაეკეთებინათ. შედეგად, მისაბმელები გამოყენებისას ხშირად იშლებოდა. სწორედ ამან გაგვიტეხა სახელი. არადა, ავტომობილების შექმნაზე მხოლოდ ქუთაისის ავტოქარხანა არ მუშაობდა - ამაში ჩართული იყო მოსკოვის საავტომობილო ინსტიტუტი "ნამი", იაროსლავის ავტოქარხანა, სადაც ძრავა დააგეგმარეს, ბულგარეთიდან ჩამოგვქონდა ნაწილები საჭისთვის და სხვ. ეს იყო მაღალი გამავლობის მანქანა, შეეძლო გრუნტზე, მთაგორიან ადგილებში, უგზოობის პირობებში გადაადგილება. ისინი გადიოდა საბჭოთა რესპუბლიკებში და ბულგარეთშიც.

- ახლა რა შეიძლება აწარმოოს ამ ავტოქარხანამ?
- ეს დამოკიდებული იქნება ინვესტორზე და არა მხოლოდ საქართველოში, არამედ სამხრეთ კავკასიის რეგიონში არსებულ მოთხოვნაზე. ვფიქრობ, პირველ ეტაპზე შეიძლება ავტოკარები, სპეცდანიშნულების ელექტრომობილები ან განსაკუთრებული დანიშნულების მანქანები ვაწარმოოთ. მაგალითად, ნაგავმზიდები, მცირეგაბარიტიანი თვითმცლელები, რომლებიც ხშირად სჭირდებათ სოფლად. კარგი იქნებოდა ინოვაციური წარმოების, ელექტრო და ჰიბრიდული, წყალბადზე მომუშავე ძრავების, მზის ენერგიაზე მომუშავე ელექტრომობილების, მცირე ზომის ავტობუსებისა და სამარშრუტო ტაქსების წარმოებაც. არ არის გამორიცხული, ქუთაისის ავტოქარხანამ თავდაცვის მრეწველობისთვისაც მოახერხოს ძრავების, სამუხრუჭე ან ელექტროსისტემებისა და კომპონენტების დამზადება...

ემა ტუხიაშვილი
წყარო: გაზეთი "კვირის პალიტრა"
კომენტარები (10)
17.02.2016
lela
სამარცხვინო ავტოებს უშვებდა ავტოქარხანა,ქარხნიდან გაყვანილი ახალი მანქანა დანიშნულების ადგილამდე თავისი სვლით ვერ აღწევდა...ასე რომ დღევანდელ დღეში არა მგონია გაამართლოს ქარხნის რეკონსტრუქციამ,ან ვინ ჩადებს ამდენ ფულს ტყუილად
27.01.2016
თბილისელ-ს:
მარტო სახელის გათქმაზე არ არის საქმე! იმ სახელგანთქმულ ადამიანს შესაბამისი, კარგი პირობებიც სჭირდება საცხოვრებლად, რაც, სამწუხაროდ, მხოლოდ მაგ თქვენს "თავკომბალაში" იყო შესაძლებელი, ნუ, შედარებით, რა თქმა უნდა, თორემ ევროპა-ამერიკის ნებისმიერ მოზრდილ ქალაქში ალბათ თბილისზე ბევრად უკეთესი პირობებიც არსებობდა იმ დროშიც.
მსგავსი სიახლეები
მცხეთა-სტეფანწმინდა-ლარსის საავტომობილო გზის გუდაური(ფოსტა)-კობის მონაკვეთზე ინტენსიური თოვის გამო ზვავსაშიშროებაა, რის გამოც გზის აღნიშნულ მონაკვეთზე აკრძალულია ყველა სახის ავტოტრანსპორტის მოძრაობა
ნარდევანი-ფარავნის მონაკვეთზე ავტოტრანსპორტის მოძრაობა აიკრძალა.
გზების დეპარტამენტის ინფორმაციით, ინტენსიური თოვის გამო ავტოტრანსპორტის მოძრაობა აკრძალულია.
რამდენიმე დღის წინ PALITRATV.GE-მ გაავრცელა ვიდეო, რომელიც თბილისში, ერთ-ერთ მიკროავტობუსში არსებულ სიტუაციას ასახავს.
თბილისის მერის მოადგილემ ირაკლი ლექვინაძემ, აზიის განვითარების ბანკის მიწვევით, მდგრადი ტრანსპორტის პირველ გლობალურ კონფერენციაში მიიღო მონაწილეობა.
ქობულეთში არსებულ რეგულირებად სარკინიგზო გადასასვლელზე 8 და 9 დეკემბერს ავტოტრანსპორტის მოძრაობა შეიზღუდება.
"მსხვილი კომპანიების შემოსავალი გაიზრდება, ათიათასობით თვითდასაქმებული კი უმუშევარი დარჩება"
თბილისის მერია მიკროავტობუსებით მგზავრობის საფასურის გაზრდას არ ელოდება, - ამის შესახებ ტრანსპორტის საქალაქო სამსახურის უფროსის მოადგილემ მერაბ მამულაშვილმა განაცხადა.
ჩემი კოლეგების რიტორიკიდან გამომდინარე, ტრანსპორტის მომსახურების გაძვირება გამორიცხული არ არის, - ამის შესახებ საკრებულოში ”ნაციონალური მოძრაობის” წევრმა, მარიკა დათუკიშვილმა ჟურნალისტებს განუცხადა.
თბილისში ელექტრომობილების პოპულარიზაციის მიზნით, შესაძლოა, სპეციალური ელექტროტაქსების გასაჩერებელი ადგილები გამოიყოს.
რუბრიკის სხვა სიახლეები
04.12.2016
სათამაშო ბიზნესის მოსაკრებელის გაზრდა 2017 წლის პირველი იანვრიდან იგეგმება.
სრულად
03.12.2016
პირველმა ვიცე-პრემიერმა, ფინანსთა მინისტრმა დიმიტრი ქუმსიშვილმა ტურიზმის ეროვნულ დაჯილდოებაში მიიღო მონაწილეობა და ერთ-ერთ ნომინაციაში გამარჯვებულს სპეციალური პრიზი გადასცა.
სრულად
02.12.2016
ევროკავშირმა დაასრულა ყველა ფორმალური პროცედურა და საქართველო შეიყვანა მესამე ქვეყნების ჩამონათვალში, საიდანაც ევროკავშირის ტერიტორიაზე თაფლის იმპორტი დაშვებულია.
სრულად
02.12.2016
სანკტ-პეტერბურგში მოქმედი კაფე-სანაყინეების ქსელი Galateria Plombir ქართულ ბაზარზე შემოდის. პირველი კაფე თბილისში დეკემბრის ბოლოს გაიხსნება.
სრულად
01.12.2016
საქართველოს პრემიერ-მინისტრი გიორგი კვირიკაშვილი ვაჭრობის საკითხებში ევროკომისარ სესილია მალმსტრომს შეხვდა.
სრულად
TOP
რეკომენდებული
მნიშვნელოვანი
ოფიციალური კურსი
კონვერტორი
ბირჟა
04.12.2016
05.12.2016
USD
1
USD
2.5599
2.5599
EUR
1
EUR
2.7250
2.7250
GBP
1
GBP
3.2283
3.2283
RUB
100
RUB
3.9854
3.9854