ქართველი სტუდენტი გოგონების ინოვაციური პროდუქტი - მანათობელი ჩანთა
ქართველი სტუდენტი გოგონების ინოვაციური პროდუქტი - მანათობელი ჩანთა
23 თებერვალი / 2016
იდეის ავტორები თავად არიან, მცირე ბიზნესსაც თავად აუძღვებიან და, სამომავლოდ, ბიზნესის გაფართოებასაც აპირებენ.
ჩანთების წარმოების იდეა ქეთი უბილავასა და ნათია მგელაძეს რამდენიმე თვის წინ გაუჩნდათ. გოგონებმა ხისა და ტყავის მასალით ქალბატონებისთვის ორიგინალური დიზაინის ჩანთების დამზადება დაიწყეს. ცოტა ხნის წინ კი ჩანთებს ახალი, ინოვაციური - ნათების ფუნქცია დაემატა. სამომავლო პერსპექტივაში სტარტაპის ავტორები მამაკაცების სეგმენტის ათვისებასაც გეგმავენ.

სტუდენტი გოგონები ჩანთებს ”ილიას სახელმწიფო უნივერსიტეტის” ლაბორატორია FabLab-ში ამზადებენ, პარალელურად აქტიურად იყენებენ ტექნოპარკის სივრცესაც.

დასამზადებელი მასალა და საჭირო დრო: ”უნიკალური, რაც ჩვენს ჩანთებს სხვა ჩანთებისგან განასხვავებს, არის მასალების კომბინაცია, ნატურალური ხე და ნატურალური ტყავი (ასევე ვიყენებთ ტყავის შემცვლელს). მნიშვნელოვანი ფაქტორია გრავირებაც. გარდა ამისა, ჩანთებს დავამატეთ ახალი, ინოვაციური ფუნქცია - განათება, რომლის საშუალებითაც მომხმარებელს ექნება შესაძლებლობა, ღამე ჩანთაში იპოვოს საჭირო ნივთი. ჩანთების დამზადებას შეკვეთიდან დაახლოებით 1 კვირა სჭირდება“.
რატომ ხე და ტყავი?: „ფაბლაბში დამზადებული პროდუქტების უმრავლება ხისგან იწარმოება, რადგან ჩვენ საქმიანობის დაწყება ”ფაბლაბის” საშუალებით გვინდოდა, ვფიქრობდით, რა გაგვეკეთებინა ხისგან. ამ დროს გაჩნდა იდეა, რომ ჩანთებისთვის ხე გამოგვეყენებინა, რომელიც საკმაოდ უხდება ტყავს და ქმნის ლამაზ კომბინაციას. თანაც, მსგავსი ჩანთები საქართველოს ბაზარზე არ არსებობს, ამ მხრივ, პირველები ვართ.”
პრობლემები წარმოებაში და სამომავლო გეგმები: ”თავიდან, რა თქმა უნდა, იყო სირთულეები: არ ვიცოდით როგორ გვემუშავა ტყავზე, ხეზე, სპეციალურ კომპიუტერულ პროგრამებზე. თუმცა, მალევე ავითვისეთ ყველაფერი და დღესდღეობით წარმოებაში პრობლემები არ გვაქვს.
ჩვენი საქმიანობა უკვე მცირე ბიზნესია და ვგეგმავთ, უფრო დიდ ბიზნესად ვაქციოთ. გვინდა გავფართოვდეთ, მეტი მრავალფეროვნება შევიტანოთ ჩანთების დიზაინში, ასევე ვაპირებთ უფრო მასშტაბურად ვაწარმოოთ მანათობელი ჩანთები, გავიტანოთ ექსპორტზე და, რაც მთავარია, გვონდეს საკუთარი საწარმო და მაღაზია”.
წარმატების გასაღები. ქეთი უბილავა: „ვფიქრობ, თავიდან მთავარია იდეა, კარგი იდეა კი მონდომებისა და შრომისმოყვარეობის შედეგად გარდაიქმნება პროდუქტად, რომელიც უნდა შეიყვარო და გაითავისო, ამის შემდეგ კი თავდაუზოგავი შრომა და საკუთარი თავის რწმენაა საჭირო წარმატების მისაღწევად“.
ნათია მგელაძე: ”ნებისმიერ სფეროში წარმატების მისაღწევად აუცილებელია ინიციატივა, ლიდერობა და საკუთარი თავის რწმენა, რადგან არ არსებობს გამოუვალი მდგომარეობები. ყოველთვის მჯეროდა საკუთარი შესაძლებლობების და ვცდილობ, ვიზრუნო თვითგანვითარებაზე”.
ქეთი უბილავა ბრენდის შესახებ: ”ჩემთვის „ბეგელსი“ უკვე ყოველდღიური საქმიანობა და ცხოვრების სტილი გახდა. ვატარებ „ბეგელსის“ ჩანთას, რაც მეხმარება მომხმარებლის თვალით შევხედო პროდუქტს და მივხვდე, რას სჭირდება გაუმჯობესება და დახვეწა. ემოციურადაც უკვე ამ ბრენდზე გავხდი დამოკიდებული და ვცდილობ, მუდმივად ვიფიქრო მის განვითარებასა და გაფართოებაზე.”
ნათია მგელაძე ბრენდის შესახებ: ”ბრენდი ნამდვილად შედგა და ეტაპობრივად ვვითარდებით, ვსწავლობთ, ვიკვლევთ მომხმარებლის სურვილებს, რათა უფრო დახვეწილი ჩანთები შევთავაზოთ. ჩემთვის ის ძალიან ძვირფასია გამომდინარე იქედან, რომ მე და ქეთიმ არ დავზოგეთ დრო და რესურსი სამუშაოების სრულყოფისთვის“.
სწავლისა და ბიზნესის შეთავსება: ”ილიას უნივერსიტეტში” ბიზნეს ადმინისტრირების ფაკულტეტზე ვსწავლობთ. ამ ეტაპისთვის, ვფიქრობთ, საკმარისი ცოდნა გვაქვს მიღებული იმისთვის, რომ დავიწყოთ ჩვენი სტარტაპის განვითარება, რისთვისაც არ ვზოგავთ დროსა და რესურსებს. თავიდან რთულია შეთავსება. მაგრამ გამოუვალი მდგომარეობა არ არსებობს. დროთა განმავლობაში სიტუაცია უფრო მარტივად კონტროლირებადი ხდება და დროის სწორი გამოყენებით შესაძლებელია სასურველი შედეგის მიღება”
რჩევები ახალგაზრდებს, რომლებსაც ბიზნესის დაწყების სურვილი აქვთ: ”ახალგაზრდებს ვურჩევდით მუდმივად იფიქრონ თვითგანვითრებაზე, იყვნენ სიახლეების ძიებაში, იფიქრონ მასშტაბურად, ინოვაციურად და ნებისმიერ იდეას, რომელიც მათ გონებაში დაიბადება, ხორცშესხმის შესაძლებლობა მისცენ”.

თამარ კორკოტაშვილი
წაიკითხეთ ინგლისურ ენაზე Georgian Journal-ზე
You must have Flash Player installed in order to see this player.
კომენტარები (3)
23.02.2016
ანია
სურატები სად არის წარმატებებო გოგოებო
23.02.2016
რეზი
საქმე გამოგლევიათ რა. ვის რაში ჭირდება ასეთი ჩანთები.
მსგავსი სიახლეები
ხის შემეცნებით-საგანმანათლებლო სათამაშოების კომპანია „ეიკო“ ორმა ახალგაზრდამ - საბა ღუდუშაურმა და სოფიკო ხიმშიაშვილმა 2016 წელს დააფუძნა.
დამღლელი სამუშაო წლის კულმინაცია ახლოსაა. ბევრმა ჩვენგანმა ალბათ სამგზავრო ჩანთების ჩაწყობა უკვე დაიწყო, მაგრამ დასვენებისთვის საჭირო და არასაჭირო ნივთების კლასიფიკაციაზე უფრო რთული, სავარაუდოდ, თავად მოგზაურობის ორგანიზებაა.
InnovFin-ი ინოვაციური პროექტების დაფინანსების შესაძლებლობას იძლევა
საავტომობილო გზების დეპარტამენტის ინფორმაციით, ძლიერი წვიმის შედეგად, ჟინვალი-ბარისახო-შატილის საავტომობილო გზის კმ75-კმ100 მონაკვეთზე არსებული ხევებიდან ღვარცოფული გამონატანების გამო, ყველა სახის ავტოტრანსპორტის მოძრაობა აკრძალულია.
ილიას სახელმწიფო უნივერსიტეტის სტუდენტები „ილიაუნისთან“ დაკავშირებულ შეკითხვებზე პასუხის მიღებას უკვე რობოტისგან შეძლებენ. უნივერსიტეტის ცნობით, რობოტი ამჟამად ღია სატესტო რეჟიმშია.
”სტარტაპ საქართველომ” დამწყები საწარმოების (სტარტაპების) ხელშეწყობის პროგრამის ფარგლებში, „ექსპო ჯორჯიას“ საგამოფენო ცენტრში ”ინოვაციური დიზაინის დეკორატიული აგურების წარმოების” პროექტის პრეზენტაცია გამართა.
ორი თვის წინ, ორი ახალგაზრდა გოგონას ინიციატივით ახალი სტარტაპი „სუში ჰოლიკი“ ჩამოყალიბდა.
იაპონიაში ისეთი სატვირთო გემების შექმნაზე მუშაობენ, რომლებიც არ საჭიროებენ კაპიტანს, თვითნებურად იკვლევენ კურსს და ხარვეზების პროგნოზირება შეუძლიათ.
ბაზარზე პრეზერვატივების ქართული ბრენდი „აიისა“ გამოჩნდა.
ასწლოვანი "ტიტას" ხის გახმობას კომპანია "ზიმოში" არ ადასტურებენ.
რუბრიკის სხვა სიახლეები
22.07.2017
სნოში ხვალ პილიგრიმებისთვის 34-ადგილიანი სასტუმრო გაიხსნება.
სრულად
22.07.2017
"21 სული ძროხა გვყავს, მათ შორის 10 მეწველია, ზოგი ბუღაა, ზოგიც ხბო. მესაქონლეობას შარშან, ივლისში მივყავით ხელი. სათიბში მთაში დავდივართ. კიდევ 4 ღორი და 27 ბურვაკი, 2 ცხენი და თხებიც გვყავს. საქონლის მწყემსვაში 5 ძაღლი გვეხმარება - 3 მეცხვარე  და 2 მეძებარი"
სრულად
20.07.2017
„ვისოლ ჯგუფი“ ხვალ, „თბილისი მოლში“ „ვენდისა“ და „დანკინ დონატსის“ ამერიკულ რესტორნებს გახსნის.
სრულად
20.07.2017
ბაზარზე დაახლოებით 4-5 თვეა გამოჩნდა ქართული ინტერნეტ პლატფორმა, რომელიც ციფრული ანალიტიკისა და მარკეტინგული ინსტრუმენტების ეფექტიან გამოყენებას უზრუნველყოფს.
სრულად
20.07.2017
მიმდინარე წლის ივნისში ქვეყანაში რეგისტრირებული ბიზნეს სუბიექტების რაოდენობამ 4 578 ერთეული შეადგინა, რაც მაისის თვის მონაცემზე 5.2%-ით ნაკლებია, ხოლო 2016 წლის ანალოგიურ პერიოდთან შედარებით 13.3%-ით მეტი.
სრულად
TOP
რეკომენდებული
მნიშვნელოვანი
ოფიციალური კურსი
კონვერტორი
23.07.2017
24.07.2017
USD
1
USD
2.3983
2.3983
EUR
1
EUR
2.7923
2.7923
GBP
1
GBP
3.1183
3.1183
RUB
100
RUB
4.0713
4.0713