10 ყველაზე დიდი კოოპერატივი საქართველოში
10 ყველაზე დიდი კოოპერატივი საქართველოში
22 მარტი / 2016
1990-იანი წლების შემდეგ საქართველოში სოფლის მეურნეობამ რეგრესი განიცადა.
მნიშვნელოვნად შემცირდა მესაქონლეობა, ხილის, ჩაის და ციტრუსების წარმოება, ზოგიერთი წამყვანი დარგი კი განადგურების პირას მივიდა. ამ სიტუაციაში ეკონომიკის ექსპერტების და ევროკავშირის ერთ-ერთი რეკომენდაცია ფერმერული მეურნეობების განვითარება და კოოპერატივების შექმნაა. სწორედ ამ მიზნით მიიღეს კანონი „სასოფლო-სამეურნეო კოოპერატივების შესახებ“, რომელიც კოოპერატივების შექმნის წესებს განსაზღვრავს და შეიქმნა სსიპ. სასოფლო-სამეურნეო კოოპერატივების განვითარების სააგენტო, რომელსაც ამ პროცესის წარმართვა ევალება. კანონის მიხედვით, სასოფლო-სამეურნეო კოოპერატივის წევრთა მინიმალური რაოდენობა 5-ით განისაზღვრა, ხოლო მაღალმთიან რაიონებში - 3-ით. როგორც სასოფლო-სამეურნეო კოოპერატივების განვითარების სააგენტოში ამბობენ, 2016 წლის 17 მარტის მდგომარეობით სასოფლო-სამეურნეო კოოპერატივის სტატუსი მინიჭებული აქვს 1 378 კოოპერატივს.

გთავაზობთ ყველაზე მრავალრიცხოვანი და წარმატებული კოოპერატივების ათეულს საქართველოში. ათეული „სასოფლო-სამეურნეო კოოპერატივების განვითარების სააგენტოს“ მიერ მოწოდებულ ინფორმაციაზე დაყრდნობით არის შედგენილი.

„დარჩელის თხილი“
კოოპერატივი ზუგდიდის მუნიციპალიტეტის სოფელ დარჩელში შეიქმნა. დარჩელი საკმაოდ დიდი სოფელია - მისი მოსახლეობა 6400 ადამიანს აჭარბებს, ალბათ ამიტომაც დაარსდა აქ საქართველოში ყველაზე დიდი კოოპერატივი, რომელსაც სასოფლო-სამეურნეო კოოპერატივის სტატუსი 2015 წლის აგვისტოში მიენიჭა. კოოპერატივში გაერთიანებულია 599 მეპაიე, მათი ძირითადი საქმიანობა მეთხილეობაა.
კოოპერატივი „ჭარნალი“
ხელვაჩაურის მუნიციპალიტეტში, მდინარე ჭოროხის მარცხენა ნაპირზე მდებარეობს უძველესი სოფელი ჭარნალი. აქ აჭარლების გვერდით ცხოვრობენ XIX საუკუნეში აფხაზეთიდან გადმოსახლებული მუჰაჯირების შთამომავლები. სწორედ ამ ლამაზ სოფელში შეიქმნა კოოპერატივი „ჭარნალი“, რომელშიც გაერთიანებულია 157 მეპაიე. მათი ძირითადი საქმიანობა მეციტრუსეობაა.
„გურიის თხილი“
აჭარლებს არც გურულები ჩამორჩნენ და საქართველოს პირობებში საკმაოდ დიდი კოოპერატივი ჩამოაყალიბეს, რომელშიც 134 მეპაიე გაერთიანდა. კოოპერატივი „გურიის თხილი“ ლანჩხუთის მუნიციპალიტეტში მდებარეობს. მისი საქმიანობის სფერო მეთხილეობაა.
კოოპერატივი „ლაზი“
კოოპერატივი „ლაზი“ ზუგდიდის მუნიციპალიტეტში მდებარეობს. მისი
You must have Flash Player installed in order to see this player.
სახელი ძველი ლაზეთის სახელწოდებიდან მოდის. სასოფლო-სამეურნეო კოოპერატივის სტატუსი 2015 წლის ივლისში მიენიჭა. კოოპერატივში გაერთიანებულია 90 მეპაიე და მათი მთავარი საქმიანობა მეთხილეობაა.
კოოპერატივი „ხალა“
ეს კოოპერატივი ქობულეთში შეიქმნა. სასოფლო-სამეურნეო კოოპერატივის სტატუსი 2014 წლის ოქტომბერში მიენიჭა. კოოპერატივში 73 მეპაიეა გაერთიანებული. „ხალას“ ძირითადი საქმიანობა მეციტრუსეობა და მეხილეობაა.
„მასაური“
აჭარის ულამაზეს ადგილას, ხელვაჩაურის მუნიციპალიტეტში მოქმედებს კოოპერატივი „მასაური“, რომელსაც სასოფლო-სამეურნეო კოოპერატივის სტატუსი 2014 წლის ოქტომბერში მიენიჭა. კოოპერატივში გაერთიანებულია 64 მეპაიე. მათი საქმიანობის სფერო მეფუტკრეობა და მეციტრუსეობაა.
კოოპერატივი „ქესალო“
გარდაბნის მუნიციპალიტეტში მდებარეობს. სასოფლო-სამეურნეო კოოპერატივის სტატუსი 2015 წლის აპრილში მიანიჭეს. გაერთიანებულია 53 მეპაიე. „ქესალოს“ ძირითადი საქმიანობაა მესაქონლეობა.
„ღორჯომი“
კოოპერატივი „ღორჯომი“ წალკის მუნიციპალიტეტში მდებარეობს. სასოფლო-სამეურნეო კოოპერატივის სტატუსი მიენიჭა 2015 წლის მაისში. ამ კოოპერატივში 38 მეპაიეა გაერთიანებული. მათი საქმიანობის სფერო მებოსტნეობა, მემარცვლეობა, მესაქონლეობა და მეფუტკრეობაა.
„თრიალეთი 2015“
წალკის მუნიციპალიტეტში კიდევ ერთი მოზრდილი კოოპერატივი მოქმედებს, რომელსაც „თრიალეთი 2015“ ეწოდება. სასოფლო-სამეურნეო კოოპერატივის სტატუსი 2015 წლის მაისში მიენიჭა. მასში გაერთიანებულია 34 მეპაიე. კოოპერატივის წევრების ძირითადი საქმიანობა მემარცვლეობა, მებოსტნეობა და მესაქონლეობაა.
„ადიგენის ნობათი“
ალბათ სახელწოდების მიხედვითაც მიხვდით, რომ ეს კოოპერატივი ადიგენის მუნიციპალიტეტში მდებარეობს. „ადიგენის ნობათს“ სასოფლო-სამეურნეო კოოპერატივის სტატუსი 2015 წლის დეკემბერში მიენიჭა. მასში 47 მეპაიეა გაერთიანებული, მეპაიეების მთავარი საქმიანობა მესაქონლეობა და რძის პროდუქტების წარმოებაა.

ხათუნა ჩიგოგიძე
კომენტარები (0)
კომენტარები არ გაკეთებულა
მსგავსი სიახლეები
"დღეში 500 ლიტრი რძე შემოგვდის, 60 კგ-მდე ყველი ამოგვყავს და მეტიც რომ გვქონდეს, გაუყიდავი არ დაგვრჩება"
საქართველოსა და ევროკავშირს შორის ღრმა და ყოვლისმომცველი თავისუფალი ვაჭრობის (DCFTA) შესახებ კერძო და საჯარო სექტორს შორის დიალოგის ფარგლებში
სასოფლო-სამეურნეო კოოპერატივების გამოწვევებისა და საჭიროებების შესახებ ხაშურში, შიდა ქართლის რეგიონის სასოფლო-სამეურნეო კოოპერატივების რეგიონული ფორუმზე იმსჯელეს.
სოფლის მეურნეობის სამინისტროში გამართულ სამუშაო შეხვედრაზე ფერმერთა რეესტრის საკითხები განიხილეს და ფერმერთა რეესტრის შექმნის სამოქმედო გეგმის მიმდინარე სტატუსზე იმსჯელეს.
ახალციხეში, სოფლის მეურნეობის სამინისტროს ლაბორატორიის სპეციალისტები სამცხე-ჯავახეთის რეგიონის ფერმერებს შეხვდნენ და ფუტკრისა და თევზის დაავადებებზე პრაქტიკული ინფორმაცია მიაწოდეს.
"პირველი გრანტით ცარიელი სკები­ ვიყიდე. სოფელში დამცინოდნენ, მეფუტკრეობა რა ქალის საქმეა და ეს ცარიელი­ სკები რაღად გინდოდაო..."
სამეგრელოში სტიქიამ ახალგაზრდა ფერმერი მინდია ქავთარაძე დააზარალა. წყალდიდობამ დატბორა ფუტკრის სკები. სულ განადგურებულია 750 სკა.
14 წლისამ დაიწყო, როცა პირველად დაწურა ყურძენი და ღვინო დააყენა. მერე ოჯახის წევრებსა და მეგობრებს გაასინჯა და დიდი მოწონებაც დაიმსახურა.
სოფლის მეურნეობის სამინისტროს სამეცნიერო-კვლევით ცენტრში, შოთა რუსთაველის ეროვნული სამეცნიერო ფონდის საგრანტო პროექტის - „საქართველოში ინოვაციური მეთოდების შემუშავება ორგანულ მევენახეობაში“ ფარგლებში
თხილისა და ღვინის შემდეგ ევროკავშირის ბაზარზე შესვლის რეალური პერსპექტივა ქართულ თაფლს აქვს.
რუბრიკის სხვა სიახლეები
27.07.2017
ქართულ მთისა თუ ზღვის კურორტზე ბიზნესის წამოწყება და თუნდაც პატარა ბარის გახსნა საკმაოდ დიდ დანახარჯებთანაა დაკავშირებული.
სრულად
27.07.2017
„ბარსელონას“ ყოფილმა ფეხბურთელმა, ბრაზილიელმა რონალდინიომ სპინერების ბიზნესი წამოიწყო.
სრულად
27.07.2017
ძირითადი პროცესი, რომელიც, ერთი მხრივ, სამუშაოს მართვას გაგიიოლებთ, მეორე მხრივ კი მოდუნებაში დაგეხმარებათ, ხუთი ეტაპისგან შედგება და გამოცდილებას ეფუძნება.
სრულად
26.07.2017
ქართულმა ბრენდმა Smart Photos, რომელიც ინოვაციური მიმართულებებით ვითარდება, მომხმარებლებს კიდევ ერთი ახალი პროდუქტი - Photo Bus შესთავაზა.
სრულად
26.07.2017
კომპანია "ფრეკო" საბავშვო ჩიფსის წარმოებას იწყებს, რომელიც ბაზარზე აგვისტოს ბოლოდან გამოჩნდება.
სრულად
TOP
რეკომენდებული
მნიშვნელოვანი
ოფიციალური კურსი
კონვერტორი
27.07.2017
28.07.2017
USD
1
USD
2.3993
2.4022
EUR
1
EUR
2.7933
2.8125
GBP
1
GBP
3.1323
3.1579
RUB
100
RUB
4.0016
4.0430