როგორი უნდა იყოს რეზიუმე, რომელიც წარმატებას მოგიტანთ
სამსახურის ძიებისას უმნიშვნელოვანესია, თუ როგორი რეზიუმე გაქვთ.
გამოცემა „ფორბსი“ 3 მთავარ პუნქტს გთავაზობთ, რომელიც აუცილებლად უნდა გამოიყენოთ, თუ გინდათ თქვენი რეზიუმეთი დამსაქმებელი დააინტერესოთ.
1. ინფორმაციის ცოდნა იმ კომპანიის შესახებ, სადაც რეზიუმეს აგზავნით
რა თქმა უნდა, ძალიან მნიშვნელოვანია კონკრეტულად ვის ეძებს მომავალი დამსაქმებელი, მაგრამ არანაკლებ მნიშვნელოვანია თქვენ თავად იცოდეთ იმ კომპანიის შესახებ, სადაც რეზიუმეს აგზავნით. კომპანიაზე ინფორმაცია მხოლოდ ვაკანსიაში მოცემული აღწერილობიდან საკმარისი არ არის. გირჩევთ ჩაატაროთ მცირე კვლევა ან გულდასმით გაეცნოთ კომპანიის ვებგვერდს. გაიგეთ, რა უნარებს აფასებს თქვენი მომავალი დამსაქმებელი თანამშრომლებში. შემდეგ კი ამის მიხედვით მიუთითეთ რეზიუმეში ინტერესთა სფერო.
2. ოცნების სამსახური
გამოყავით ის გამოცდილებები და უნარები, რომელიც ყველაზე მეტად მოგწონთ საკუთარ თავში. მაგალითად შეიძლება ახლა ისეთ ადგილას მუშობთ სადაც არ მოგწონთ ყოფნა, მაგრამ წარსულში თუნდაც სტაჟირებაზე იყავით ისეთ კომპანიასი და აკეთებდით იმ საქმეს, რაც ძალიან მოგწონდათ. დამსაქმებლისთვის მნიშვნელოვანია იცოდეს კონკრეტული გამოცდილება, რომელიც სიამოვნებით მიიღეთ.
3. კრეატივი
გამოიჩინეთ კრეატიულობა. ნუ დაწერთ რეზიუმეს მხოლოდ ინტერნეტში ნანახი ნიმუშების ან მეგობრების მიერ გაწეული რჩევებით. რა თქმა უნდა, ესეც გასათვალისწინებელია, თუმცა უმჯობესია თქვენ თავად მისცეს მიმართულება თქვენს რეზიუმეს და განსხვავებულად წარმოაჩინოთ საკუთარი შესაძლებლობები.
ორიგინალურად დაწერილი რეზიუმე აუცილებლად მიიქცევს დამსაქმებლის ყურადღებას და მინიმუმ, გასაუბრებაზე მაინც მიგიწვევენ. თუმცა, არც ის უნდა დაივიწყოთ, რომ რეზიუმე მარტივი და ყველასთვის გასაგებ ენაზე უნდა იყოს შედგენილი.