19 წლის ქიზიყელმა ბიჭმა ღვინის საკუთარი ბრენდი შექმნა
19 წლის ქიზიყელმა ბიჭმა ღვინის საკუთარი ბრენდი შექმნა
9 იანვარი / 2017
ჯემალ ხატიაშვილი 19 წლის ახალგაზრდაა, რომელმაც სოფელ ტიბაანში მამაპაპისეულ ვენახში მოყვანილი ყურძენი დაწურა და ბოთლში ჩამოასხა. შემდეგ ამ ღვინოში ყველი დააძველა და საკუთარი ბრენდი შექმნა, რომელმაც ტურისტების დიდი მოწონება დაიმსახურა და საუკეთესი ქართული პროდუქტების ხუთეულშიც შევიდა. გაიცანით საამაყო ახალგაზრდა ქიზიყიდან.

- ჩვენი ვენახი სიღნაღის რაიონში, სოფელ ტიბაანშია გაშენებული. ყველაფერი 14 წლის ასაკში დაიწყო. პირველად სწორედ მაშინ დავწურე ყურძენი და დავაყენე ღვინო. ჩვენი ოჯახი ყოველთვის აქტიურად იყო ჩართული მევენახეობაში. მეც ჩემი ოჯახისგან ვისწავლე ეს ყველაფერი. თავიდან არავინ არ ფიქრობდა, რომ ჩვენი ვენახებიდან მოგვეკრიფა ყურძენი და ღვინო ბოთლში ჩამოგვესხა, ეს ჩემი იდეა იყო და გაამართლა კიდეც.

- საკუთარი ვენახები გაქვთ თუ ყურძენს მოსახლეობისგან ყიდულობთ?
- ჩვენ გვაქვს ექვს ჰექტარზე გაშენებული ვენახი, სადაც გვაქვს 53 სახეობის ყურძენი. რა თქმა უნდა, გვაქვს რქაწითელი, საფერავი და სხვა ტრადიციული ჯიშები. ასევე არის სუფრის ყურძნები, რომლისგანაც შემდეგში ვფიქრობ მურაბების გაკეთებას.

- რა განცდა იყო, როცა პირველად ჩამოისხა ბოთლში თქვენს მიერ წარმოებული ღვინო?
- რასაკვირველია, საოცარი განცდა იყო. თავიდან არც წარმომედგინა, თუ ასე მასშტაბურად ჩამოვასხამდი და გაყიდვაში გამოვიდოდა. 14 წლის ასაკში პირველი ღვინო დავწურე და შევინახე. ეს ღვინო მეგობრებისთვის და ნათესავებისთვის იყო განკუთვნილი. სამი წლის შემდეგ გავხსენი და ძალიან მოგვეწონა. იმდენად მომეწონა ეს პროცესი, გადავწყვიტე მასშტაბურად გამეკეთებინა. თავიდან დაახლოებით ოცი ბოთლი ჩამოვასხი, მართლა ძალიან კარგი განცდა და სიამაყის გრძნობა იყო.

- მეგობრები როგორ უყურებენ შენს გატაცებას და როგორ მოსწონთ შენი ჩამოსხმული ღვინო?
- მეგობრებიც და ოჯახიც ძალიან მიდგას გვერდით. მეგობრებს ხშირად უწევთ ჩემი დაყენებული ღვინის დაგემოვნება (იღიმის). ზოგიერთ ჩემს მეგობარს სოფელი არ აქვს და აინტერესებდათ, როგორ მიმდინარეობდა რთველის პროცესი. მეგობრებთან ერთად ძალიან ხალისიანად და დაუღალავად დავკრიფეთ ყურძენი და ისინიც გახდნენ ამ ყველაფრის მონაწილეები.

- როგორც ვიცი ღვინოსთან ერთად ყველსაც აწარმოებთ...
- ყველის წარმოება დაკავშირებულია ჩემს მშობლებთან. რამდენიმე წლის წინ დაიწყეს ეს საქმიანობა და ახლა უკვე მე გადავიბარე. დღეს მე თვითონ ვუძღვები ყველაფერს. გადავწყვიტე, საკუთარ დამზადებულ ღვინოში დამეძველებინა ყველი. ამ ეტაპზე რამდენიმე სახეობის დელიკატესი მაქვს. ჩამოვაყალიბე ბრენდი, რომელიც ჩემს ყველა საქმიანობას აერთიანებს.

- როგორი არომატით და
გემოთი გამოირჩევა ღვინოში დაძველებული ყველი?

- მე ვაძველებ საფერავში, რომელშიც მკვეთრად არის გამოხატული ღვინის არომატი. განსაკუთრებით გემრიელია წითელ ღვინოში დაძველებული ყველი. გვაქვს ასევე თაფლში დავარგებული ყველი, რომელიც უფრო მოტკბო გემოსია. ძალიან გემრიელია დილით ჩაისთან ერთად და სასიამოვნოა ბავშვებისთვის.

- რა დრო სჭირდება ყველის თაფლში ან ღვინოში დავარგებას?
- სრულყოფილად რომ დამზადდეს ყველი, დაახლოებით 40 დღე სჭირდება.

- უცხოელებს როგორ მოსწონთ თქვენი ნაწარმი?
- ძალიან მოსწონთ და ხშირად ყიდულობენ. ტურისტებში ჩატარდა გამოკითხვა და ჩემი ბრენდი საუკეთესო ქართული პროდუქტების ხუთეულში მოხვდა.

- სამომავლოდ რა სიახლეებს გეგმავთ?
- პირველ რიგში, მთავარია ჩემი ბრენდის განვითარება და სრულყოფა. მინდა, რაც შეიძლება მეტმა ადამიანმა გაიგოს და დააგემოვნოს ჩემი ნაწარმი, ღვინო და ყველი.

მერი ბლიაძე
წყარო: shin.ge

კომენტარები (0)
კომენტარები არ გაკეთებულა
რუბრიკის სხვა სიახლეები
20.10.2017

კვადროციკლები,წყლის სკუტერები, კატერები, ნავები - ეს იმ რეკრეაციული ტექნიკის მცირე ჩამონათვალია, რომელსაც კომპანია „ტრანსპორტერი“ მომხმარებელს სთავაზობს.

სრულად
20.10.2017
რძის პროდუქტების მწარმოებელი კომპანია "მილკო ფუდი" შესაძლოა გაიყიდოს.
სრულად
19.10.2017
ბამბის ნაყინი - გემრიელი ნუგბარი, რომელიც ნებისმიერი ბავშვის საყვარელი ტკბილეულია უკვე რამდენიმე თვეა, გასართობი ღონისძიებების უცვლელ ატრიბუტად იქცა.
სრულად
19.10.2017
მცხეთაში, „ერთიანი აგროპროექტის“ ფარგლებში, თანამედროვე სტანდარტებით აღჭურვილი ხილის გადამამუშავებელი საწარმო - შპს „კავკასუს ორგანიკ ფრუტსი“ გაიხსნა.
სრულად
17.10.2017
"სოფლის მეურნეობა ძალიან საინტერესოა. მიწასთან ურთიერთობა მსიამოვნებს. თუშეთში ჩასვლა და მუშაობა კარგი განტვირთვაა,” – ამბობს 23 წლის ფერმერი გიორგი აბულიძე, რომელიც წარმატებული კოოპერატივის ”ალაზნისთავის” ერთ-ერთი წევრია.
სრულად
TOP
რეკომენდებული
მნიშვნელოვანი
ოფიციალური კურსი
კონვერტორი
20.10.2017
21.10.2017
USD
1
USD
2.4863
2.4864
EUR
1
EUR
2.9405
2.9344
GBP
1
GBP
3.2725
3.2753
RUB
100
RUB
4.3181
4.3213
ეს არჩევანი ერთად უნდა გავაკეთოთ!
წარმოდგენილი სიიდან, მონიშნეთ თქვენთვის სასურველი 5 ღვინის სახეობა.
გამოკითხვის დასრულების შემდეგ, უმრავლესობის მიერ დასახელებული ღვინოებიდან გამოვლინდება 10 საუკეთესო.
შენ ხარ

15203-ე