დაფინანსების გარეშე დაწყებული წარმატებული ქართული სტარტაპი
დაფინანსების გარეშე დაწყებული წარმატებული ქართული სტარტაპი
10 იანვარი / 2017
ქართული სტარტაპი Treepex 2017 წლის მაისიდან ამერიკაში, ნიუ-იორკში დაიწყებს ფუნქციონირებას. როგორც სტარტაპის ერთ-ერთმა ავტორმა ბაჩო ხაჩიძემ „ბიზნესპრესნიუსს“ უთხრა, პარტნიორთან ლაშა კვანტალიანთან ერთად დაწყებული პროექტი ვებ და მობილური აპლიკაციის მეშვეობით, ბიზნეს კომპანიებისა და კერძო პირების ხის დარგვის პროცესში ჩართვას გულისხმობს.

„Treepex არის ინოვაციური გზა ბიზნეს კომპანიებისა და კერძო პირების ხის დარგვის პროცესში ჩასართავად. ვებ და მობილური აპლიკაციით მომხმარებელს შესაძლებლობა აქვს შეარჩიოს და დარგოს ხე თავის სახელზე ან მისთვის საყვარელ ადამიანს აჩუქოს. ხის შეძენის საშუალებას თავად აპლიკაცია იძლევა, რის შემდეგაც Treepex-ს მსოფლიო რუკაზე დაიტანება ხის ფოტო, მისი ზუსტი გეოგრაფიული ლოკაცია მომხმარებლის სახელით, გვარითა და იმ კომპანიის სახელით, რომელმაც ხის დარგვას მხარი დაუჭირა. გარდა ამისა, მომხმარებელს შეუძლია თვალი ადევნოს თუ როგორ გაიზარდა ხე, რამდენი ჟანგბადი გამოყო, რამდენი ნახშიროჟანგი შთანთქა და ასე შემდეგ,“ -ამბობს ხაჩიძე.

პროექტი, რომლის ფარგლებშიც უკვე 5 ათასამდე ხე დაირგო, 1 წლის წინ დაიწყო. ამ დროისთვის პროექტის ფარგლებში ქვეყნის მასშტაბით ხეები
You must have Flash Player installed in order to see this player.
ბორჯომის სატყეო ტერიტორიასა და აჯამეთის დაცულ ტერიტორიებზე დაირგო. Treepex-ის ერთ-ერთი დამფუძნებლის თქმით, ურთიერთთანამშრომლობის მემორანდუმი აქვთ თბილისის ეროვნული პარკთანაც, რომლის ფარგლებში დედაქალაქის ტერიტორიაზეც მოხდება ხეების დარგვა.

„ამ ეტაპზე აქტიური მოლაპარაკებები მიდის და ფაქტობრივად,  Treepex-ის აპლიკაციით უკვე შესაძლებელია ხეების დარგვა აფრიკაში, ტანზანიასა და ამაზონის ტყეში. რაც შეეხება ფასს - 1 ხის დარგვა 7 დოლარი ჯდება (ექვივალენტი ლარებში). ფასი ხის სახეობასა და ლოკაციაზეა დამოკიდებული. ამ დროისთვის საქართველოს ტერიტორიაზე ძირითადად ორი ჯიშის ხე - ქართული მუხა და კავკასიური სოჭი დაირგო“, - აღნიშნავს ბაჩო ხაჩიძე.

მისივე თქმით, სტარტაპის დასაწყებად დაფინანსება არ მიუღიათ და პროექტის განხორციელება მხოლოდ საკუთარი ინტელექტუალური რესურსისა და დროის ხარჯზე შეძლეს.

„მიმდინარე წლის მაისში ნიუ-იორკში გადავბარგდებით, სადაც პროდუქტს ამერიკელ მომხმარებელს შევთავაზებთ. ამერიკაში ბაზარი და მოთხოვნა მსგავს პროდუქტზე დიდია. თუმცა, გარდა ამერიკისა, ტარგეტირებას ვგეგმავთ კიდევ ორ ქვეყანაში - გერმანიასა და დიდ ბრიტანეთში. შესაბამისად, ჩვენი ლოგო 4 ქალაქში - ნიუ-იორკში, ბერლინში, ფრანკფურტსა და ლონდონში გამოჩნდება,“ – ამბობს Treepex-ის ერთ-ერთი დამფუძნებელი.

თაია არდოტელი
კომენტარები (0)
კომენტარები არ გაკეთებულა
რუბრიკის სხვა სიახლეები
25.09.2017
VISO უსასყიდლოდ გადასცემს ინოვაციურ სმარტ-ტერმინალებს იურიდიულ პირებს საქართველოში!
სრულად
25.09.2017
თბილისის საკრებულოში 13 მოქმედი მილიონერია, მათ შორის პირველ ადგილს 3.383.898 ლარით "ქართული ოცნების" წევრი თამარ ტალიაშვილი იკავებს, ხოლო მილიონერებს შორის ყველაზე "ღარიბი" "ქართული ოცნების" წევრი გიორგი ტყემალაძეა 946.400 ლარით
სრულად
23.09.2017
საერთაშორისო ბრენდის სასტუმრო ქართული ელემენტებით - ასე ახასიათებს თელავში მშენებარე პირველ საერთაშორისო ბრენდის სასტუმრო Holiday Inn Telavi-ს მისი გენერალური დირექტორი ლევან ერისთავი.
სრულად
23.09.2017
მსოფლიოში ერთ-ერთი უდიდესი ინოვაციების ცენტრი ჩინეთის დედაქალაქში მდებარეობს.
სრულად
21.09.2017
საქართველოს ეკონომიკისა და მდგრადი განვითარების სამინისტროს სააგენტოს „აწარმოე საქართველოში“ ინდუსტრიული მიმართულების ფარგლებში მხარდაჭერილი ბენეფიციარების რიცხვს კიდევ ერთი კომპანია, შპს „სვეტი“ შეემატა, რომელიც ქვის გადამუშავებას გეგმავს.
სრულად
TOP
რეკომენდებული
მნიშვნელოვანი
ოფიციალური კურსი
კონვერტორი
25.09.2017
26.09.2017
USD
1
USD
2.4804
2.4829
EUR
1
EUR
2.9708
2.9497
GBP
1
GBP
3.3617
3.3497
RUB
100
RUB
4.3075
4.3289