ექსპორტი 5-წლიან მინიმუმზეა!
ექსპორტი 5-წლიან მინიმუმზეა!
11 თებერვალი / 2016
ექსპორტის მაჩვენებელი 2011 წლის დონეს დაუბრუნდა. ფაქტორივად ქვეყანას, ამ მიმართულებით 5-წლიანი უკუსვლა აქვს. მიზეზად კი, საქართველოს სავაჭრო პარტნიორ ქვეყნებში ვალუტების დევალვაცია და ეკონომიკური ვარდნა განიხილება. როგორც გაზეთი "რეზონანსი" წერს, სპეციალისტების აზრით, თუკი მთავრობა ბიზნესთან მიჭდროდ ითანამშრომლებს, წელს ექსპორტი მცირედით გაიზრდება, თუმცა სერიოზული წინსვლა მოსალოდნელი არ არის.

ექსპორტმა პირველი დიდი დარტყმა 2015 წლის დასაწყისში მიიღო. შარშან იანვარ-თებერვალში ამ მიმართულებით 26%-იანი ვარდნა დაფიქსირდა. რაც შეეხება მთლიან 2015 წელს, უცხო ქვეყნის ბაზრებზე 2.204 მილიარდი დოლარის ქართული პროდუქტი გავიდა - 23%-ით ნაკლები 2014 წელთან შედარებით, ეს ნიშნავს, რომ ექსპორტი 2011 წლის დონემდე დაეცა.

კერძოდ, 2009 წელს ექსპორტის მაჩვენებელმა 1,134 მილიარდი დოლარი შეადგინა, 2010 წელს - 1,677 მილიარდი დოლარი, 2011 წელს - 2,189 მილიარდი დოლარი, 2012 წელს - 2,375 მილიარდი დოლარი, 2013 წელს - 2,908 მილიარდი დოლარი, 2014 წელს - 2,861 მილიარდი დოლარი.

ეკონომიკის მეცნიერებათა დოქტორი სოსო არჩვაძე აღნიშნავს, რომ წელს ექსპორტის მიმართულებით ორი ურთიერთსაწინააღმდეგო ტენდენცია იკვეთება. ერთია ის, რომ საქართველოს მთავარ სავაჭრო პარტნიორ ქვეყნებში, გაუფასურებული ვალუტების გამო, მოსახლეობის მსყიდველუნარიანობა და შესაბამისად ზოგიერთ პროდუქტზე მოთხოვნა საგრძნობლად შემცირდა.

არის მეორე ოპტიმისტური მაჩვენებელი - რუსეთის შიდა სამომხმარებლო ბაზარზე სასოფლო-სამეურნეო პროდუქციის ერთ-ერთი მთავარი მიმწოდებელი იყო თურქეთი. ორ ქვეყანას შორის დაძაბულმა ვითარებამ, რასაც თურქეთის მიმართ სანქციების დაწესება მოჰყვა, ფაქტორივად, ქართველ მწარმოებლებს რუსეთის ბაზარი გამოუთავისუფლა. მაგალითად, რუსეთში ტომატის მოხმარების 60% თურქეთიდან იმპორტზე მოდიოდა. სანქციების შემდეგ, მათ მოუწევთ ალტერნატიული გზის გამონახვა.

"ეს ეხება ბაღჩეულ პროდუქტსაც. ჩვენ თუ კარგად ვიმუშავებთ, შეგვიძლია რუსეთის ბაზრის დიდი სეგმენტის ათვისება. არის მეორე ტენდენციაც. გაგვიიაფდა იმპორტი, შარშან მარტო სურსათზე 200 მილიონი დოლარის ეკონომია გავაკეთეთ. თუკი ხელისუფლება, ბიზნესთან ერთად, ჭკვიანურად დაგეგმავს ნაბიჯებს, შედეგი იქნება პოზიტიური. ეს ხელს შეუწყობს ეკონომიკის გამოცოცხლებასა და შემოსავლების ზრდას", - ამბობს სოსო არჩვაძე.

იანვრის ოფიციალური სტატისტიკა რამდენიმე დღეში გამოქვეყნდება. უკვე ცნობილია, ღვინის ექსპორტის მონაცემები და ამ მიმართულებით იანვარში 13%-იანი მატებაა. ღვინის ეროვნული სააგენტოს მონაცემებით, მეღვინეებს წინა თვეში განსაკუთრებით რუსეთის ბაზარმა გაუმართლა. 2015 წლის ანალოგიურ პერიოდში რუსეთში ღვინის ექსპორტის 60%-მდე ვარდნის შემდეგ, წელს ეს მაჩვენებელი 162%-ით გაიზარდა. მთლიანობაში, იანვარში უცხოეთის ბაზრებზე 3,82 მლნ დოლარის ღირებულების 1 521 802 ბოთლი (0,75 ლ) ღვინო გავიდა.

ეკონომიკის ექსპერტ ზვიად კანდელაკის აზრით, წელს ექსპორტის სერიოზულ ზრდას აღარ უნდა ველოდოთ, რადგან მთავარი საექსპორტო პროდუქტების რეალიზაცია ისევ პრობლემურია. მარტო ღვინო და ბაღჩეული კი ქვეყანას შორს ვერ წაიყვანს.

"ექსპორტის ვარდნა შეჩერდება, თუმცა ზრდის თვალსაზრისით განსაკუთრებით არაფერს ველით. ავტომობილების რეექსპორტი ისევ პრობლემაა, ფეროშენადნობთა რეალიზაცია მცირედით გაიზარდა, მაგრამ ბაზარი არც ამ მიმართულებით არ დასტაბილურებულა", - ამბობს კანდელაკი.

ფაქტია ისიც, რომ საქართველო ვერ აწარმოებს იმ რაოდენობის სოფლის მეურნეობის პოდუქტს (განსაკუთრებით ბაღჩეულს), რომ მათი ექსპორტით მთლიან მაჩვენებელში რაიმე სერიოზული გარდატეხა მოხდეს.

ოფიციალური მონაცემებით, ბაღჩეული პროდუქტები ათეულშიც კი ვერ ხვდება. საქართველოდან ყველაზე დიდი რაოდენობით სპილენძის მადნები და კონცენტრანტები გადის, შემდეგ მას მოჰყვება ფეროშენადნობები, მესამე ადგილზეა ავტომობილები, რომლის ექსპორტი მკვეთრად არის შემცირებული (წელს, მთავრობის ინიციატივით საავტომობილო ბაზარზე ახალი შეზღუდვების შესაძლო დაწესება ავტომობილების ექსპორტს კიდევ უფრო შეამცირებს). მეოთხე ადგილზე თხილია, თუმცა ჯერჯერობით დადებითი ტენდენცია არც ამ პროდუქტის მიმართ იკვეთება. ფასი, ფაქტობრივად, განახევრდა და თუკი ასე გაგრძელდა, ექსპორტი ამ მიმართულებითაც მნიშვნელოვნად მოიკლებს. ხუთეულს სამკურნალო საშუალებები ასრულებს, ღვინო კი მხოლოდ მეშვიდე ადგილზეა.

მაკა ხარაზიშვილი
გაზეთი "რეზონანსი"

კომენტარები (2)
14.02.2016
ალექს
ავტომობილების ექსპორტი ექსპორტი არაა,მისი წყარო იმპორტირებული ავტომობილებია ,იმპორტის წილი 90 %-ა ,და რფეაკლურად "პერეგონშიკის " გასამრჯელოა ! არის სხვა ექსპორტი-მომსახურების,რომელიც საკანონმდებლო ბარიერს საერთაშორისო გადაზიდვებში არარეზიდენტის გადასახადის გამო რეგრესს და სტაგნაციოას განიცდის,სამაგიეროდ ყვავის ჩვენთან მომსახურების იმპორტი,რომლის შესაზღუდად მიიღეს ვითომ ეს გადასახადი ,რეალურად კი ხელი გაუხსნეს სომხეთს და აზერბაიჯანს ,თურქეთსაც ჩვენი ბაზრის ექსპანსიისათვის. ჩვენ ხელისუფლება კი არა დუშმანთა კრება გვყავს გულთან ჩახუტებული !
11.02.2016
gio
გათავდა ჯართი, მორჩა აღარ არის.
მსგავსი სიახლეები
ბიზნესისა და ტექნოლოგიების უნივერსიტეტი 5 დეკემბერს საკუთარ ხედვას წარმოადგენს, რომელიც ეკონომიკაში სრულიად ახალი შესაძლებლობის გაჩენას მოიცავს
ეროვნული ბანკის პრეზიდენტის განცხადებით, „ალფა ბანკს“ საქართველოს ეროვნული ბანკისთვის ლიცენზიის საკითხზე არ მიუმართავს
სამეწარმეო განათლების გავრცელებისა და ფინანსური განათლების სარგებლიანობის შესახებ მოზარდებში ცნობიერების ამაღლების მიზნით, საქართველოს პრეზიდენტის ადმინისტრაცია, ეროვნული ბანკი და ბიზნესისა და ტექნოლოგიების უნივერსიტეტი ერთობლივ საგანმანათლებლო პროექტს იწყებენ.
შეიძლება ერთი პროდუქტის ფასი ნადვილად გაიზარდოს, მაგრამ ეს იმას არ ნიშნავს, რომ ზოგადად, ყველაფრის ფასები იზრდება
ევროკავშირმა დაასრულა ყველა ფორმალური პროცედურა და საქართველო შეიყვანა მესამე ქვეყნების ჩამონათვალში, საიდანაც ევროკავშირის ტერიტორიაზე თაფლის იმპორტი დაშვებულია.
უნდა ველოდოთ თუ არა ფასების ზრდას პროდუქტებზე? - ამ შეკითხვას "გირჩის" წარმომადგენელმა ვახტანგ მეგრელიშვილმა "პალიტრანიუსის" გადაცემა "360 გრადუში" უპასუხა.
პირველი ვიცე-პრემიერი, ფინანსთა მინისტრი დიმიტრი ქუმსიშვილი ნავთობპროდუქტების იმპორტიორთა და დისტრიბუტორთა ასოციაციის წევრებს შეხვდა.
ახლა კუდიანებზე უნდა დაიწყოს ნადირობა, რაც კიდევ უფრო გააღრმავებს კრიზისს, კიდევ უფრო გააღარიბებს ხალხს
სავაჭრო-სამრეწველო პალატის ორგანიზებით, თბილისში საქართველო-კორეის ბიზნეს-ფორუმი გაიმართა.
საპარლამენტო უმრავლესობის წევრის დავით ჭიჭინაძის შეფასებით, ყველა ბიზნესი დღეს ბანკის კონკურენტია.
რუბრიკის სხვა სიახლეები
02.12.2016
ეროვნული ბანკის ყოფილი პრეზიდენტი გიორგი ქადაგიძე რეკომენდაციით გამოდის, როგორ უნდა დავზოგოთ/მოვიძიოთ 1 - 1,5 მილიარდი ლარი ბიუჯეტის დეფიციტის გასანულებლად და ეკონომიკის სწრაფი განვითარებისთვის ამის შესახებ გიორგი ქადაგიძე ”ფეიბუქის” საკუთარ გვერდზე წერს.
სრულად
02.12.2016
გავლენიანი გამოცემა The Economist მსოფლიო ბაზარზე დოლარის გამყარებასთან დაკავშირებით აქვეყნებს სტატიას, სახელწოდებით „რატომ არის ძლიერი დოლარი ცუდი მსოფლიო ეკონომიკისთვის“.
სრულად
01.12.2016
საპარლამენტო უმრავლესობის წევრ დავით ჭიჭინაძის შეფასებით, ეროვნული ბანკის საბჭოს წევრობის კანდიდატის არჩილ მესტვირიშვილის პროგრამა ბანკების არაპროფილურ საქმიანობასთან დაკავშირებით მკაფიო არ არის.
სრულად
01.12.2016
ოქტომბრში ვადაგადაცილებული სესხები 31.0 მლნ ლარით გაიზარდა და 400.5 მლნ ლარს გაუტოლდა, - ამის შესახებ ნათქვამია ეროვნული ბანკის მიერ გამოქვეყნებულ 2016 წლის ოქტომბრის „თვის მიმოხილვაში“.
სრულად
01.12.2016
ოქტომბერში, წინა თვესთან შედარებით, სამომხმარებლო ფასების საერთო დონე 0.5 პროცენტით გაიზარდა
სრულად
TOP
რეკომენდებული
მნიშვნელოვანი
ოფიციალური კურსი
კონვერტორი
ბირჟა
02.12.2016
03.12.2016
USD
1
USD
2.5871
2.5599
EUR
1
EUR
2.7491
2.7250
GBP
1
GBP
3.2561
3.2283
RUB
100
RUB
4.0403
3.9854