აფხაზეთს უშუქოდ დარჩენა ემუქრება?! - რას ამბობს "ენგურჰესის" გენერალური დირექტორი
აფხაზეთს უშუქოდ დარჩენა ემუქრება?! - რას ამბობს "ენგურჰესის" გენერალური დირექტორი
15 თებერვალი / 2016
"ენგურჰესის" წყალსაცავში, წყლის დონის კლების გამო, აფხაზეთს ელექტროენერგიის გარეშე დარჩენა რომ ემუქრებოდა, ამის შესახებ ჯერ კიდევ რამდენიმე თვის წინ იყო ლაპარაკი. მაშინ აფხაზური მედია გამოსავლის ძიებაში იყო და ადგილობრივ ხელმძღვანელობას კრიტიკულად მიუთითებდა 90-იან წლებზე, როდესაც საომარი მოქმედებების მიუხედავად, რეგიონში დენის მიწოდება არ შეწყვეტილა. 25 იანვრიდან კი აფხაზეთს დენი გრაფიკით მიეწოდება, რაც, რა თქმა უნდა, მოსახლეობის უკმაყოფილებას იწვევს.

"ჩერნომორენერგოს" წარმომადგენლების განცხადებით, ამ ზომის მიღება აუცილებელი გახდა, ვინაიდან წყლის დონე რეზერვუარში კრიტიკულ დონემდე შემცირდა და მოსახლეობას დენის გრაფიკით სარგებლობა 15 აპრილამდე მოუწევს.

თუმცა, სპეციალისტები იმაზეც ლაპარაკობენ, რომ ბოლო ერთი წელია, აფხაზეთში ელექტროენერგიის მოხმარება გაიზარდა, რის გამოც დროებითი გათიშვის სისტემის ჩართვა შედეგს არ გამოიღებს. მათივე თქმით, საქართველოს ხელისუფლება ვალდებულია, აფხაზეთს ამ მიმართულებით გარკვეული წინადადება შესთავაზოს, თუმცა, კონკრეტულად რა, ამაზე უნდა შეჯერდნენ.

"ენგურჰესის"გენერალური დირექტორის, ლევან მებონიას განცხადებით, თუ აფხაზეთი ელექტროენერგიის მოხმარებას არ დაზოგავს, სულ რაღაც ორ წელიწადში შესაძლოა, დენის გარეშე დარჩეს. დაახლოებით იგივე პროგნოზს აკეთებს ჰიდროელექტროსადგურის ტექნიკური დირექტორი გია ხუბუა, რომლის თქმითაც, აფხაზეთის ელექტრომომარაგების პრობლემა, წესით, გაზაფხულზე გამოსწორდება... მაგრამ იმ შემთხვევაში, თუ წყლის დონე 420 მეტრამდე შემცირდება, ინსტრუქციის მიხედვით, ტურბინის მუშაობა შეჩერდება, რაც ნიშნავს, რომ ჰესი მუშაობას შეწყვეტს.

საქართველოს ენერგეტიკის აკადემიის პრეზიდენტ რევაზ არველაძის თქმით, იმის გათვალისწინებით, რომ "ენგურჰესის"წყალსაცავი ნამდვილად დაცლის პირასაა, ყველაზე რეალურია, ოკუპირებულმა აფხაზეთმა რუსეთიდან მიიღოს ელექტროენერგია.

ლევან მებონია, "ენგურჰესის"გენერალური დირექტორი:

- "ჩერნომორენერგომ" აფხაზეთში ელექტროენერგიის მიწოდებაზე გრაფიკი 25 იანვრიდან დააწესა, რაც ორი მიზეზითაა განპირობებული: ჯერ ერთი, ბოლო დროს, აფხაზეთმა ელექტროენერგიის მოხმარება გაზარდა. მეორეც, ამას გვალვიანი წელიც დამეტა, ანუ ნალექი, ფაქტობრივად, არ ყოფილა. ბოლო 35 წლის განმალობაში, "ენგურჰესის" ექსპლუატაციიდან, 2015 წელს საშუალოდ წლიური ხარჯი ივნის-ივლისს-აგვისტოში დაახლოებით 30%-ით ნაკლები იყო, ვიდრე წინა წლებში. ამიტომ, წყალსაცავი ვერ შეივსო საჭირო რაოდენობით, მაგრამ აქ მაინც მთავარი ფაქტორი ელექტროენერგიის მოხმარების ზრდაა. თუ ეს ზრდა ამ ტემპებით გაგრძელდება და კონტროლს არ დაექვემდებარება, მომავალ წლებში ენგური კი არა, მეორე ელექტროსადგურიც რომ აშენდეს, აფხაზეთს მაინც არ ეყოფა...

- გამოსავალს რაში ხედავთ?
- აქ გამოსავალი არის ერთადერთი - ელექტროენერგიის მოხმარების შეზღუდვა გამრიცხველიანების ხარჯზე და აღრიცხვის სისტემის მოწესრიგება. ამ საკითხზე უკვე
You must have Flash Player installed in order to see this player.
გვქონდათ ლაპარაკი აფხაზურ მხარესთან. "ჩერნომორენგოს" ხელმძღვანელობაც ხედავს შექმნილ პროლემებს და ცდილობენ გამოსავლის მოძებნას, თუმცა, გამრიცხველიანებას საკმაოდ დიდი თანხები და დრო სჭირდება...

- ვიცით, რომ ეს ერთადერთი ობიექტია, სადაც ქართველები და აფხაზები შეთანხმებულად მუშაობენ. საინტერესოა, როგორ ხდება თქვენს შორის თანამშრომლობა?

- ჩვენსა და აფხაზებს შორის ჩვეულებრივი საქმიანი ურთიერთობაა. მთავარია, ვინც მოიხმარს ელექტროენერგიას, ამის ღირებულებაც გადაიხადოს. ამ დროისთვის ისინი არაფერს იხდიან და თუ ასე გაგრძელდა, იძულებული ვხდებით, ავიღოთ მოკლევადიანი სესხები ჩვენი საექსპლუატაციო ხარჯებისთვის, რასაც ზაფხულის შემოსავლების ხარჯზე ვფარავთ, თუმცა აფხაზეთიდან ელექტროენერგიის რაოდენობის გაზრდის საჭიროებამ საფიქრალი გაგვიჩინა...

აშკარაა, რომ საფიქრალი გაუჩნდა აფხაზური მხარის ხელმძღვანელობას, რომელსაც მოსახლეობა ქმედითი ნაბიჯების გადადგმას სთხოვს. აფხაზეთში უკვე ვრცელდება ინფორმაცია, რომ ხაჯიმბას გუნდი გამრიცხველიანების თანხების მოძიების შესახებ ალაპარაკდა, რაც ეტაპობრივად უნდა განხორციელდეს. არსებობს კიდევ ერთი ალტერნატივა, - ელექტრონერგიის რუსეთიდან ექსპორტი, თუმცა ამას აფხაზები ყველაზე ბოლოს განიხილავენ, რადგან ადგილობრივ მოსახლეობას რუსეთის ხელისუფლების მიმართ უკვე ისედაც საკმაოდ ბევრი კითხვა დაუგროვდა, როგორც პოლიტიკურ, ისე ეკონომიკურ სფეროში...

ლალი პაპასკირი
წყარო: "კვირის პალიტრა"
კომენტარები (3)
15.02.2016
მაგი ჯობ ყველაპერს
ააპეთქონ ეგ ენგუჰესი და ერთი გასროლით 2 კურდგელს დავიჯერთ მოვიშორებთ აბხაზებ და რუსებს მაგი ჯობ ყველაპერს
15.02.2016
ქართველი
ჩვენ რატო გვემუქრება უშუქობაა? ვერ გავიგე წყარო საქართველოდანაა კერძოდ სვანეთიდან და კიდე ჩვენ ყველაფერი ცუდი?
მსგავსი სიახლეები
თბილისის მოსახლეობის ნაწილისთვის ელექტროენერგიის გამორთვის მიზეზი ელექტროგადამცემი ხაზი „იმერეთის“ ავარიული გამორთვა გახდა, - ამის შესახებ  „საქართველოს სახელმწიფო ელექტროსისტემაში“ განაცხადეს.
რამდენად გამართლებულია გასართობი ცენტრის მოწყობა ოკუპაციის საზღვართან
ენგურჰესის თაღოვანი კაშხლის მიმდებარე ტერიტორია ტურისტული ზონა ხდება
ამერიკელი მილიარდერის უორენ ბაფეტის კომპანია Berkshire Hathaway-ში შემავალი Berkshire Hathaway Energy-ი, ელექტროენერგიის მიმწოდებელ კომპანია Oncor-ს ყიდულობს.
„საქართველოს სახელმწიფო ელექტროსისტემამ“ პროექტის „ახალციხე-ბათუმის 220 კვ-იანი ორჯაჭვა ე.გ.ხ-ის მშენებლობის“ პირველი ეტაპი წარმატებით დაასრულა.
რუსეთის პრეზიდენტის თანაშემწის, ვლადისლავ სურკოვის განცხადებით, მოსკოვს აფხაზეთთან არავითარი პრეტენზიები არ აქვს სოხუმის მიერ რუსეთის ფულის ხარჯვასთან დაკავშირებით, რომელიც საქართველოს ოკუპირებულ რეგიონს სოციალურ-ეკონომიკური განვითარების საინვესტიციო პროგრამის ფარგლებში გადაეცემა.
აფხაზეთის დე-ფაქტო რესპუბლიკის ზოგიერთი ქალაქის სავაჭრო ობიექტებში ალკოჰოლური სასმელი „დერჟავა“ იყიდება, რომლის ეტიკეტზეც სტალინის გამოსახულებაა დატანილი.
ვიცე-პრემიერი და ენერგეტიკის მინისტრი კახა კალაძე, საგამოფენო დარბაზ ,,ექსპო ჯორჯიაში“ გამართულ პრეზენტაციას - „ნეტო აღრიცხვის რეგულირება საქართველოში“ დაესწრო.
საქართველოს საკონსტიტუციო სასამართლოში მეორე კოლეგია შპს"ჯორჯიან მანგანეზის" სარჩელს საქართველოს პარლამენტის წინააღმდეგ განიხილავს.
ენერგოომბუდსმენის სამსახური „საქართველოს მაღალმთიანი რეგიონების განვითარების შესახებ“ საქართველოს კანონით გარანტირებული შეღავათების საკითხით დაინტერესდა
რუბრიკის სხვა სიახლეები
27.07.2017
პირველმა ვიცე-პრემიერმა, ფინანსთა მინისტრმა დიმიტრი ქუმსიშვილმა ფინანსთა სამინისტროს შემოსავლების სამსახურის საბაჟო დეპარტამენტის თანამშრომლებთან სამუშაო შეხვედრა გამართა და მათ დეპარტამენტის ახალი უფროსი წარუდგინა.
სრულად
27.07.2017
2019 წლიდან რაჭა-ლეჩხუმის რეგიონიდან სახვანჭკარე ჯიშების (მუჯურეთული, ალექსანდროული) სხვა რეგიონში გადამუშვების მიზნით გატანა შეიზღუდება
სრულად
27.07.2017
კომპანია “AG TELEKOM” ლიტვასა და ლატვიაში ტელევიზორებისა და საკაბელო რესივერების გატანაზე მოლაპარაკებებს აწარმოებს.
სრულად
26.07.2017
საერთაშორისო სავალუტო ფონდმა მიმდინარე და მომავალი წლებისთვის მსოფლიო ეკონომიკური ზრდის პროგნოზი შეინარჩუნა.
სრულად
26.07.2017
ეროვნულ-დემოკრატიული ინსტიტუტის (NDI) კვლევის თანახმად, გამოკითხულთა 37% მიიჩნევს, რომ ყველაზე მნიშვნელოვანი საკითხი, რომელიც მათ ქალაქს/სოფელს აწუხებს, გზებია.
სრულად
TOP
რეკომენდებული
მნიშვნელოვანი
ოფიციალური კურსი
კონვერტორი
27.07.2017
28.07.2017
USD
1
USD
2.3993
2.4022
EUR
1
EUR
2.7933
2.8125
GBP
1
GBP
3.1323
3.1579
RUB
100
RUB
4.0016
4.0430