რატომ ვერ სახლდებიან რუსები აფხაზეთში
რატომ ვერ სახლდებიან რუსები აფხაზეთში
20 თებერვალი / 2016
„კომსომოლსკაია პრავდას“ კორესპონდენტი ნიკოლაი ვარსეგოვი ოკუპირებულ აფხაზეთში იმყოფებოდა, სადაც დე-ფაქტო ეკონომიკის მინისტრის მოადგილესთან, ახრა არისთავასთან ინტერვიუ ჩაწერა. რუსი ჟურნალისტი ცდილობდა გაერკვია, რატომ არ აძლევენ აფხაზები უცხო ქვეყნის მოქალაქეებს ოკუპირებულ აფხაზეთში საცხოვრებელი სახლების შეძენის უფლებას.

- თქვენ, ეკონომიკის მინისტრის მოადგილეს, რამდენი გაქვთ ხელფასი?

- 9 000 რუბლი, მინისტრს ოდნავ მეტი. აკადემიკოსები 10 000-ს იღებენ, მსახიობი - 3 000-ს, დამლაგებელი 5 000-ს. მაგალითად, მე საკუთარი ბინა არ მაქვს და მშობლების სახლში ვცხოვრობ. ჩემსავით აფხაზეთში 95% ცხოვრობს. საშუალო და შედარებით მდიდარი კლასი დაახლოებით 3%-ს შეადგენს.

მაგალითად, მივეცით უცხოელებს აქ სახლების შეძენის უფლება. რუსეთში გასულ წელს საშუალო ხელფასი 45 000 რუბლი იყო, რაც ნიშნავს, რომ რუსები თავისუფლად შეძლებენ აქ ბინების შეძენას, ჩვენს მოქალაქეებს კი შეშურდებათ.. ეს ანტირუსულ განწყობებს შექმნის.
რუსებისთვის თუ გაიხსნა საცხოვრებელი ბინების ბაზარი, ჩვენთვის ის საერთოდ დაიკეტება, ეს კი კატასტროფა იქნება. აქ ახალგაზრდა ოჯახები მშობლებთან ერთად ცხოვრობენ და ამ ნიადაგზე განქორწინებების უზარმაზარი რაოდენობაა.
- გუშინ ვესაუბრე რუსეთის სავაჭრო წარმომადგენელს იური აიკინს. ის ამბობს, რომ აფხაზებს შეუძლიათ მიიღონ ყველასთვის მომგებიანი კანონი. მაგალითად, მისცენ უფლება რუსულ კომპანიას, გაგრაში რუსებისთვის საცხოვრებელი სახლი ააშენონ, მაგრამ ამასთანავე, კომპანია ვალდებული იქნება, ბინების გარკვეული ნაწილი აფხაზებს გადასცეს.
- ჩვენ გვყავს პრეზიდენტი, პარლამენტი და ფიქრობენ ამ თემაზე. ახლა მთავარია შევქმნათ სამუშაო ადგილები და გავზარდოთ ჩვენი მოსახლეობის შემოსავალი რუსულ დონემდე. აი, მაშინ უკვე შევძლებთ ამაზე საუბარს.
- აფხაზეთში უამრავი უმუშევარი ახალგაზრდაა, ამასთანავე ბევრი მიწა აუთვისებელია, მილიონობით რუბლის მოსავალი იკარგება იმის გამო, რომ მიწას ვერ ამუშავებენ. რა უშლის ხელს სამუშაო ადგილების შექმნას?
- სამწუხაროდ, ჩვენ საბაზრო ეკონომიკას მორგებული ახალი კანონები არ გვაქვს. არ გვყოფნის სპეციალისტები, რომ კანონები შეიმუშავონ, ამიტომ უცხოელები აქ ფულის დაბანდებას არ ჩქარობენ. მსოფლიოში 2 000 მდიდარი აფხაზია, რომლებსაც მილიონ დოლარამდე და მეტი აქვთ. მაგრამ ვერც ისინი ვერ ხედავენ აქ ფულის დაბანდების პირობებს.
- თქვენ თუ არ გყოფნით კანონმდებლები, აიღეთ რუსული კანონები და გამოიყენეთ.
- რუსეთის ფედერაცია უზ
You must have Flash Player installed in order to see this player.
არმაზარი ქვეყანაა, მისი კანონები პატარა სუბტროპიკულ აფხაზეთს არ გამოადგება.
- რუსი ბიზნესმენი თუ ჩამოვიდა აქ რამის ასაშენებლად, რა რისკები ელოდება?
- ჩვენ არ გვაქვს კანონი, რომელიც დაავალდებულებდა ჩინოვნიკებს, საქმე დროულად მოეგვარებინა. მაგალითად, უცხოეთიდან ჩამოვიდნენ აფხაზი ბიზნესმენები, პლასტიკური ბოთლებისა და ქილების გადამამუშავებელი ქარხნის გახსნა უნდოდათ. განაცხადები შეიტანეს. უარს არავინ ეუბნება, მაგრამ ყოველ ჯერზე პასუხობენ: ხვალ მოდით, ან ზეგ მოდით და ასე თვეები გრძელდება.
- ალბათ ფულის გამოძალვაც ხდება?
- ამის ნიადაგი არსებობს.. პრობლემა ის არის, რომ ჩვენი სისტემა დროს ფეხს ვერ უწყობს.
- მგონი, აქაური ხალხი ჩინოვნიკებზე უფრო გაბოროტებულია ... შეხედეთ, როგორი მანქანებით დადიან და როგორ სახლებს იშენებენ..
- დიახ, ასეთი პრობლემა არსებობს. ჩვენთან საგადასახადო ინსპექტორს არა აქვს უფლება ჰკითხოს მოქალაქეს, რა თანხით იშენებს ასეთ მდიდრულ სახლს ან რა ფულით იყიდა ძვირადღირებული ჯიპი. მთავრობას ესმის, რომ არ არის ნორმალური, როცა ხალხი საკუთარ ხელისუფლებას არ ენდობა. აქ საქმე ეხება არა მხოლოდ ჩინოვნიკებს, არამედ ბიზნესმენებსაც. თუ ის 100 მილიონიან სახლს იშენებს, ხოლო საშემოსავლო გადასახადს 120 რუბლს იხდის, ეს ნორმალურია? ამიტომ ჩვენი პრეზიდენტი პრიორიტეტულად ასახელებს საშემოსავლო გადასახადის შესახებ კანონის რეფორმირებას.
- მაგრამ აფხაზეთში ბიზნესი ხომ მაინც მუშაობს.. რუსეთიც აგზავნის აქ ბევრ ფულს. რაზე იხარჯება ეს თანხები?
- წელს აფხაზეთმა რუსეთიდან 7 მილიარდ 700 მილიონი მიიღო სკოლებზე, საავადმყოფოებზე, გზებზე.. და კრედიტის სახით მილიარდ 200 მილიონი ბიზნესპროექტებზე..
- მილიარდ 200 მილიონი რაზე დაიხარჯება?
- ყველას, მათ შორის რუსებს, უფლება აქვთ, საპროექტო განაცხადი შეიტანონ. ერთადერთი პირობაა, ის აფხაზეთში იურიდიული პირის სტატუსით უნდა იყოს დარეგისტრირებული.
კომენტარები (7)
22.02.2016
აკა
იმიტომ, რომ აფხაზეთის სომხები არ უშვებენ საცხოვრებლად, ისე როგორც სომხეთში, სადაც სომხების გარდა არავის აცხოვრებენ... მალე აფხაზებსაც გააძევებენ...ასეა ეს!!!
22.02.2016
зура
ჯერ სომხები მოინელეთ.მერე რუსებს რომ შეიკვანთ ფეხებს შეგაწმინდავენ.ახლა როგორაა საქმე აფხაზების ვაის გევეყარეო და უის შევეყარეო.მალე სომეხი გადაგთელავთ თან დანას დაგარტყამენ უკნიდან.
მსგავსი სიახლეები
აგრარულ საკითხთა კომიტეტმა ვაზისა და ღვინის შესახებ კანონში შესატან ცვლილებებს ერთხმად დაუჭირა მხარი.
აჭარაში, რვა დასახლებაში მცხოვრებ 122 ოჯახს, მათ შორის, 89 დევნილ ოჯახს მართლზომიერ მფლობელობაში არსებული საცხოვრებელი ფართები საკუთრებაში გადაეცა, - ამის შესახებ  აჭარის მთავრობის პრესსამსახურიდან იუწყებიან.
მთავრობის საპარლამენტო მდივნის შალვა თადუმაძის ინფორმაციით, ინფრასტრუქტურულ პროექტებს ექსპროპრიაციის შესახებ მოქმედი კანონიდან გამომდინარე, გარკვეული პრობლემები ექმნება და ამ მიმართულებით არსებობს გამოწვევები.
კონსტიტუციაში ახალი ჩანაწერის თანახმად, მიწაზე, როგორც განსაკუთრებულად მნიშვნელოვან რესურსზე, საკუთრების უფლებას აწესრიგებს ორგანული კანონი
ტყიბულსა და წალენჯიხაში ჩაის გადამამუშავებელი საწარმოები აშენდება.
სახელმწიფო ქონების ეროვნულმა სააგენტომ აუქციონზე გასაყიდად გამოიტანა ქალაქ თბილისში
ბოლო წლებში საქართველოში ელექტროენერგიის იმპორტი ყოველწლიურად მატულობს.
სსიპ საქართველოს ფინანსთა სამინისტროს მომსახურების სააგენტოს სარეალიზაციოდ, ელექტრონულ აუქციონზე (www.eauction.ge), წარმოდგენილი აქვს ,,მ-100’’ მარკის 50 027 583 კგ. მაზუთი.
აჭარის მთავრობის გადაწვეტილებით, აჭარის ტერიტორიაზე მცხოვრებ პირებს, რომლებსაც რეგიონის საკუთრებაში არსებული ფართები 2010 წლის 31 დეკემბრამდე აქვთ დაკავებული, ისინი საკუთრებაში გადაეცემა.
სახელმწიფო ქონების ეროვნულმა სააგენტომ აუქციონზე გასაყიდად გამოიტანა ქალაქ თბილისში, ვაზისუბნის დასახლებაში, II მ/რ-ის
რუბრიკის სხვა სიახლეები
28.04.2017
საქართველოს პარლამენტის საფინანსო საბიუჯეტო კომიტეტის თავმჯდომარის, ირაკლი კოვზანაძის აზრით, საქართველოს ეკონომიკამ მიმდინარე წლის დასაწყისშივე კარგი სტარტი აიღო, რაც პირველი კვარტლის შედეგების გამოქვეყნებით კიდევ ერთხელ დადასტურდა.
სრულად
28.04.2017
2016 წელს ემიგრანტების რაოდენობამ 98,3 ათასი ადამიანი შეადგინა, რაც 2015 წლის მაჩვენებელზე 2,4 პროცენტით მეტია.
სრულად
28.04.2017
ყატარის ერთ-ერთი უმსხვილესი კომპანია Alfardan Group-ი საქართველოში ინვესტირებით დაინტერესდა
სრულად
28.04.2017
წინასწარი მონაცემებით, მარტში ეკონომიკურმა ზრდამ 5.3%, ხოლო იანვარი-მარტის საშუალო ეკონომიკურმა ზრდამ 5.0% შეადგინა.
სრულად
TOP
რეკომენდებული
მნიშვნელოვანი
ოფიციალური კურსი
კონვერტორი
ბირჟა
28.04.2017
29.04.2017
USD
1
USD
2.4751
2.4416
EUR
1
EUR
2.6996
2.6701
GBP
1
GBP
3.1939
3.1604
RUB
100
RUB
4.3579
4.2768