1 ვაკანტურ ადგილზე 16 უმუშევარი მოდის!
1 ვაკანტურ ადგილზე 16 უმუშევარი მოდის!
24 თებერვალი / 2016
საქართველოში 1 ვაკანტურ სამუშაო ადგილზე 16 პოტენციური უმუშევარი მოდის. როგორც გაზეთი "რეზონანსი" წერს, სპეციალისტების შეფასებით, ყოველწლიურად სამუშაო ადგილების რაოდენობა 40 000-ით მატულობს, ხოლო 15 000-მდე უქმდება. ეს ყოველივე იმ მძიმე ეკონომიკურ მდგომარეობაზე მეტყველებს, რაც ქვეყანაშია.

სპეციალისტების განცხადებით, საქართველოში 800 ათასამდე ისეთი მოქალაქეა, რომელთა გამოყენების პოტენციალი საზოგადოებას არ გააჩნია. ერთ-ერთ მიზეზად ისინი კვალიფიციური კადრის დეფიციტსაც მიიჩნევნ, რაც დღესდღეობით საქართველოსთვის სერიოზულ პრობლემას წარმოადგენს.

ეკონომიკის სფეროს სპეციალისტი, სტატისტიკოსი სოსო არჩვაძე მიიჩნევს, რომ დასაქმებულთა შესახებ მონაცემები არასრულყოფილია, რამდენადაც იგი ყველა სექტორს არ მოიცავს და არც სამუშაო ადგილების შესახებ გვაძლევს ინფორმაციას.

"90-იან წლებთან შედარებით, მოსახლეობა 1,7 მილიონით შემცირდა, დაქირავებით დასაქმებულთა რაოდენობა კი - 1,6 მილიონით. ასეთი კლება მძიმე ეკონომიკურ მდგომარეობაზე მეტყველებს. საგულისხმოა ისიც, რომ სტატისტიკის ეროვნული სამსახური დასაქმებულთა შესახებ მონაცემებს აქვეყნებს წელიწადში ერთხელ და არა კვარტლების მიხედვით (თუ ბიზნეს სექტორს არ მივიღებთ მხედველობაში).

ოფიციალურ უწყებაში არ ქვეყნდება ინფორმაცია სამუშაო ადგილების შესახებ. "ჯობს.გე"-ს მონაცემებს თუ დავეყრდნობით, იგი მოიცავს დაქირავებულთა სექტორს და არაფერს გვეუბნება თვითდასაქმებულებზე, რომლებიც დიდი მონდომებით, წვალებითა და რისკით ქმნიან სამუშაო ადგილებს", - აცხადებს არჩვაძე და დასძენს, რომ მიახლოებითი გათვლით, წელიწადში 40-45 ათასამდე სამუშაო ადგილი იქმნება, ხოლო 15 ათასი უქმდება ბიზნესის არაეფექტური მენეჯმენტისა და ბაზრის არასწორი კონიუნქტურის გამო.

"ვფიქრობ, რომ სამუშაო ადგილების მხრივ ზრდა გვაქვს 30 000-ის ფარგლებში ერთ წელიწადში. ცხადია, ეს ძალიან დაბალი მაჩვენებელია. გასათვალისწინებელია ქვეყნიდან გასული მოსახლეობის რაოდენობაც, რომელიც მილიონნახევარს აჭარბებს. ვერ ვიტყვი, რომ სამუშაო ადგილების შექმნის მიზნით არაფერი კეთდება, მაგრამ არასაკმარისია და არსებულ მდგომარეობას ჯერჯერობით ვერ ცვლის", - განმარტავს იგი.

არჩვაძის შეფასებით, სამსახურის მაძიებელთა უმრავლესობას კვალიფიკაციის პრობლემა აქვს. "ადამიანებს უნდათ სამუშაო, მაგრამ მათი კვალიფიკაცია არსებულ მოთხოვნებს არ შეესაბამება, რაც სერიოზული პრობლემაა. ქვეყანას ჰყავს 800 000 ათასამდე ისეთი მოქალაქე, რომელიც სამსახურს ეძებს. ისინი ან ოფიციალურად არიან უმუშევრები, ან მათი საქმიანობის მასშტაბი არ არის ისეთი, რომ ენა მოგვიბრუნდეს და ეს ხალხი დასაქმებულად ჩავთვალოთ.

სამუშაო ადგილებზე საუბრისას შეგნებულად არაფერს ვამბობთ უმაღლესი სასწავლებლების კურსდამთავრებულებზე, რომელთა მცირე ნაწილი პროფილით იწყებს მუშაობას, ზოგიც საერთოდ მიდის ქვეყნიდან. სამსახურის მაძიებელთა რიცხვში, შეიძლება, მათი ნახევარიც არ გავითვალისწინოთ.

დასაქმების პრობლემა
You must have Flash Player installed in order to see this player.
განსაკუთრებით იურისტებს აქვთ, რადგან ამ პროფესიის მქონე ადამიანების რაოდენობა 3-ჯერ აღემატება ეკონომიკაში არსებულ მოთხოვნებს. მათ მოუწევთ შეიცვალონ პროფილი ან გაიყოს სამუშაო. ეს უკანასკნელი კი რეალურად წარმოუდგენელია. ზოგადად, ძალიან მძიმე სტატისტიკასთან გვაქვს საქმე, 1 ვაკანტურ სამუშაო ადგილზე 16 პოტენციური უმუშევარი მოდის, დისბალანსი საკმაოდ დიდია", - დასძენს სოსო არჩვაძე.

ექსპერტი ეკონომიკურ და სოციალურ საკიხთებში ნოდარ კაპანაძე არსებულ სტატისტიკას გადაჭარბებულად მიიჩნევს. იგი თვლის, რომ უმუშევრების რაოდენობა შეიძლება 250 ათასის ფარგლებში იყოს.

"სამუშაო ადგილების შექმნაზე როცა ვსაუბრობთ, ძალიან მნიშვნელოვანია, რა არის დასაქმების წყარო. ეს თუ შერჩევითი გამოკვლევაა, ამ ცვლილებებზე აქცენტის გაკეთება უკვე სისულელეა. ამასთან, არაფორმალურ სექტორში შექმნილი სამუშაო ადგილი დასაქმებულებში არ აღინიშნება.

რაც შეეხება სტაბილურ სამუშაო ადგილებს, ეკონომიკის რეალურ სექტორში დასაქმება სხვა ტიპის სამუშაო ადგილია. მისი რაოდენობა მართლაც 50 000-ს რომ აღწევდეს, საქართველოში რუსთავის მეტალურგიული ქარხნის სიმძლავრის მინიმუმ სამი საწარმო უნდა აშენდეს", - აცხადებს კაპანაძე.

იგი ასევე ემიჯნება მოსაზრებას, რომლის მიხედვითაც ქვეყანას 800 000 უმუშევარი ჰყავს.

"შრომის საერთაშორისო ორგანიზაციის (შსო) კრიტერიუმით, უმუშევრების რაოდენობა საქართველოში შეიძლება იყოს 200-250 ათასის ფარგლებში. უმუშევრობის დონე, არასრული დასაქმებისა და ფარული უმუშევრობის ჩათვლით, 40%-მდეა. მთლიანი დასაქმების 60%-ზე ცოტა მეტი სოფლად დასაქმებულებზე მოდის. ჩემი აზრით, საქართველოში სამუშაოს მაძიებელთა რაოდენობა 1,5 მილიონამდეც შეიძლება იყოს. ამ კატეგორიაშია ისიც, ვინც დასაქმებულია, მაგრამ იმავდროულად ახალ სამსახურს ეძებს.

აბსოლუტურად სხვა სპეციფიკასთან გვაქვს საქმე, როცა უმაღლესი სასწავლებლების კურსდამთავრებულებზე ვსაუბრობთ. ქვეყანაში დიდია განათლების ლიკვიდურობის პრობლემა. 90-იანი წლებიდან მოყოლებული და შემდეგ წლებშიც, კვალიფიკაციის მიხედვით, განათლება უმაღლესი ნამდვილად არ არის.

ვფიქრობ, დიდი მნიშვნელობა აქვს სტრატეგიის შემუშავებას, რისთვისაც აუცილებელია პრობლემის სახელმწიფოებრივი ხედვა. სამეწარმეო მიდგომა ამისთვის არასაკმარისია. უფრო მეტიც, მისი დომინირება ხელისშემშლელიც შეიძლება იყოს", - აცხადებს კაპანაძე.

მისი შეფასებით, სოფლად არასრული დასაქმებისა და ფარული უმუშევრობის პრობლემა არსებითია და ასევე მწვავეა არაკვალიფიციური დასაქმების საკითხიც. როგორც ექსპერტი განმარტავს, საქართველოში სოფელი, ქალაქთან შედარებით, სიღარიბის მაღალი რისკის არეალს სწორედ ამის გამო წარმოადგენს. ერთადერთი, რასაც არანაირი საფრთხე არ ემუქრება, სასოფლო თვითდასაქმებაა.

მარი ჩიტაია
გაზეთი "რეზონანსი"

კომენტარები (1)
24.02.2016
სოსო
საქართველოში როგორი მაღალი კვალიფიკაციაც არ უნდა გქონდეს მაინც არავის სჭირდები, თუ არ გყავს,,პატრონი“.. თუ გინდათ სამუშაო ინატრეთ ,,პატრონი“..
მსგავსი სიახლეები
პირველად საჯარო სექტორში, საქართველოს განათლებისა და მეცნიერების სამინისტრომ საპილოტე რეჟიმში თანამშრომლებისთვის ახალი პროექტი „სახლიდან მუშაობის დღე“ დანერგა.
დილით გამოქვეყნებული ციფრები უფრო ადასტურებს იმას, რომ შესაძლებელი იქნება იმ ზრდის მიღწევა, რომელიც გაცხადებული იყო მთავრობის მიერ
საქართველოს საავიაციო ბაზარზე დღეიდან ოპერირებას იწყებს იორდანიული დაბალბიუჯეტიანი ავიაკომპანია Air Arabia Jordan
საერთაშორისო სავაჭრო პალატის თავმჯდომარე ფადი ასლი "ფეისბუქის" საკუთარ გვერდზე განცხადებას ავრცელებს, რომელიც  საერთაშორისო სავაჭრო პალატის ახლო აღმოსავლეთის ქვეყნების თავმჯდომარეებსა და პრემიერ მინისტრ გიორგი კვირიკაშვილთან დაგეგმილი შეხვედრის გაუქმებას ეხება.
თბილისში ხვალ საქართველო-მოლდოვას ეკონომიკური თანამშრომლობის ერთობლივი მთავრობათაშორისი კომისიის პირველი სხდომა გაიმართება.
ტყიბულსა და წალენჯიხაში ჩაის გადამამუშავებელი საწარმოები აშენდება.
სახელმწიფო ქონების ეროვნულმა სააგენტომ აუქციონზე გასაყიდად გამოიტანა ქალაქ თბილისში
საქართველოსთან თანამშრომლობის ახალი ჩარჩო ხელშეკრულების ფარგლებში, საერთაშორისო საფინანსო კორპორაცია (IFC) გააძლიერებს ისეთი მიმართულებების დაფინანსებას, როგორიცაა: სოფლის მეურნეობა, ჯანდაცვა, ტურიზმი, საფინანსო სექტორი
რუბრიკის სხვა სიახლეები
28.04.2017
საქართველოს პარლამენტის საფინანსო საბიუჯეტო კომიტეტის თავმჯდომარის, ირაკლი კოვზანაძის აზრით, საქართველოს ეკონომიკამ მიმდინარე წლის დასაწყისშივე კარგი სტარტი აიღო, რაც პირველი კვარტლის შედეგების გამოქვეყნებით კიდევ ერთხელ დადასტურდა.
სრულად
28.04.2017
2016 წელს ემიგრანტების რაოდენობამ 98,3 ათასი ადამიანი შეადგინა, რაც 2015 წლის მაჩვენებელზე 2,4 პროცენტით მეტია.
სრულად
28.04.2017
ყატარის ერთ-ერთი უმსხვილესი კომპანია Alfardan Group-ი საქართველოში ინვესტირებით დაინტერესდა
სრულად
28.04.2017
წინასწარი მონაცემებით, მარტში ეკონომიკურმა ზრდამ 5.3%, ხოლო იანვარი-მარტის საშუალო ეკონომიკურმა ზრდამ 5.0% შეადგინა.
სრულად
TOP
რეკომენდებული
მნიშვნელოვანი
ოფიციალური კურსი
კონვერტორი
ბირჟა
28.04.2017
29.04.2017
USD
1
USD
2.4751
2.4416
EUR
1
EUR
2.6996
2.6701
GBP
1
GBP
3.1939
3.1604
RUB
100
RUB
4.3579
4.2768