რუსულმა საწვავმა ქართული ბაზარი დაიპყრო
რუსულმა საწვავმა ქართული ბაზარი დაიპყრო
25 თებერვალი / 2016
ქართულ ბაზარზე რუსული საწვავის წილი დიდი სისწრაფით იზრდება, - წერს გაზეთი "რეზონანსი". თუ ამ ქვეყნიდან იმპორტირებულ ბენზინსა და დიზელს, დაახლოებით, 10% ეკავა, იანვარში ეს მაჩვენებელი ერთბაშად 43%-მდე გაიზარდა. სპეციალისტები ამ ფაქტს რუსული საწვავის სიიაფით ხსნიან. პარალელურად აღნიშნავენ, რომ წინა წლებისგან განსხვავებით, ბაზარი ახლა მეტად თავისუფალია, გაიზარდა იმპორტიორთა რიცხვი და შესაბამისად კონკურენცია.

როგორც "რეზონანსისთვის" გახდა ცნობილი, 1 ტონა რუსულ საწვავს იმპორტიორები 5-დან 10 დოლარამდე ფასდაკლებით ყიდულობენ. ოფიციალური სტატისტიკური მონაცემებით, იანვარში რუსეთიდან 32,9 ათასი ტონა ბენზინი და დიზელი შემოვიდა, რაც მთლიანი იმპორტის 43%-ია. რუსეთმა ამ მაჩვენებლით გაუსწრო რუმინეთს, რომელიც საქართველოში საწვავის იმპორტიორ ქვეყნებს შორის ლიდერი იყო. ამჯერად რუმინეთი მეორე ადგილზეა და ამ ქვეყნიდან 17,9 ათასი ტონა (23,4%) ბენზინი და დიზელი მივიღეთ, შემდეგ მოდის აზერბაიჯანი - 9,5 ათასი ტონა (12,4%), საბერძნეთი - 6,7 ათასი ტონა (8,7%). ამ სტატისტიკაში, კიდევ ერთი ტენდენცია დაფიქსირდა, საქართველოში თურქმენეთიდან უფრო მეტი საწვავი შემოვიდა (5,4 ათასი ტონა, ანუ 7,0%), ვიდრე ბულგარეთიდან (4,2 ათასი ტონა, ანუ 5,5%).

ბოლო წლების განმავლობაში რუსეთიდან ნავთობპროდუქტების იმპორტი სტაბილურად ხორციელდება, თუმცა ამ ქვეყნის წილი მთლიან იმპორტში შედარებით მოკრძალებული იყო და მხოლოდ 10%-ის ფარგლებში მერყეობდა.

"სენტას" დამფუძნებელი ზაალ იაკობიძე "რეზონანსთან" საუბარში აღნიშნავს, რომ საერთაშორისო ტრეიდერები რუსულ საწვავს შედარებით იაფად ყიდიან და მასზე მოთხოვნა ამიტომაც გაიზარდა.
"რუსული საწვავის ფასი უფრო მისაღებია. ჩრდილოეთიდან, ძირითადად, დიზელის საწვავის იმპორტი გაიზარდა, თუმცა მატებაა ბენზინის კუთხითაც. ამ ტენდენციას მხოლოდ ერთი ახსნა აქვს - ფასი და ხარისხი. ამ შემთხვევაშიც ფასი "პლატცთან" მიმართებაში სპეციალური ფორმულით დგინდება, თუმცა შემდეგ, სხვა ქვეყნების საწვავთან შედარებით, ფასდაკლება უფრო მეტია - 1 ტონაზე 5-დან 10 დოლარამდე. ამასთანავე, ხარისხი, აბსოლუტურად, აკმაყოფილებს სტანდარტს. რუსეთიდან ევროდიზელის (10PPM) იმპორტი ხორციელდება", - ამბობს ზაალ იაკობიძე.

მისი ინფორმაციით, რუსეთიდან საწვავი ბათუმისა და ფოთის პორტებიდან შემოდის. ასევე ბოლო პერიოდში, საწვავის შემოტანა აზერბაიჯანის გავლით გარდაბანამდე რკინიგზითაც დაიწყო. "ვაჭრობა საერთაშორისო ტრეიდერების მეშვეობით ხდება და იმპორტიორებს უშუალოდ ქარხნებთან ურთიერთობა არ აქვთ", - აღნიშნავს ზაალ იაკობიძე.

ნავთობპროდუქტების იმპორტიორთა კავშირის ხელმძღვანელი ვანო მთვრალაშვილი აცხადებს, რომ ბოლო წლების განმავლობაში, პირველი შემთხვევაა, როდესაც რუსეთიდან საწვავის ყველაზე დიდი
You must have Flash Player installed in order to see this player.
მოცულობა შემოვიდა. მისივე განმარტებით, საწვავის ბაზარზე კონკურენცია ძალიან გაიზარდა, დაახლოებით 20 მსხვილი და პატარა იმპორტიორი საქმიანობს. შესაბამისად, მათთვის, ხარისხთან ერთად, რომელი მომწოდებლის მიერ დადგენილი ფასიც მისაღებია, საწვავის იმპორტს იმ ქვეყნიდან იწყებენ.

"ეს ხდება საერთაშორისო ტრეიდერების დონეზე, იმპორტიორებს ფასს ისინი სთავაზობენ. სიმართლე გითხრათ, რუსეთიდან ასეთი დიდი რაოდენობის საწვავის იმპორტი ჩემთვისაც მოულოდნელი იყო, ვინაიდან წინა წლებში მსგავსი ფაქტი არასდროს დაფიქსირებულა. რუსეთიდან, ძირითადად, დიზელის საწვავის იმპორტი გაიზარდა, ბენზინი შედარებით მცირე რაოდენობით შემოდის. ბაზარი თავისუფალია და ტენდენცია ნებისმიერ დროს შეიძლება შეიცვალოს. საქართველოში დღეს 20-ზე მეტი იმპორტიორი კომპანია ოპერირებს, როგორც საყოველთაოდ ცნობილი, ისე ნაკლებად ცნობილი", - ამბობს ვანო მთვრალაშვილი და ამასთანავე დასძენს, რომ რუსეთიდან საწვავის იმპორტის მოცულობის გაზრდაზე გავლენა მოახდინა იმ ფაქტმაც, რომ ძირითად შემომტანებს გარკვეული შეფერხება ჰქონდათ.

ცნობისათვის, შარშან საქართველოში იმპორტირებული საწვავის მთლიანი მოცულობიდან მხოლოდ 10% მოდიოდა რუსეთზე (101,8 ათასი ტონა). 2015 წელს ტრადიციულად, ყველაზე მეტი საწვავი შემოვიდა რუმინეთიდან (31%), აზერბაიჯანიდან (25%), ბულგარეთიდან (17,2%) და რუსეთი თავისი მაჩვენებლით მეოთხე ადგილზე იყო.

მაკა ხარაზიშვილი
წყარო: გაზეთი "რეზონანსი"
კომენტარები (8)
27.02.2016
კახა
საერთოდ ეკონომიკა უფრო მნიშვნელოვანია ხალხისთვის ვიდრე პოლიტიკა და მე მომხრე ვარ თუ სადმე ხარისხიანი იაფად იყიდება ვიყიდოთ და გავყიდოთ
26.02.2016
ძალიანაც კარგი
ყველაზე ხარისხიანი და იაფი სწორედ რუსული საწვავია და არა მარტო საწვავი,მე ყველაფერს რუსულს ვყიდულობ
მსგავსი სიახლეები
2017 წლის იანვარ-მარტში, გასული წლის ანალოგიურ პერიოდთან შედარებით, მსუბუქი ავტომობილების იმპორტი საქართველოში გაიზარდა.
ნავთობპროდუქტებზე აქციზის ზრდის მიუხედავად, მიმდინარე წლის იანვარ-მარტში ნავთობისა და ნავთობპროდუქტების იმპორტი წინა წლის ანალოგიურ პერიოდთან შედარებით გაზრდილია.
ხორცის ადგილობრივი წარმოება ბოლო წლებში ძალიან შემცირდა, რასაც სტატისტიკური მონაცემებიც ადასტურებს
ბოლო დღეების განმავლობაში საწვავზე ფასების კლების ტენდენცია შეინიშნება. ბოლო 1 კვირაში საწვავი 3-5 თეთრით არის შემცირებული „ლუკოილისა“ და „სოკარის“ ბენზინგასამართ სადგურებზე.
ავტობაზარზე ბუნებრივ აირს ახალი კონკურენტი გამოუჩნდა.
თებერვალში ქართულ ბაზარზე ადგილობრივი წარმოების კარტოფილი ფრი გამოჩნდა.
„რესპუბლიკელების“ საპრეზიდენტო კანდიდატმა, ფრანსუა ფიიონმა განაცხადა, რომ პრეზიდენტად არჩევის შემთხვევაში ყველაფერს გააკეთებს რუსეთზე სანქციების მოსახსნელად.
საქართველო მწეველთა რაოდენობის მიხედვით, ევროპაში რუსეთის შემდეგ მეორე ადგილზეა, - ამის შესახებ დეპუტატმა გუგული მაღრაძემ პარლამენტის პლენარულ სხდომაზე განაცხადა.
მუნიციპალურ ავტობუსებს უახლესი ინფრასტრუქტურით აღჭურვილი ბენზინ და გაზგასამართი სადგური მოემსახურება. 
გასულ თვეში თებერვალთან შედარებით, საწვავის იმპორტი საქართველოში 11.3 ათასი ტონით ანუ 15,6%-ით გაიზარდა. ამის შესახებ ინფორმაციას „ნავთობპროდუქტების იმპორტიორთა კავშირი“ ავრცელებს.
რუბრიკის სხვა სიახლეები
24.04.2017
2016 წელს მსოფლიოს მასშტაბით ღვინის წარმოება 3.2%-ით დაეცა.
სრულად
24.04.2017
ეკონომისტი მიხეილ დონდუა „ფეისბუქის" საკუთარ გვერდზე ქართული პროდუქციის ექსპორტზე წერს.
სრულად
24.04.2017
"საქართველოში სასოფლო-სამეურნეო მიწა უცხო ქვეყნის მოქალაქეზე არ გასხვისდება"
სრულად
23.04.2017
საქართველო იმ ქვეყნების ჩამონათვალში მოხვდა, რომლის გარკვეულ ტერიტორიებზე მოგზაურობისგან დიდი ბრიტანეთის საგარეო საქმეთა სამინისტრო ქვეყნის მოქალაქეებს თავშეკავებას ურჩევს.
სრულად
22.04.2017
საქართველოს პირველმა ვიცე-პრემიერმა, ფინანსთა მინისტრმა დიმიტრი ქუმსიშვილმა და საერთაშორისო საფინანსო კორპორაციის (IFC) ვიცე-პრეზიდენტმა დიმიტრის ციცარაგოსმა IFC კორპორაციის მიმდინარე და სამომავლო პროექტები განიხილეს
სრულად
TOP
რეკომენდებული
მნიშვნელოვანი
ოფიციალური კურსი
კონვერტორი
ბირჟა
24.04.2017
25.04.2017
USD
1
USD
2.4038
2.4100
EUR
1
EUR
2.5718
2.6161
GBP
1
GBP
3.0757
3.0903
RUB
100
RUB
4.2720
4.3181