"რადიკალური ცვლილებების გარეშე შეუძლებელი იქნება ჩვენს ქვეყანაში იყოს მაღალი ეკონომიკური ზრდის ტემპები"

რადიკალური ცვლილებების გარეშე შეუძლებელი იქნება ჩვენს ქვეყანაში იყოს მაღალი ეკონომიკური ზრდის ტემპები , - ამის შესახებ პრემიერ-მინისტრმა გიორგი კვირიკაშვილმა მთავრობის დღევანდელ სხდომაზე განაცხადა. კვირიკაშვილის თქმით, რეგიონში ეკონომიკური ზრდის ტემპების შემცირება 2014 წლის მეორე ნახევრიდან ფიქსირდება.

„ჩვენი სამთავრობო პროგრამა 4-პუნქტიანი გეგმის მიმართლებით ძალიან კონკრეტულ, როგორც მოკლევადიან, ისე საშაულოვადიან და გრძელვადიან ნაბიჯებს მოიცავს. ამ გეგმის სისტემური და რაციონალური განხორციელება გაგვიხსნის სრულიად ახალ შესაძლებლობებს, ქვეყანას დააყენებს სწრაფი და შეუქცევადი განვითარების გზაზე. როგორც მოგეხსენებათ, 2014 წლის მეორე ნახევრიდან ჩვენს რეგიონში მნიშვნელოვნად შემცირდა ეკონომიკური ზრდის ტემპები. რეგიონის ზოგიერთ ქვეყანაში ეკონომიკური ვარდნაც დაფიქსირდა. საერთაშორისო საფინანსო ორგანიზაციების შეფასებით, მომდევნო წლებში ვითარების მნიშვნელოვანი ცვლილება მოსალოდნელი არ არის. შესაბამისად, რეგიონში რჩება საკმაოდ დაბალი ზრდის დინამიკა. გამომდინარე ზემოთქმულიდან, რადიკალური ცვლილებების გარეშე შეუძლებელი იქნება ჩვენს ქვეყანაშიც იყოს მაღალი ეკონომიკური ზრდის ტემპები, რაც აუცილებელია ადამიანების დასაქმებისათვის და მათი შემოსავლების ზრდისთვის“, - განაცხადა გიორგი კვირიკაშვილმა.