„94-ე მუხლის არსებობა საპენსიო რეფორმას ხელს არ უშლის“
„94-ე მუხლის არსებობა საპენსიო რეფორმას ხელს არ უშლის“
17 ივნისი / 2017
კონსტიტუციის 94-ე მუხლის არსებობა საპენსიო რეფორმის განხორციელებას ხელს არ უშლის. ამის შესახებ „ბიზნესპრესნიუსს“ გადასახადის გადამხდელთა კავშირის ვიცე-პრეზიდენტმა გიგლა მიქაუტაძემ განუცხადა.
მისივე თქმით, იმ შემთხვევაში თუ დადგინდება, რომ რეფორმა აღნიშნულ მუხლთან წინააღმდეგობაშია, მთავრობას შეუძლია ადგილობრივ არჩევნებზე რეფერენდუმი ჩაატაროს და დიდი ალბათობით, მოსახლეობა საპენსიო რეფორმის განხორციელებას და მის ფარგლებში გადასახადის სახით, დამსაქმებლის მიერ საპენსიო ფონდში 2%-ის გადახდას მხარს დაუჭერს.

მიუხედავად იმისა, რომ საკონსტიტუციო კომისიამ განახლებული კონსტიტუციის კანონპროექტში ეს მუხლი დატოვა, ახალი გადასახადის დასაწესებლად რეფერენდუმის გაუქმების საკითხი ბოლო პერიოდში ისევ გააქტიურდა, რადგან მუხლის კონსტიტუციიდან ამოღების ინიციატორი ფრაქცია „ქართული ოცნება - სოციალ-დემოკრატები“, ამ საკითხის დაყენებას პარლამენტში გეგმავს.

მაშინ როცა ბიზნესგაერთიანებები, არასამთავრობო სექტორი კონსტიტუციიდან 94-ე მუხლის ამოღებას ეწინააღმდეგება, ექსპერტთა ნაწილი მიიჩნევს, რომ ამ მუხლის არსებობა ხელს შეუშლის საპენსიო რეფორმის განხორციელებას. საუბარია დაგროვებით საპენსიო სისტემაზე, რომელიც ქვეყანაში მომავალი წლიდან ამოქმედდება და რომლის თანახმადაც, იმ შემთხვევაში თუ მოქალაქე საპენსიო ფონდში 2%-იან შენატანს განახორციელებს, სახელმწიფო და დამსაქმებელი ვალდებული იქნება საპენსიო ანგარიშზე დამატებით 2-2%-ც
გადაურიცხოს.

გიგლა მიქაუტაძის შეფასებით, დამსაქმებლის მიერ ამ 2%-ის სახელმწიფო ფონდში გადარიცხვა ირიბი გადასახადია. თუმცა, როგორც მან აღნიშნა, ამ საკითხთან დაკავშირებით, ერთიანი პოზიცია არ არსებობს და იურისტებიც ვერ თანხმდებიან.

„თუ ეს არის გადასახადი, მაშინ მთავრობას შეუძლია საპენსიო რეფორმასთან დაკავშირებით, ადგილობრივ არჩევნებზე რეფერენდუმი ჩაატაროს. დარწმუნებული ვარ ხალხი მხარს დაუჭერს რომ დამსაქმებელმა საპენსიო ფონდში 2% გადაიხადოს. თუ ეს არ არის გადასახადი, მაშინ საერთოდ პრობლემა არ არის. არცერთ შემთხვევაში მთავრობას საპენსიო რეფორმის გატარებაში წინააღმდეგობა არ შეექმნება. შესაბამისად, ამის გამო 94-ე მუხლის კონსტიტუციიდან ამოღება აბსურდია.

„ასევე ხშირად არის საუბარი, რომ ეს მუხლი პროგრესული გადასახადის შემოღებას უშლის ხელს. თუ საგადასახადო წნეხი არ იზრდება, მაშინ რეფერენდუმი საჭირო არ არის. ეს მუხლი სახელმწიფოს მხოლოდ გადასახადების გაზრდაში უშლის ხელს და თუ ვინმეს დაბალი შემოსავლების მქონე მოსახლეობის საგადასახადო წნეხის შემცირება უნდა, წინაღობას არ წარმოადგენს.

შესაბამისად, თუ დღეს საშემოსავლო გადასახადი 20%-ია, მთავრობა კი გადაწყვეტს, რომ საზოგადოების რომელიმე (დაბალი შემოსავლების მქონე) კატეგორიისთვის 10% გახდეს, ამის შეზღუდვა არ არსებობს,“-აღნიშნა მიქაუტაძემ.


თაია არდოტელი
კომენტარები (1)
19.06.2017
ბესო
ხომ შეიძლება ამ პატარა ქვეყანაში პენსია სტაჟისა და დამსახურების მიხედვით დაინიშნოს 45.წელის სტაჟი მაქვს სახელმწიფო დაწესებულებებში ნამსახურები, მადლობის წერილებით გაძეძგილი ვარ, ჩემისთანებიც რამდენია, სირცხვილია მთელი ცხოვრება უსაქმურები, ,,ჩაცუცქულები'' და მთელი ცხოვრება ,,კურორტზე'' რომ იყო პენსია ერთნაირი იყოს, ამაზე მეტი დამცირება რა გინდა მსოფლიოს არც ერთ ქვეყანაში ასეთი რამ არ ხდება, ყველგან ყველას დაფასება აქვს, თქვენ იცხოვრეთ ამ პენსიით სირცხვილია.... ამდენ ვილებსა და სასახლეებს იშენებთ, უცხოელმა რომ ნახოს ამათ რა უჭირსო იტყვიან, სამ-სამი მანქანა გყავთ ძვირად ღირებულები, პატარა, დიდი, მოხუცი საჭესთან ძის მილიონერები.... ათ ათი სახლი აქვთ უმეტესობას, ჩვენ რა ვქნათ როგორ ვიცხოვროთ თავმოყვარეობა ხომ გვაქ, ისე თუ ასე ეს ქვეყანა ყველასია განურჩევლად ამდენი ომი და გაჭირვება გადავიტანეთ, დგევანდელი ფულიანები კი უცხოეთში მშვიდად იყვნენ და აქაც აშენდნენ, მაინცდამაინც უნდა დაგვამციროთ ბოლომდე? ღმერთის გეშინოდეთ.....
მსგავსი სიახლეები
დღეს ბიზნესზე ხორციელდება ზეწოლა რათა მათ დააფინანსონ სახელისუფლებო პარტია, - ამის შესახებ "ნაციონალური მოძრაობის" ერთ-ერთმა ლიდერმა სალომე სამადაშვილმა ჟურნალისტებს პარტიების მიერ წინასაარჩევნო პერიოდში მიღებული დაფინანსების შეფასებისას განუცხადა.
ამ ეტაპზე რესურსი არ არის იმისთვის, რომ პენსიები გაიზარდოს, - ამის შესახებ ფინანსთა მინისტრის მოადგილემ, გიორგი კაკაურიძემ ბიუჯეტის პროექტის კომენტირებისას განაცხადა.
სახელმწიფო აუდიტის სამსახური „საქართველოს 2017 წლის სახელმწიფო ბიუჯეტის შესრულების მიმდინარეობის შესახებ მთავრობის ანგარიშზე“ მოხსენებას აქვეყნებს
"ბიუროკრატიასთან დაკავშირებით არის რაღაც საკითხები, არა მარტო ეკონომიკის, არამედ სხვა სამინისტროებში, რომელიც ხელს უშლის ბიზნესის განვითარებას".
3 წელია საქართველოში საქმიანობს პირველი „კერძო არქივი“ - საქმის წარმოებისა და არქივის მართვის კომპანია.
საქართველოში მცირე და საშუალო საწარმოთა ფინანსური ანგარიშგების საერთაშორისო სტანდარტი დაინერგება.
პენსიების ზრდა ეკონომიკური ზრდის შესაბამისად მოხდება, - ამის შესახებ პარლამენტის ჯანდაცვის კომიტეტის თავმჯდომარემ აკაკი ზოიძემ განაცხადა.
პენსიებს რომ არ ზრდით და ინფრასტრუქტურის დაფინანსება იზრდება, ინფრასტრუქტურა ჭამოს ხალხმა?
დეველოპერულმა კომპანია "გრინ დეველოპმენტმა" ბიზნესის განვითარებისთვის ბაზარზე 2 მილიონი აშშ დოლარის მოცულობის 40 000 აშშ დოლარის ნომინალური ღირებულების 50 ცალი ობლიგაცია გამოიტანა, წლიური 11%-იანი სარგებლის დარიცხვით.
„საერთაშორისო გამჭვირვალობა-საქართველო“ ზუგდიდისა და სამეგრელო-ზემო სვანეთის მუნიციპალიტეტებში მერობისა და პარტიული სიის 1-ლი ნომრების ქონებისა და ბიზნესების შესახებ ავრცელებს ინფორმაციას.
რუბრიკის სხვა სიახლეები
18.10.2017
საქართველო ისრაელთან შრომითი მიგრაციის შესახებ შეთანხმებაზე მოლაპარაკებებს არალეგალური მიგრაციის სტატისტიკის გაუმჯობესებამდე ვერ იწყებს.
სრულად
17.10.2017
თებერვალში აშშ-ის ფედერალური სარეზერვო სისტემის ახლანდელ ხელმძღვანელს ჯანეტ იელენს ამ პოსტზე ყოფნის ვადა ამოეწურება.
სრულად
17.10.2017
მარჯვენასაჭიანი მანქანების იმპორტი განბაჟების ახალი ტარიფის დაწესებამაც ვერ შეაჩერა.
სრულად
16.10.2017
დარგობრივი ეკონომიკისა და ეკონომიკური პოლიტიკის კომიტეტში დღეს მრგვალი მაგიდის ფორმატში შეხვედრა გაიმართა
სრულად
16.10.2017
ამ ეტაპზე რესურსი არ არის იმისთვის, რომ პენსიები გაიზარდოს, - ამის შესახებ ფინანსთა მინისტრის მოადგილემ, გიორგი კაკაურიძემ ბიუჯეტის პროექტის კომენტირებისას განაცხადა.
სრულად
TOP
რეკომენდებული
მნიშვნელოვანი
ოფიციალური კურსი
კონვერტორი
18.10.2017
19.10.2017
USD
1
USD
2.4839
2.4844
EUR
1
EUR
2.9223
2.9204
GBP
1
GBP
3.2842
3.2752
RUB
100
RUB
4.3318
4.3347
ეს არჩევანი ერთად უნდა გავაკეთოთ!
წარმოდგენილი სიიდან, მონიშნეთ თქვენთვის სასურველი 5 ღვინის სახეობა.
გამოკითხვის დასრულების შემდეგ, უმრავლესობის მიერ დასახელებული ღვინოებიდან გამოვლინდება 10 საუკეთესო.
შენ ხარ

13372-ე