ნოდარ ჯავახიშვილი: "პრეტენზიები ჩემს სამსახურთან მაქვს"
ნოდარ ჯავახიშვილი: "პრეტენზიები ჩემს სამსახურთან მაქვს"
12 იანვარი / 2016
"რისი გაკეთებაც ჩემი ჩარევის გარეშე იყო შესაძლებელი, ბოლომდე არ კეთდებოდა. ეს ინსტიტუციონალური პრობლემაა, რომელიც ჩემი მოსაგვარებელია"

შესაძლებელი იყო თუ არა გზებზე დიდთოვლობის გამო შექმნილი შეფერხების თავიდან აცილება და რა ტიპის სანქციები გატარდება გზების მოვლაზე პასუხისმგებელი კონტრაქტორების მიმართ, "კვირის პალიტრასთან" საქართველოს რეგიონული განვითარებისა და ინფრასტრუქტურის მინისტრი ნოდარ ჯავახიშვილი საუბრობს:

- რატომ შეფერხდა გზების გაწმენდის პროცესი - კრიზისი ხელოვნურად შეიქმნა თუ საამისოდ ობიექტური მიზეზებიც არსებობდა?

- ვითარების კონკრეტული შეფასება­ მიჭირს, თუმცა ობიექტური მიზეზებიც მრავლადაა. ინტ­ენსიური და ძლიერი თოვა ახალი წლის დღეებში, 31 დეკემბერსა და 1-2 იანვარს დაფიქსირდა. მოგეხსენებათ, დღესასწაულზე­ არავის უნდა გარეთ იდგეს და რამე აკეთოს. ბუნებრივია, ეს არც ჩვენ სამსახურებს და არც კონტრაქტორებს არ ამართლებთ, თუმცა ობიექტურად რთული ვითარება შეიქმნა. თანაც თოვლის გაწმენდა ადვილია, თუმცა მისი გზაზე მიყინვის შემდეგ, გაწმენდითი სამუშაოების ჩატარება რთულდება. გარკვეულ მონაკვეთზე, ტერიტორი­ის მოვლა-შენახვის უფლებები ისეთ ორგანიზაციებს აქვთ მოპოვებული, რომლებსაც საკმარისი ტექნიკა არ გააჩნიათ. იყო შემთხვევებიც, როცა კომპანიის ბალანსზე მწყობ­რ­იდან გამოსული ტექნიკა იყო ან სამუშაოების დაწყებიდან მალევე გაფუჭდა.

- პასუხისმგებლობას ვის აკისრებთ, კონ­ტ­რა­ქტორს თუ გზების დეპარტამენტს, რომელსაც მსგავს ვითარებაზე ზედამხედველობა ევალება?

- პრეტენზიები ჩემს სამსახურთან მაქვს. თუ კონტრაქტორი დაკისრებულ ფუნქციას ვერ ასრულებს და საზოგადოებას პრობლემები ექმნება, მდგომარეობის გამოსასწორებლად ერთად უნდა ვიმუშაოთ. მაგალითად, როდესაც 30-კილომეტრიან გზაზე ერთი გრეიდერი მუშაობს, მინიმუმ, საქმის კურსში უნდა ჩამაყენო, რომ გამოსავალი მოვძებნო.
ქუთაისის შემოვლით გზაზე შეფერხებების შექმნის შემდეგ ტექნიკა ვითხოვე და მდგომარეობის დასტაბილურება შევძელით. დამამშვიდებელი ინფორმაცია მომდიოდა - პრობლემები გვაქვს, მაგრამ ვუმკლავდებითო. გვქონდა მონაკვეთები, სადაც გზების გაწმენდა მოხერხდა. ფოთის მხარეს ნაკლები ყინვა იყო, ზუგდიდიც გაიწმინდა, მაგრამ ზესტაფონიდან დაწყებული ქუთაისის შემოვლითი გზის შუა ნაწილში გზა მოყინული იყო და არავინ წმენდდა. პრობლემა შეგვექმნა სამტრედიიდან საჯავახოსკენ არსებულ გზაგამყოფზეც. მოყინვის გამო, ტრაილერიც გადაბრუნდა, რომლის გზიდან­ მოცილებაც დროულად ვერ მოხერხდა. ისიც უნდა აღვნიშნოთ, რომ წინა დღეებში ქუთაისის შემოვლით გზაზე ძლიერი­ ქარბუქი იყო, რაც გაწმენდითი სამუშაოების ჩატარებას ართულებდა. 5 იანვარს ქარბუქი აღარ იყო, მაგრამ ერთ მონაკვეთზე­ საცობი მაინც შეიქმნა და სერიოზული სამ­უშაოების ჩატარებამ მოგვიწია, რომ გზა გაწმენდილიყო და მანქანები ადგილიდან გაგვეყვანა. გაუწმენდავი იყო ხობის გზის მნიშვნელოვანი ნაწილიც, სადაც ტექნიკა ფოთიდან მივახმარეთ. ის, რისი გაკეთებაც ჩემი ჩარევის გარეშე იყო შესაძლებელი, ბოლომდე არ კეთდებოდა. ეს ინსტიტუციონალური პრობლემაა, რომელიც პირადად ჩემი მოსაგვარებელია.

- კონკრეტული პირების თანამდებობრივი­ პასუხისმგებლობის საკითხი დადგება­? ალბათ,­ კონტრაქტორებსაც საჯარიმო სანქც­იები დაუწესდებათ.
- ყველა ხარვეზს ვსწავლობთ. საჯარიმო იქნება თუ ადმინისტრაციული სანქ­ცია, გამართლებული უნდა იყოს. გადაწ­ყვეტილებას რამდენიმე დღეში მივიღებთ, ყველაფერი უნდა ავწონ-დავწონოთ. რაც შეეხება გზების დეპარტამენტის თანამშრომლებს, ამ მიმართულებითაც დეტალებს ვსწავლობთ,­ რა სახის სადამსჯელო ღონისძიებები გატარდება­ მათ მიმართ, ჯერჯერობით ვერ გეტყვით. მეტი ორგანიზებულობა და დისციპლინაა საჭირო, თუ­მცა პრობლემას­ 100%-ით არც ეს მოაგვარებს.
თოვლი, ქარბუქი და ზოგადად, სტიქია წამყვანი ქვეყნებისთვისაც დაუძლეველია და სრულყოფილ მუშაობას ნურავინ მოითხოვს. უბრალოდ, პრეტენზიები მაქვს იქ, სადაც შესაძლებლობა იყო, მაგრამ საქმე არ გაკეთდა.

- დღეს კონტრაქტორები რამდენად ორგანიზებულად მუშაობენ?
- ამ ეტაპზე, ვფიქრობ, რაც გასაკე­თებელი­ იყო, გაკეთდა, მაგრამ ერთ მშვენიერ დღეს, ვინმე მოინდომებს თუ არა, ყველა ადამიანი სრული პასუხისმგებლობით მუშაობას ვერ დაიწყებს. ეს უნდა იყოს მიზანი, არ არის მიღწევადი, მაგრამ უნდა გქონდეს მიზნად. მართალი და ობიექტური ვიქნები, რომ გითხრათ, არც ერთი კონტრაქტორი ან ჩემი თანამშრომელი არაფერს დააშავებს-მეთქი?!

რუსუდან შელია
წყარო: გაზეთი "კვირის პალიტრა"

კომენტარები (1)
13.01.2016
ქუთაისელი მძღოლი
რას ამბობს ეს კაცი??? მე უდანაშაულო ვარო??? 10 იანვარს, არაფერი არ იყო და ქუთაისი ზესტაფონის გზაზე 8 კილომეტრიანი საცობი შეიქმნა იმის რომ რომ ერთსა და იმავე ადგილზე 4-ჯერ წაიღო მდონარემ ამათი აშენებული გზა და არავინ გააფრთხილა მძროლები რომ ესარგებლათ შემოვლითი გზით, ხოლო გზას ერთი "კატოკი" აკეთებდა და 3-4 მუშა. ამის გარეშეც ქუთაისი ზესტაფონის გზაზე ისე უსისტემოდ და გაუაზრებლად აკეთებენ გზას, რომ ეს 30 კილომეტრი მძღოლებისათვის ტანჯვაა, 1 საათს უნდები. და ეს ხიხო სხისკენ იშვერს ხელს?? მოკლედ ეს უკვე ფსიქიური პრობლემაა - კაცი აშკარად სოციოპატია, რადგანაც არაფერში თავის დანაშაულს და შეცდომას არ ხედავს, მხოლოდ სხვისკენ იშვერს ხელს და ეს არ არის ერთადერთი შემთXვევა, სულ ასე იქნცევა . .; .
მსგავსი სიახლეები
მლეთა-კობის მონაკვეთზე მისაბმელიანი და ნახევრადმისაბმელიანი ავტოტრანსპორტის მოძრაობა აღდგა.
მთავრობის მიერ შემოთავაზებული ცვლილებების თანახმად, ახალი წლიდან იმპორტირებულ ავტომობილებზე აქციზი იზრდება.
საქართველოს რეგიონული განვითარებისა და ინფრასტრუქტურის სამინისტროს საავტომობილო გზების დეპარტამენტის ინფორმაციით, შიდასახელმწიფოებრივი მნიშვნელობის საჯავახო-ჩოხატაური-ოზურგეთი-ქობულეთის საავტომობილო გზის 74-ე კმ-ზე (ქობულეთი) არსებულ რეგულირებად სარკინიგზო გადასასვლელზე, ს.ს „საქართველოს რკინიგზა“ ლიანდაგის კაპიტალური შეკეთების სამუშაოებს აწარმოებს.
ავტომობილების ჩანაცვლებისთვის საქართველოს მოქმედი კანონმდებლობა არ ითხოვს ტენდერის ჩატარებას. შესაბამისად, შესყიდვა განხორციელდა გამარტივებული გზით”
მთავრობის მიერ დაგეგმილი ცვლილებების მიხედვით, მომავალი წლიდან აქციზის გადასახადი არა მარტო ავტომობილებსა და საწვავზე, არამედ ავტოსატრანსპორტო საშუალებების ზეთებზეც გაიზრდება. კანონპროექტის მიხედვით, ზეთებზე აქციზი 400-დან 800 ლარამდე გაიზრდება.
2017 წლის პირველი იანვრიდან ავტომობილებზე აქციზის გადასახადი იზრდება.
ახალი წლის ღონისძიებების ფარგლებში დედაქალაქის ქუჩები არ გადაიკეტება, - ამის შესახებ დედაქალაქის მერმა დავით ნარმანიამ დღეს, მერიაში მთავრობის სხდომაზე განაცხადა.
ახალქალაქი-კარწახის გზაზე ავტოტრანსპორტის მოძრაობა თავისუფალია
იმ ფონზე, როცა მსოფლიოში შეკუმშული აირის გადაზიდვებს მზარდი ტენდენციები გააჩნიათ, 2015 წელს შეკუმშული აირით მსოფლიო ვაჭრობა 4.7 მლნ ტონით გაიზარდა.
2017 წლის 1 იანვრიდან, ჰიბრიდულ ავტომობილებზე აქციზის გადასახადი მცირდება.
რუბრიკის სხვა სიახლეები
07.12.2016
მლეთა-კობის მონაკვეთზე მისაბმელიანი და ნახევრადმისაბმელიანი ავტოტრანსპორტის მოძრაობა აღდგა.
სრულად
07.12.2016
პირველი ვიცე-პრემიერი, ფინანსთა მინისტრი დიმიტრი ქუმსიშვილი მსოფლიო ბანკის ჯგუფის ვაჭრობისა და კონკურენტუნარიანობის საკითხებზე მომუშავე გლობალური პრაქტიკის ჯგუფის დირექტორ სესილ ფრუმანს შეხვდა.
სრულად
07.12.2016
დიდი ბრიტანეთი ანტიმონოპოლიურმა სამსახურმა ამერიკული ფარმაცევტული კომპანია Pfizer-ი ეპილეფსიის საწინააღმდეგო წამლებზე ფასების აწევისთვის რეკორდული თანხით - 106,5 მილიონი აშშ დოლარით დააჯარიმა.
სრულად
07.12.2016
საქართველოს განათლებისა და მეცნიერების მინისტრის ალექსანდრე ჯეჯელავა განცხადებით, ოპტიმიზაცია უწყებაში ყოველწლიურად განხორციელდება.
სრულად
07.12.2016
საარსებო შემწეობა, რომელიც 2016 წლის 1 დეკემბრამდე ზედმეტად გაიცა, ლეგალიზებულად ჩაითვლება და დაბრუნებას არ ექვემდებარება.
სრულად
TOP
რეკომენდებული
მნიშვნელოვანი
ოფიციალური კურსი
კონვერტორი
ბირჟა
06.12.2016
07.12.2016
USD
1
USD
2.5598
2.5744
EUR
1
EUR
2.7234
2.7734
GBP
1
GBP
3.2558
3.2836
RUB
100
RUB
4.0149
4.0370