რა ბედი ელით გერმანიაში თავშესაფრის მაძიებელ ქართველებს
რა ბედი ელით გერმანიაში თავშესაფრის მაძიებელ ქართველებს
23 იანვარი / 2016
გერმანია ლტოლვილებისთვის ევროპაში ერთ-ერთი ყველაზე მიმზიდველი ქვეყანაა.
სწორედ ამიტომაც გასულ წელს მიგრანტების ყველაზე დიდი ნაკადი გერმანიის საზღვრებს მიადგა. თავშესაფრის მაძიებელთა რეკორდულად ზრდამ ამ ქვეყანას სერიოზული პრობლემა შეუქმნა. ერთ დროს ყველაზე უსაფრთხო ქვეყნად ცნობილ გერმანიაში, დღეს ამ მხრივ ვითარება განსაკუთრებით გაუარესდა. კანცლერი ანგელა მერკელი, რომელიც მსოფლიოში ერთ-ერთ ყველაზე გავლენიან ქალად მიიჩნევა, სერიოზული გამოწვევის წინაშე დგას.
31 დეკემბერს გერმანიის რამდენიმე ქალაქში ძარცვის და ქალებზე მიგრანტთა მიერ სექსუალური ხასიათის თავდასხმის ასობით ფაქტი დაფიქსირდა. პოლიციაში სულ 838-მა ადამიანმა შეიტანა საჩივარი, აქედან 381 სექსუალური ხასიათისაა. პოლიციის ცნობით, თავდამსხმელების დიდი ნაწილი მიგრანტები იყვნენ ახლო აღმოსავლეთისა და ჩრდილოეთ აფრიკის რეგიონიდან.

მსგავსი მასშტაბური თავდასხმები გერმანიაში უპრეცედენტო რაოდენობას აღწევს. მოსახლეობის ნაწილი მომხდარს მიგრანტთა დიდ ნაკადს უკავშირებს და აცხადებს, რომ ქვეყნის უსაფრთხოებისთვის ლტოლვილთა რიცხვი უნდა შემცირდეს. ნაწილი კი ამბობს, რომ მიგრანტებს გერმანიაში თავშესაფრის მიიღების საშუალება უნდა მიეცეთ. თუმცა, ფაქტია, რომ გერმანიის მთავრობისა და პოლიციის უნარი - შეინარჩუნონ წესრიგი ქვეყანაში, ეჭვის ქვეშ დადგა. მოსახლეობა აცხადებს, რომ ღამე ქუჩაში გასვლა უკვე ძალიან საშიშია.
„სამწუხაროდ, უბნები, რომლებიც უცხოელებითაა დასახლებული, კრიმინალის მაღალი დონით გამოირჩევა. ლტოლვილების მიღებისა და პარიზის ტერაქტის შემდეგ კი უსაფრთხოების განცდა აღარ არის, ყოველ ხალხმრავალ ადგილას შეიძლება რაღაც აფეთქდეს, არის ცრუ განგაშის შემთხვევებიც. სამი წელი არ არის, რაც აქ ვცხოვრობ და 2015 წლის იანვრის შემდეგ, ნამდვილად აღარ მაქვს უსაფრთხოებისა ის განცდა, რაც მანამდე“, - ამბობს გერმანიაში მცხოვრები ქართველი მარიამ დგებუაძე.
ქვეყნის მთავრობის წარმომადგენელთა ნაწილი უსაფრთხოების უზრუნველყოფის მიზნით, საზღვრების ჩაკეტვის ინიციატივით გამოდის. განსაკუთრებით კრიტიკულად უდგება მიგრაციის კრიზისს გერმანიის ყველაზე მდიდარი რეგიონი - ბავარია, რომელიც თავშესაფრის მაძიებელთა რაოდენობით ქვეყანაში ლიდერია. თავშესაფრის მაძიებელთა ნაკადის შეჩერების მიზნით, გასულ კვირას ბავარიის მთავრობა ე.წ. უსაფრთხო ქვეყნების სიის გაფართოების ინიციატივით გამოვიდა. სიაში საქართველოს შეყვანაც სურთ, რაც იმას ნიშნავს, რომ საქართველოდან გერმანიაში ჩასულ ლტოლვილებს თავშესაფარზე უარს ეტყვიან, რადგან საქართველო უსაფრთხო ქვეყნად ჩაითვლება.

გერმანიაში მცხოვრები ქართველების ნაწილი მიიჩნევს, რომ საქართველოს უსაფრთხო ქვეყნების სიაში შეყვანა ქვეყნის იმიჯისთვის კარგი იქნება, თავშესაფრის მაძიებელი ქართველებისთვის კი ცუდი.
„ქვეყნის იმიჯისთვის, რასაკვირველია, კარგი უნდა იყოს, თუმცა სხვა საკითხია, მართლა რამდენად უსაფრთხოა. იმ პირებს, ვინც საკუთარ თავს პოლიტიკური ნიშნით დევნილებად თვლიან, მერე ალბათ ძალიან გაუჭირდებათ იმის დამტკიცება, რომ უსაფრთხო ქვეყანაში მათ ვინმე დევნით“, - ამბობს გერმანიაში მყოფი ქართველი სტუდენტი, თამარ ზაზაძე.
„მშვენიერი გადაწყვეტილებაა. ჯერ ერთი, ბევრი ყალბი საბუთით იმყოფება აქ საქართველოდან და ხდებიან კრიმინალები. მათი რიცხვი უკვე სტატისტიკას ქმნის, რაც ზოგადად ქართველებზე სტერეოტიპული შთაბეჭდილების ჩამოყალიბებას უწყობს ხელს. ამასთანავე, ვიზალიბერალიზაციის შემდეგ, ვფიქრობ, არალეგალთა პირველი ნაკადი ევროპაში საქართველოდან დიდი იქნება. თუ საქართველოს მოქალაქეს აღარ დაჭირდება ვიზა შენგენის ზონაში შესასვლელად, ის აღარ გადაიხდის ფულს საბუთების გაყალბებაში. ჩვენ გვაქვს ოკუპირებული ტერიტორიები, ჩვენ არ ვართ ცხელი წერტილი, სადაც ყოველ დღე ხალხი იღუპება. ამიტომაც თავშესაფარი საქართველოდან ძალიან მცირე ადამიანს სჭირდება“, - აღნიშნავს მარიამ დგებუაძე.

გერმანია არის ერთ-ერთი ქვეყანა, სადაც ქართველი მიგრანტების დიდი ნაწილი ცხოვრობს. დიასპორის საკითხებში სახელმწიფო მინისტრის მოადგილის სანდრო ბრეგაძის თქმით, გერმანიაში დაახლოებით 20 000 ქართველი ცხოვრობს. მათი დიდი ნაწილი არალეგალურად არის წასული. ისინი ძირითადად სამუშაოდ მიდიან, სასწავლო მიზნით მხოლოდ 5 პროცენტია წასული. რამდენად გართულდება ქართველებისათვის გერმანიაში წასვლა, ეს გერმანიის მთავრობის გადაწყვეტილებაზე იქნება დამოკიდებული. მანამდე კი ბერლინმა ომს გაქცეული მიგრანტების ბედი უნდა გადაწყვიტოს.


თამთა ჯიჯავაძე
კომენტარები (1)
24.01.2016
.
ეს მარტო გერმანიაში თუ ევროპის სხვა ქვეყნებშიც იგივეა მოსალოდნელი????
მსგავსი სიახლეები
იაპონია მსოფლიოში ყველაზე მძლავრი „სუპერკომპიუტერის“ შექმნას გეგმავს.
საქართველოს ატლანტიკური საბჭოს ვიცე-პრეზიდენტის, ბათუ ქუთელიას შეფასებით, აშშ-დან არალეგალი მიგრანტების უბრალოდ დეპორტირება ძალიან მძიმე სოციალურ პრობლემას გამოიწვევს, სანამ ის კონკრეტულ სამართლებრივ ჩარჩოებში არ მოექცევა.
მსოფლიოში ყველაზე ხანმოკლე - 8-წუთიანი საერთაშორისო ფრენა განხორციელდა.
წელს ხმელთაშუა ზღვაში თითქმის 4 000 მიგრანტი და ლტოლვილი დაიღუპა
გერმანული პრემიუმ ავტომობილების მწარმოებელი კომპანია BMW საკუთარი სამოდელო გამის ყველა მოდელის ელექტრონულ ვერსიას ეტაპობრივად გამოუშვებს.
ევროპელი ლიდერები ბრიუსელში გამართულ სამიტზე ევროკავშირის გარე საზღვრების დაცვის გაძლიერებაზე და არალეგალი მიგრანტების დეპორტაციის პროცედურის გამკაცრებაზე შეთანხმდნენ.
გერმანიის კანცლერი ანგელა მერკელი რუსეთის წინააღმდეგ ახალი სანქციების დაწესებას არ გამორიცხავს.
პარიზში რამდენიმე დღის წინ გამართულმა მოდის კვირეულმა საფრანგეთის დედაქალაქის ბიუჯეტს 1,2 მილიარდი ევროს შემოსავალი მოუტანა.
გერმანიის შინაგან საქმეთა სამინისტრომ შეიმუშავა კანონპროექტი, რომლის თანახმად, დაჩქარდება იმ პირთა დეპორტაციის პროცედურა, რომლებმაც ლტოლვილის სტატუსზე უარი მიიღეს. ამის შესახებ „დოიჩე ველე“ იტყობინება.
ნობელიის პრემიის ლაურეატის, ეკონომისტ ჯოზეფ სტიგლიცის პროგნოზით, უახლოეს წლებში ევროზონას იტალია და სხვა ქვეყნები დატოვებენ.
რუბრიკის სხვა სიახლეები
07.12.2016
მლეთა-კობის მონაკვეთზე მისაბმელიანი და ნახევრადმისაბმელიანი ავტოტრანსპორტის მოძრაობა აღდგა.
სრულად
07.12.2016
პირველი ვიცე-პრემიერი, ფინანსთა მინისტრი დიმიტრი ქუმსიშვილი მსოფლიო ბანკის ჯგუფის ვაჭრობისა და კონკურენტუნარიანობის საკითხებზე მომუშავე გლობალური პრაქტიკის ჯგუფის დირექტორ სესილ ფრუმანს შეხვდა.
სრულად
07.12.2016
დიდი ბრიტანეთი ანტიმონოპოლიურმა სამსახურმა ამერიკული ფარმაცევტული კომპანია Pfizer-ი ეპილეფსიის საწინააღმდეგო წამლებზე ფასების აწევისთვის რეკორდული თანხით - 106,5 მილიონი აშშ დოლარით დააჯარიმა.
სრულად
07.12.2016
საქართველოს განათლებისა და მეცნიერების მინისტრის ალექსანდრე ჯეჯელავა განცხადებით, ოპტიმიზაცია უწყებაში ყოველწლიურად განხორციელდება.
სრულად
07.12.2016
საარსებო შემწეობა, რომელიც 2016 წლის 1 დეკემბრამდე ზედმეტად გაიცა, ლეგალიზებულად ჩაითვლება და დაბრუნებას არ ექვემდებარება.
სრულად
TOP
რეკომენდებული
მნიშვნელოვანი
ოფიციალური კურსი
კონვერტორი
ბირჟა
06.12.2016
07.12.2016
USD
1
USD
2.5598
2.5744
EUR
1
EUR
2.7234
2.7734
GBP
1
GBP
3.2558
3.2836
RUB
100
RUB
4.0149
4.0370