ქუვეითი - ქვეყანა, სადაც მინიმალური პენსია 3 000 დოლარია, ექიმისა და მასწავლებლის ხელფასი - 15 000 დოლარი
ქუვეითი - ქვეყანა, სადაც მინიმალური პენსია 3 000 დოლარია, ექიმისა და მასწავლებლის ხელფასი - 15 000 დოლარი
27 იანვარი / 2016
ქუვეითი მსოფლიოს ერთ-ერთი უმდიდრესი ქვეყანაა. ეს პატარა ქვეყანა, ფაქტობრივად, ნავთობში ცურავს.
ქუვეითი უზარმაზარი სავაჭრო ცენტრია შუა უდაბნოში, სადაც მდიდარი ქუვეითელები სეირნობენ, თითოეულ მათგანს კი ორი ღარიბი ემიგრანტი ემსახურება.
ქუვეითელების 80% დასაქმებულია სახელმწიფო სამსახურში, დანარჩენები კი კომერციულ კომპანიებში, სადაც უზარმაზარი ხელფასები ენიშნებათ.
ყველა უცხოური კომპანია, რომელიც ქუვეითში მუშაობს, კანონის მიხედვით ვალდებულია, სამსახურში ადგილობრივი მიიღოს და მაღალი ხელფასი დაუნიშნოს.
მაგალითისთვის: ქუვეითელი ქარხანაში მუშად აიყვანეს, დაუნიშნეს ხელფასი 10 000 დოლარი, თუმცა, მის ნაცვლად ინდოელი ”მონა” დღე და ღამეს ასწორებს მინიმალური ანაზღაურების სანაცვლოდ. თავად ქუვეითელი სამსახურშიც არ ცხადდება, მისი დათხოვნა კი შეუძლებელია. მეტიც, როდესაც რაიმე დოკუმენტზეა ხელი მოსაწერი, ხელმძღვანელობა მოწიწებით ურეკავს, დაგვდეთ პატივი, იქნებ მობრძანდეთ და ხელი მოაწეროთო, რაზეც ქუვეითელი მშვიდად პასუხობს: ”ეს თქვენ გჭირდებათ და აქეთ მომაკითხეთ”.
კანონებიც ”გადასარევი” აქვთ. ქუვეითის სასამართლომ ადგილობრივს 5 წელი მიუსაჯა მიკრობლოგ Twitter-ში ქუვეითის ემირის გაკრიტიკებისთვის.
ქვეყანაში ალკოჰოლი აკრძალულია. თუ იგი საზღვარზე გიპოვეს, თავისუფლად გაგაბრუნებენ უკან.
ტურიზმი განვითარებული არ არის. ტურისტული ვიზის მიღება შეუძლებელია. ზამთარში ძლიერი ცივი ქარი ქრის, ზაფხულში კი ტეპმერატურა +50-ს აღწევს. ამას ემატება ალკოჰოლის აკრძალვა და დაბინძურებული ზღვა ცარიელი პლაჟებით.
თუმცა, მიუხედავად ამისა, ნავთობის უდიდესი მარაგი ქვეყნის მოქალაქეებს უდარდელად ცხოვრების საშუალებას აძლევს. ქუვეითის მოსახლეობა 3,5 მილიონ ადამიანს შეადგენს, თუმცა აქედან მხოლოდ 1 მილიონია ქუვეითის მოქალაქე. სწორედ ამ მილიონ ადამიანზე ნაწილდება ქვეყანაში ნავთობიდან მიღებული შემოსავალი. მაგალითად:
1. ახალდაქორწინებული წყვილი ქორწილში სახელმწიფოსგან საჩუქრად 250 000 დოლარს (სხვა მონაცემებით, 15 000 დოლარს) იღებს.
2. ექიმისა და მასწავლებლის ხელფასი - 15 000 დოლარია. აქვე უნდა აღინიშნოს, რომ ადგილობრივები რიგით ექიმებად არ მუშაობენ, მხოლოდ ხელმძღვანელ თანამდებობებს იკავებენ.
3. ადგილობრივებისთვის მიწა კაპიკები ღირს, იპოთეკური კრედიტი 250 000 დოლარზე 0%-ია. 5-10 წლის შემდეგ კი დიდი შანსია, კრედიტის ნახევარი მოქალაქეს ჩამოაწერონ.
4. მედიცინა და განათლება უფასოა.
5. საზღვარგარეთ სწავლის მსურველის გამგზავრებისა და სწავლის საფასურს მთავრობა იხდის. სტუდენტს ასევე ენიშნება სტიპენდია 2000 დოლარის ოდენობით.
6. თუ ქუვეითელი ავად გახდა და მისი მკურნალობა სამშობლოში შეუძლებელია, მთავრობა ავადმყოფს უნაზღაურებს მკურნალობის საფასურს
You must have Flash Player installed in order to see this player.
საზღვარგარეთის ნებისმიერ ქვეყანაში, ასევე თანმხლები ნათესავების ხარჯებს.
7. ბავშვების დახმარება ყოველთვიურად 200 დოლარს შეადგენს, სანამ იგი 26 წლის არ გახდება.
8. უმუშევარ ქალებს სახელმწიფო ყოველთვიურად 1400 დოლარით ეხმარება, ვიდრე ქალი სამსახურს არ იშოვის.
9. მინიმალური პენსია 3 ათასი დოლარია.
10. 2007 წელს ხელისუფლებამ მოქალაქეებს 1 მილიარდი დოლარის კრედიტი ჩამოაწერა.
11. ზოგიერთი დღესასწაულის დროს მოსახლეობას ფულს ურიგებენ. მაგალითად, დამოუკიდებლობის 50 წლისთავის აღსანიშნავად ქუვეითის თითოეულ მოქალაქეს 3 500 დოლარი გადასცეს.
12. სამეცნიერო ხარისხის ყოველთვიური დანამატი: მაგისტრი - 700 დოლარი, დოქტორი - 1400 დოლარი.
13. მასწავლებლის ერთჯერადი პრემია სამუშაო გამოცდილების მიხედვით - 18 თვის ხელფასის ტოლია. მამაკაცებისთვის - 30 წელი უწყვეტი სტაჟი, ქალებისთვის - 25 წელი.
14. საშუალო ქუვეითელი ხელფასის გარდა, ბონუსის სახით 50%-ს იღებს.
ყველა ეს ბონუსი მხოლოდ ქუვეითის მოქალაქეებს ეხებათ. ქვეყნის მოსახლეობის 70% ემიგრანტები არიან - უუფლებო მომსახურე პერსონალი, რომელიც "ოქროს 30%"-ს ემსახურება. მოქალაქეობის მიღება, ფაქტობრივად, გამორიცხულია.

დუდანა ზაქარაია

კომენტარები (64)
01.09.2016
***
ჩვენ მოგვიწია დაახლოებით ერთი წელი ქუვეითში ცხოვრება, მინდა გითხრათ, მთლად არც ასეა საქმე. ჩვენს კორპუსში მუშაობდა დამლაგებლად ერთი მამაკაცი, რომლის ხელფასი იყო 120 დოლარი. როცა გავიგე, Dზალიან შემეცოდა, მან კი მითხრა, ახლა ხელფასი მოგვიმატეს, თორე აქამდე 60 დოლარი მქონდაო. აქვე დავძენ რომ ეს იყო 15 სართულიანი კორპუსი, თავისი გასართობი, სპორტული დარბაზებით, ბასეინით და ჯაკუზით. ქვიშიანი ქარების შემდეგ კი შენობის ფასადიც კი უნდა გაერეცხა. .. ქვეყანა უდაოდ ლამაზი და მდიდარია, კარგად მახსოვს ქვეყნის 50 წლის იუბილეც და მოსახლეობისთვის დარიგებული 1000 ქუვეითური დინარი. 1 დინარი=3.5 დოლარის.
01.09.2016
ელვა მეხი
რას წერთ რომ წერთ/ ამ ხალხს კიდე ეს უნდა?? ეს სტატია მთავრობას უნდა უკითხო ჭამის წინ წამის შემდეგ და ძილის წინ. ხოლო ნაცებს ყოველ 5 წუთშიუ ერთხელ. იქნებ ამათ განსაცვიფრებელ და ერუდირებულ გონებაში ჩაიბეჭდოს .. :):):)
მსგავსი სიახლეები
დედაქალაქის მერობის ერთ-ერთი კანდიდატი, პარტია „ევროპული საქართველოს“ რიგებიდან, პარლამენტის წევრი ელენე ხოშტარიაა.
საქართველოსა და ქუვეითს შორის პირდაპირი რეგულარული საავიაციო მიმოსვლა იწყება.
დამოუკიდებლობის მოპოვებიდან 26 წლის შემდეგ სოციალური ფონი ქვეყანაში კვლავ მძიმეა.
აშშ-ის პრეზიდენტის ადმინისტრაციამ კონგრესს თეთრი სახლის 377 თანამშრომლის ანაზღაურების შესახებ ანგარიში გადაუგზავნა.
2010 წელს საშუალო ხელფასი საქართველოში 597,6 ლარი იყო, ხოლო 2016 წელს - 1 063 ლარი გახდა
აშშ-ის პრეზიდენტის შვილის ივანკა ტრამპის ტანსაცმლის ხაზის მწარმოებელ ფაბრიკაში მომუშავე ქალების განცხადებით, იმდენად დაბალი ხელფასი აქვთ, რომ შვილებთან ერთად ცხოვრებასაც კი ვერ ახერხებენ.
კონსტიტუციის 94-ე მუხლის არსებობა საპენსიო რეფორმის განხორციელებას ხელს არ უშლის. ამის შესახებ „ბიზნესპრესნიუსს“ გადასახადის გადამხდელთა კავშირის ვიცე-პრეზიდენტმა გიგლა მიქაუტაძემ განუცხადა.
დაქირავებით დასაქმებულთა საშუალო თვიური ნომინალური ხელფასი 2017 წლის პირველ კვარტალში 989,4 ლარია.
სტატისტიკის ეროვნული სამსახური 2017 წლის პირველ კვარტალში საწარმოთა საქმიანობის შედეგებს აქვეყნებს.
საპენსიო რეფორმა, რომელიც დასაქმებულის მიერ საკუთარი პენსიის დაგროვებას გულისხმობს, 2018 წლის მესამე კვარტალში ამოქმედდება
რუბრიკის სხვა სიახლეები
27.07.2017
საბაჟო გამშვებ პუნქტ „ყაზბეგში“ ფინანსთა სამინისტროს შემოსავლების სამსახურის მებაჟე ოფიცრებმა, რუსეთის მოქალაქე გ.მ-ს მართვის ქვეშ არსებული ავტომობილის დათვალიერებისას
სრულად
27.07.2017
საბაჟო გამშვებ პუნქტებში „სადახლო-საავტომობილო“ და „ვალე“, ფინანსთა სამინისტროს შემოსავლების სამსახურის მებაჟე ოფიცრებმა, ეჭვის საფუძველზე დათვალიერებისას, არადეკლარირებული სიგარეტი (ჯამში 25,800 ღერი) აღმოაჩინეს.
სრულად
27.07.2017
იყო და არა იყო რა, იყო ერთი ამერიკული ოჯახი. მამას მცირე კერძო ბიზნესი ჰქონდა "ბურღვისა და ტუმბვის" სფეროში
სრულად
27.07.2017
შრომის ახალი კანონის ამოცანაა, რომ დაზიანების პრევენცია მოხდეს და არა პოსტფაქტუმ მკურნალობა
სრულად
27.07.2017
ბევრი უცხოელი ღვინის სპეციალისტი მიიჩნევს, რომ ქართული ყურძნის ჯიშებიდან ყველაზე დიდი პოტენციალის მქონე ყურძნის ჯიში და, შესაბამისად, ღვინოც საფერავია.
სრულად
TOP
რეკომენდებული
მნიშვნელოვანი
ოფიციალური კურსი
კონვერტორი
27.07.2017
28.07.2017
USD
1
USD
2.3993
2.4022
EUR
1
EUR
2.7933
2.8125
GBP
1
GBP
3.1323
3.1579
RUB
100
RUB
4.0016
4.0430