რა უნდა გაკეთდეს საქართველოში ინტერნეტ-კაზინოების შესაზღუდად
რა უნდა გაკეთდეს საქართველოში ინტერნეტ-კაზინოების შესაზღუდად
30 იანვარი / 2016
ინტერნეტ-კაზინოების მიმართ მკაცრი რეგულაციების დაწესების ინიციატივით ჯერ კიდევ პრემიერ-მინისტრობის კანდიდატი გიორგი კვირიკაშვილი 2015 წლის ბოლოს გამოვიდა. მას შემდეგ საკითხი საზოგადოებაში განხილვის საგანი გახდა და ახლა იმაზე მიდის მსჯელობა, თუ როგორ შეიძლება ინტერნეტ-კაზინოების შეზღუდვა. ჯერჯერობით ინიციატივა მხოლოდ ინიციატივის დონეზეა და უცნობია, რა ტიპის რეგულაციები ამოქმედდება ინტერნეტ-კაზინოების მიმართ. AMBEBI.GE იმის გარკვევას შეეცადა, თუ როგორ შეიძლება სფეროს შეზღუდვა და რა ვითარებაა ამ მხრივ სხვა ქვეყნებში. საკითხზე ახალგაზრდა ფინანსისტთა და ბიზნესმენთა ასოციაციის ანალიტიკოსს, ზურა კუკულაძეს ვესაუბრეთ. აფბა ონლაინ-კაზინოების შეზღუდვის ინიციატივაზე მუშაობს და აპირებს რეკომენდაციებით მიმართოს მთავრობას:

- ონლაინ-კაზინოების აკრძალვა პრობლემას ნამდვილად ვერ მოაგვარებს, იმიტომ რომ ამ სისტემაში ჩართულია საქართველოს დაახლოებით 400 000 მოქალაქე, შესაბამისად, ასე ერთი ხელის მოსმით ამ საკითხის გადაჭრა ვერ მოხდება. ჩვენი აზრით, ამ პრობლემის გადასაწყვეტად აუცილებელია მკაცრი რეგულაციების შემოტანა.

- კონკრეტულად, რა შეიძლება გაკეთდეს, რომ ინტერნეტ-კაზინოები შეიზღუდოს?

- პირველ რიგში, უნდა მოხდეს მოთამაშის სრულყოფილი იდენტიფიცირება, ანუ უნდა შეიქმნას ერთიანი ბაზა, სადაც მოხდება მოთამაშის დარეგისტრირება და არა ისე, როგორც დღეს ხდება, რომ სრულწლოვანი იქნება თუ არასრულწლოვანი, ყველას შეუძლია ნებისმიერი თერთმეტნიშნა ციფრის კომბინაციით დარეგისტრირება. მეორეც, აუცილებელია წაგებების ლიმიტების დაწესება. ეს უნდა იყოს მიბმული მოთამაშის შემოსავლებზე, თუ მოთამაშეს არ აქვს შემოსავალი, მაშინ მას უნდა აეკრძალოს თამაში.

მესამე რეკომენდაცია არის ის, რომ სახელმწიფოს, კერძოდ ფინანსთა სამინისტროს და შესაბამის სტრუქტურებს უნდა ჰქონდეს მაქსიმალური წვდომა ამ სისტემაში ფულის მოძრაობის არხებზე, რათა გაუმჯობესდეს თვითონ დარგის ადმინისტრირება და მაჩვენებლების დაცვა. ყველაზე მთავარი კი არის ის, რომ შეიზღუდოს და მაქსიმალურად გაკონტროლდეს ფულის გათეთრების საკითხები. არსებობს ევროკავშირის შესაბამისი ინსტრუქცია, რომ ჩვენთან არსებული ონლაინ-კაზინოების სისტემა ფულის გათეთრების ძალიან დიდ რისკს შეიცავს. იმ პირობებში, როდესაც მოთამაშე არ არის იდენტიფიცირებული, იმ პირობებში, როდესაც ფულის წაგებების ლიმიტი არ
არსებობს, ფულის შეტანის ან გამოტანის ლიმიტები არ არსებობს და საერთოდ არ არის ცნობილი ამ ფულის წარმომავლობა, ეს ყველაფერი აჩენს ფულის გათეთრების რისკებს.

- თქვენი აზრით, ამ რეგულაციების გატარებას დაახლოებით რა პერიოდი დასჭირდება?

- პირველ რიგში, მინდა ხაზგასმით ვთქვა, რომ ჩვენი ასოციაციის ინიციატივა და რეგულაციები გულისხმობს ონლაინ-კაზინოების მხოლოდ შეზღუდვას. მონდომების შემთხვევაში, სრულიად შესაძლებელია, რომ 6 თვეში რეალურად მოქმედი რეგულაცია ამუშავდეს.

- ონლაინ-კაზინოებთან დაკავშირებით რა ვითარებაა სხვა ქვეყნებში?

- შესწავლილი გვაქვს ევროკავშირის ძალიან ბევრი ქვეყანა, ასევე ამერიკის შეერთებული შტატების გამოცდილება და მინდა გითხრათ, რომ ონლაინ-თამაშები პრაქტიკულად თითქმის ყველა ქვეყანაშია აკრძალული, ან როგორც მინიმუმ, არსებობს წაგების ლიმიტები. რატომ არის აუცილებელი წაგების ლიმიტები? იმიტომ, რომ ონლაინ-თამაშების და ზოგადად აზარტული თამაშების სისტემას აქვს ძალიან ბევრი უარყოფითი მხარე. ჩვენ შეიძლება ბევრი ვისაუბროთ მორალურ, ემოციურ და მსგავს სოციალურ ფაქტორებზე, რომელიც არის შედეგი, ხოლო მიზეზი არის ის, რომ აზარტული თამაშების მასობრიობა ეკონომიკაში ბევრ ნეგატიურ მომენტს იწვევს.

თეა ბეჟიტაშვილი
AMBEBI.GE
კომენტარები (1)
01.02.2016
ზვიადი
მთავრობა არაა დაინტერესებული აკრძალვით, ან უარესი, პირადი ინტერესები იკვეთება თორემ ქურდული სამყარო ამოძირკვეს და ონლაინ კაზინოს შეზღუდვას რა უდგას წინ, მითუმეტეს რომ ცივილური სამყაროს უმეტესობას ან აკრძალული აქვს თამაშები, ან როგორც მინიმუმ ასაკობრივი და სხვა სახის შეზღუდვები აქვს. ასე ქაოტურად კი, როგორც დღესაა, საქართველოს მომავალი იღუპება ნელ-ნელა.
მსგავსი სიახლეები
საფეხბურთო კლუბ ”ზუგდიდის” ფეხბურთელები კლუბისგან 3 თვის ხელფასის გადახდას ითხოვენ. როგორც კლუბის ფეხბურთელებმა დღეს გამართულ პრესკონფერენციაზე განაცხადეს
ხაიში-უშგულის მონაკვეთზე მისაბმელიანი ავტოტრანსპორტის მოძრაობა შეიზღუდა
ონლაინ სესხების გამცემ კომპანიებს მიკროსაფინანსო ორგანიზაციებად გარდაქმნა სურთ.
ონლაინ არასაბანკო საკრედიტო ასოციაცია მთავრობას მიმართავს თხოვნით, საქართველოს ეროვნულ ბანკთან გაუწიოს შუამდგომლობა ონლაინ სესხების გამცემი კომპანიებისთვის მიკროსაფინანსო ორგანიზაციების სტატუსის მინიჭების პროცესის დროში დაჩქარების მიზნით.
ფინანსთა მინისტრის მოადგილის, გიორგი კაკაურიძის თქმით, ონლაინ სესხებთან დაკავშირებით რეგულაციები დაწესდება, რომელიც ზოგიერთი კომპანიის გაუქმებას გამოიწვევს.
ჩვენ ალბათ დაგვჭირდება გარკვეული პერიოდი, რათა შევარჩიოთ საუკეთესო მოდელი ონლაინ კაზინოებთან დაკავშირებით, თუმცა ამ მიმართულებით ნაბიჯები აუცილებლად გადაიდგმება
ხელისუფლებას პირველი კრიზისი თებერვალ-მარტში დაეწყება, - ამის შესახებ ექსპერტმა გია ხუხაშვილმა „პალიტრანიუსის“ გადაცემა „360 გრადუსში“ სტუმრობისას, ლარის კურსზე საუბრისას განაცხადა.
თბილისის ინტერნეტ-ფორუმზე დღეს ინტერნეტში პერსონალურ მონაცემთა დაცვის, ფეისბუქ ქველმოქმედების, ასევე როგორ განამტკიცა უკრაინამ ციფრული პოზიციონირება რევოლუციისა და ომის დროს - საკითხები განიხილეს.
ევროკავშირის ახალმა ინიციატივამ, რომელიც მომხმარებელს უსაფრთხოების დამატებითი ზომების დაცვას ავალდებულებს ონლაინ შესყიდვების განხორციელებისას, მწვავე კრიტიკა გამოიწვია როგორც Visa, ისე სხვა საგადასახადო სისტემების წარმომადგენლებისგან.
რუბრიკის სხვა სიახლეები
03.12.2016
თოვისა და ლიპყინულის გამო, საავტომობილო გზების რამდენიმე მიმართულებით მოძრაობის სპეციალური რეჟიმები მოქმედებს.
სრულად
03.12.2016
უკრაინის ეროვნულ ოლიმპიურ კომპლექსში, კიევის საერთაშორისო ქალთა კლუბის ეგიდით 24-ე ყოველწლიური საქველმოქმედო ბაზრობა გაიმართა.
სრულად
03.12.2016
მთავრობის მიერ გახმოვანებული, მაგრამ შეუთანხმებელი და დაუზუსტებელი ”დედოლარიზაციის გეგმა” უშუალო კავშირშია ლარის კურსის ვარდნასთან
სრულად
03.12.2016
აშშ-ის კონგრესის წარმომადგენელთა პალატამ აშშ-ის 2017 წლის სამხედრო ბიუჯეტის პროექტი დაამტკიცა, რომელშიც რუსეთის ფედერაციასთან სამხედრო თანამშრომლობაა აკრძალული.
სრულად
03.12.2016
საქართველოს პრეზიდენტის ადმინისტრაციის უფროსი გიორგი აბაშიშვილი დღეს ეროვნულ ბიბლიოთეკაში პრეზიდენტის ინიციატივით სარეზერვო ფონდის დაფინანსებით განხორციელებული პროექტის
სრულად
TOP
რეკომენდებული
მნიშვნელოვანი
ოფიციალური კურსი
კონვერტორი
ბირჟა
03.12.2016
04.12.2016
USD
1
USD
2.5599
2.5599
EUR
1
EUR
2.7250
2.7250
GBP
1
GBP
3.2283
3.2283
RUB
100
RUB
3.9854
3.9854