თბილისში 14 მგზავრზე 1 ტაქსი მოდის
თბილისში 14 მგზავრზე 1 ტაქსი მოდის
12 თებერვალი / 2016
არაოფიციალური სტატისტიკით, დედაქალაქში ყოველ 14 მგზავრზე 1 ტაქსი მოდის. ეს საკმაოდ უცნაური მაჩვენებელია. როგორც გაზეთი "რეზონანსი" წერს, ამგვარი კონკურენციის გამო "ტაქსისტების" შემოსავალი თვალსა და ხელს შუა მცირდება.

სატრანსპორტო მომსახურებაზე მოთხოვნა სულ უფრო მცირდება. მძღოლების ნაწილი ამას ტაქსების სიჭარბეს უკავშირებს, ნაწილი კი - მოსახლეობის ფინანსური მდგომარეობის გაუარესებას. მიუხედავად იმისა, რომ საწვავი გაიაფდა, მძღოლების ხარჯი თითქმის არ შემცირებულა, თუმცა შემოსავალმა აშკარად იკლო.

ზოგიერთ მათგანს დღეში, საშუალოდ, 15-18 ლარის მოგება რჩება, რაც ამ ადამიანების მთელი დღის შრომის საფასურია. ასეთია რეალობა, რომელშიც თბილისში ტაქსის მძღოლებს უწევთ მუშაობა.

დედაქალაქის მასშტაბით ყოველდღიურად 700 000 ადამიანი მგზავრობს. ამ დროს ქალაქში 50 000-მდე ტაქსზე 14 მგზავრი მოდის, რაც ძალიან ცოტაა. მათ უმეტესობას სატაქსო მომსახურებაზე ხელი არ მიუწვდება, შესაბამისად, ტაქსები ხშირად ცარიელი დადიან.

ლარის დევალვაციამ მოსახლეობას დიდი პრობლემა შეუქმნა, მათი ხარჯების შეკვეცა დაიწყო. ამასობაში დედაქალაქის მასშტაბით ტაქსების რაოდენობა სულ უფრო მატულობს. კონკურენცია მძაფრდება, შემოსავალი კი იკლებს. კერძო ტაქსებს პრობლემას ისიც უქმნის, რომ ბოლო დროს ბევრი სატაქსო კომპანია შეიქმნა, ზოგი შეღავათიანი ტარიფით. ადგილობრივ მძღოლებს კონკურენციას რეგიონებიდან ჩამოსულებიც უწევენ, რამაც დედაქალაქის მასშტაბით ტაქსების სიჭარბე გამოიწვია.

ახალბედა და გამოცდილი "ტაქსისტები" ერთნაირად ჩივიან არსებულ პრობლემაზე. ისინი ამბობენ, რომ ზოგჯერ დღის განმავლობაში ლუკმაპურის ფულსაც ვერ შოულობენ.

თბილისელი ვასო კბილაშვილი 10 წელზე მეტია, ოჯახს ტაქსის მეშვეობით არჩენს. ამბობს, რომ ასეთი მძიმე პერიოდი მის საქმიანობაში არ ყოფილა, რის მიზეზადაც მძღოლი კონკურენტების სიმრავლეს მიიჩნევს. ხანდახან მთელი დღის განმავლობაში 3 კლიენტის მომსახურებასაც ვერ ახერხებს.

"მუშაობა ჯოჯოხეთად გვექცა, თავს არ ვზოგავ, სამუშაოდ სისხამ დილით გამოვდივარ და სახლში ლამის ცარიელი ჯიბით ვბრუნდები. ყოველდღიური შრომით პურის ფულს ძლივს ვშოულობ, როცა ოჯახს უამრავი ხარჯი აქვს. არ ვიცი, რა გზას მივმართო, შემოსავალი გამინახვერდა.

ადრე დღეში 7-8 კლიენტი მაინც მყავდა, ესეც იმ შემთხვევაში, როცა სამუშაოდ რამდენიე საათით გამოვდიოდი. ახლა ზოგჯერ დღე ისე გავა, რომ 4 კლიენტის მომსახურებასაც ვერ ვახერხებ. "ტაქსაობა" თბილისში წამგებიან საქმედ იქცა, მგზავრი არ იქნება იმდენი, რამდენიც ტაქსია. სამწუხაროდ, ვერც სხვა საქმეს მოვკიდე ხელი", - ამბობს ვასო კბილაშვილი.

თბილისში მცხოვრები დევნილი ზვიად გაბისკირია ტაქსით მომსახურების სიძნელეზე საუბრობს. მისი თქმით, ახალი კომპანიების
You must have Flash Player installed in order to see this player.
მომრავლებამ კერძო ტაქსისტების საქმიანობა უპერსპექტივო გახადა.

"ინჟინერი ვარ, მაგრამ პროფესიით სამსახურის ძებნა არც მიცდია. ამაში ასაკიც არ მიწყობს ხელს, 40 წელს გადავცდი და ჩემთვის სამსახურის შოვნა, გამოცდილების მიუხედავადაც კი, წარმოუდგენელია. "ტაქსისტობაც" ამიტომ გადავწყვიტე. 2 წელია, რაც ამ საქმიანობით დავკავდი. პირველ ეტაპზე მოგება კარგად მრჩებოდა, მაგრამ დღეს საწვავის ხარჯსაც ძლივს ვფარავთ. რამდენიმე ახალი კომპანიაც გამოჩნდა, რამაც ბევრი მგზავრი დაგვაკარგვინა.

კონკურენციას ვეღარ ვუძლებთ. ვისაც არ ეზარება, ყველა "ტაქსაობს", მომხმარებელი კი ძალიან ცოტაა. ხალხს ფული არ აქვს და იაფი საზოგადოებრივი ტრანსპორტით მგზავრობას არჩევს. შეიძლება გაგიკვირდეთ, მაგრამ ზოგჯერ პურის ფულიც არ გვრჩება. მგზავრობის გაძვირება არც გვიცდია, ჯერჯერობით მაინც, რადგან ამით კლიენტებს დავკარგავთ", - ამბობს ზვიად გაბისკირია.

პრობლემის მიუხედავად, მძღოლები საქმიანობას თავს ვერ ანებებენ, რადგან სხვა შემოსავალი არ მოეპოვებათ და არც დასაქმების პერსპექტივა აქვთ.

"არანორმალურ გარემოში ვმუშაობ, რამდენჯერაც შევეშვი, იმდენჯერაც დავუბრუნდი ამ საქმეს, რადგან სხვა პერსპექტივა ვერ ვნახე. ქვეყანაში არ არის იმის საშუალება, რომ ადამიანმა ღირსეული შრომით არჩინოს ოჯახი. ჩემ უკან მეუღლე და 3 მცირეწლოვანი ბავშვია. ვცდილობ, ნორმალური პირობები შევუქმნა, მაგრამ ამისთვის ელემენტარულის გაკეთებას ვერ ვახერხებ, ხელფეხშეკრული ვარ, ვითარება ისე გართულდა, რომ მგზავრის ერთი ხელის დაქნევაზე ლამის ხუთი ტაქსი ერთდროულად ჩერდება. წარმოუდგენელი სიტუაციაა", - ამბობს უკმაყოფილო მძღოლი.

ლაშა ბარბაქაძე რამდენიმე წლის განმავლობაში ტაქსების კომპანიაში მუშაობდა. იგი იმდენად მიზერულ გასამრჯელოს იღებდა, რომ საბოლოოდ კერძოდ დაიწყო მუშაობა. მისი დაკვირვებით, თბილისის ცენტრალური უბნების ხარჯზე მუშაობა მეტ-ნაკლებად ღირს, გარეუბნებში ამ მხრივ სიტუაცია გაცილებით რთულია.

"რამდენიმე კილომეტრს ისე გავივლი, რომ მგზავრის აყვანას ვერ ვახერხებ. ჩვენი მუშაობა ადრე ამინდზე იყო დამოკიდებული, ახლა ვითარებას არც ეს ცვლის. ცხელა, თოვს თუ წვიმს, მოქალაქეები ტაქსის გაჩერებას არ ცდილობენ. ნებისმიერ ამინდში საზოგადოებრივი ტრანსპორტის მოლოდინში არიან", - ამბობს მძღოლი და დასძენს, რომ მოთხოვნა თბილისის ცენტრალური უბნების ხარჯზე ჯერ კიდევ სტაბილურია, მაგრამ გარეუბნებზე ეს არ აისახება.

"პერიფერიებში მცხოვრებ მოსახლეობას, როგორც ჩანს, უფრო უჭირს, თანაც ტარიფიც არ არის ცოტა და ჯიბეს უფრთხილდებიან. ხალხს ისედაც მცირე შემოსავალი აქვს ან საერთოდ არ აქვს და ტაქსის მომსახურებისგან თავს იკავებს. ზოგჯერ მთელი დღით გასული ვარ, "ვტაქსაობ", მაგრამ ამით ოჯახში მატერიალური მდგომარეობა არ იცვლება, ხარჯი დღითიდღე იზრდება. მხოლოდ იმას მივაღწიე, რომ არ გვშია და პურის ფული გვაქვს", - ამბობს ლაშა ბარბაქაძე.

მარი ჩიტაია
გაზეთი "რეზონანსი"

კომენტარები (5)
13.02.2016
mari
მაღრაძეს ეტაკოს ამ მშიერი ხალხის ცოდვა
12.02.2016
სტატუს ქუო
დილის 7 საათსა და30 წუთზე ტაქსების კომპანიაში დავრეკე და ტაქსი არ მოვიდა.დამირეკეს, ადრე ვერ დგებიან ლოგინიდან და ვერ მოვლენო...
მსგავსი სიახლეები
ორბელიანის მოედანზე მიმდინარე სარეკონსტრუქციო სამუშაოების გამო, გუშინ საღამოდან, ჭანტურიას ქუჩაზე - თაბუკაშვილის ქუჩის კვეთიდან ათონელის ქუჩამდე ტრანსპორტის მოძრაობა შეიზღუდა.
დღეიდან აგვისტოს ბოლომდე, ირბახის ქუჩა გადაიკეტება, ხოლო წურწუმიას ქუჩაზე ავტომობილები გადაადგილდებიან ორმხრივად, - ამის შესახებ თბილისის მერიის განცხადებაშია ნათქვამი.
მართვის მოწმობებზე ქულათა სისტემის ამოქმედების შემდეგ, ერთ კვირაში ყველაზე მეტი ჯარიმა 4 კატეგორიის სამართალდარღვევაზე დაიწერა.
ე.წ. ყვითელი მიკროავტობუსების მიერ წლის განმავლობაში გადაყვანილი მგზავრების რაოდენობა, მეტროსა და ავტობუსების მიერ გადაყვანილი მგზავრების ჯამს უტოლდება
ჟინვალი-ბარისახო-შატილის საავტომობილო გზაზე მაღალი გამავლობის ავტოტრანსპორტის მოძრაობა აღდგენილია.
ე.წ. დეზერტირების ბაზრის მიმდებარე ტერიტორიაზე საავტომობილო მოძრაობა აღდგა.
თბილისის გენერალურ გეგმაზე მომუშავე ჯგუფის მხრიდან შემოთავაზებულია ახალი რეგულაციები, რომელიც ქალაქის განვითარების თვალსაზრისით კიდევ უფრო მეტ წესრიგს მოგვცემს
2017 წლის 6 თვის სტატისტიკური მონაცემებით, საქართველოს აეროპორტებში მგზავრთნაკადი 48.61%-ით, ხოლო საჰაერო გზით გადაზიდული ტვირთის მოცულობა 40.07%-ითაა გაზრდილი

15 აგვისტოდან ძალაში შედის „ხმაურის შესახებ“ კანონი. ხმაურის დასაშვები ნორმების გადამეტებისას პირველ შემთხვევაზე პირი მიიღებს გაფრთხილებას, მეორე შემთხვევაზე კი დაეკისრება ჯარიმის გადახდა.

კომპანია „ვიზეარი“ ქუთაისი - ბერლინი და ბერლინი - ქუთაისის ავიარეისებთან დაკავშირებით, მგზავრებს ეტაპობრივად ტელეფონის საშუალებით უკავშირდება.
რუბრიკის სხვა სიახლეები
27.07.2017
საბაჟო გამშვებ პუნქტ „ყაზბეგში“ ფინანსთა სამინისტროს შემოსავლების სამსახურის მებაჟე ოფიცრებმა, რუსეთის მოქალაქე გ.მ-ს მართვის ქვეშ არსებული ავტომობილის დათვალიერებისას
სრულად
27.07.2017
საბაჟო გამშვებ პუნქტებში „სადახლო-საავტომობილო“ და „ვალე“, ფინანსთა სამინისტროს შემოსავლების სამსახურის მებაჟე ოფიცრებმა, ეჭვის საფუძველზე დათვალიერებისას, არადეკლარირებული სიგარეტი (ჯამში 25,800 ღერი) აღმოაჩინეს.
სრულად
27.07.2017
იყო და არა იყო რა, იყო ერთი ამერიკული ოჯახი. მამას მცირე კერძო ბიზნესი ჰქონდა "ბურღვისა და ტუმბვის" სფეროში
სრულად
27.07.2017
შრომის ახალი კანონის ამოცანაა, რომ დაზიანების პრევენცია მოხდეს და არა პოსტფაქტუმ მკურნალობა
სრულად
27.07.2017
ბევრი უცხოელი ღვინის სპეციალისტი მიიჩნევს, რომ ქართული ყურძნის ჯიშებიდან ყველაზე დიდი პოტენციალის მქონე ყურძნის ჯიში და, შესაბამისად, ღვინოც საფერავია.
სრულად
TOP
რეკომენდებული
მნიშვნელოვანი
ოფიციალური კურსი
კონვერტორი
27.07.2017
28.07.2017
USD
1
USD
2.3993
2.4022
EUR
1
EUR
2.7933
2.8125
GBP
1
GBP
3.1323
3.1579
RUB
100
RUB
4.0016
4.0430