ერთ კვირაში 200 ლარით 1000-მდე მძღოლი დაჯარიმდა
ერთ კვირაში 200 ლარით 1000-მდე მძღოლი დაჯარიმდა
9 მარტი / 2016
საკრებულოს წევრ შალვა ოგბაიძის თქმით, 2016 წლის 25 თებერვლიდან 2 მარტამდე დგომა-გაჩერების წესის დარღვევისთვის 7 ათასზე მეტი მძღოლია დაჯარიმებული, მათ შორის ათასამდე პირი 200 ლარის ოდენობით დაჯარიმდა.

როგორც გაზეთი "რეზონანსი" წერს, შინაგან საქმეთა სამინისტროს ინფომაციით, დგომა-გაჩერების წესების დარღვევის დროს მძღოლი 200 ლარით მხოლოდ იმ შემთხვევაში ჯარიმდება, თუ საავარიო ვითარებას ან საცობს ქმნის.

"საქართველოს ადმინისტრაციულ სამართალდარღვევათა კოდექსის 125-ე მუხლის მე-8 ნაწილით, ადმინისტრაციულ პასუხისმგებლობას იწვევს ამკრძალავი ნიშნების "გაჩერება აკრძალულია" და "დგომა აკრძალულია" მოთხოვნის დაუცველობა, აგრეთვე, დგომა-გაჩერების წესებით გათვალისწინებული სხვა მოთხოვნის დაუცველობა, რაც ითვალისწინებს ჯარიმას 10 ლარის ოდენობით.

"მოქმედი კანონმდებლობით, უფრო მკაცრი ადმინისტრაციული პასუხისმგებლობაა დაწესებული, როდესაც ზემოაღნიშნული დგომა-გაჩერების წესების დარღვევას მოჰყვება საავარიო ვითარების შექმნა ან მოძრაობის ისეთი შეფერხება, რამაც საცობი გამოიწვია. ეს ითვალისწინებს დაჯარიმებას 200 ლარის ოდენობით.

"მცირემნიშვნელოვანი ადმინისტრაციული სამართალდარღვევის ჩადენისას, დამრღვევი შეიძლება გათავისუფლდეს ადმინისტრაციული პასუხისმგებლობისგან და უფლებამოსილი პირი მხოლოდ სიტყვიერი შენიშვნით შემოიფარგლოს.

საპატრულო პოლიციის დეპარტამენტის მიერ განხორციელებული ანალიზიდან გამოიკვეთა, რომ ბოლო პერიოდში მნიშვნელოვნად გაიზარდა მძღოლთა მიერ დგომა-გაჩერების წესების უგულებელყოფის შემთხვევები, რაც გამოიხატება სატრანსპორტო საშუალების გზის სავალი ნაწილის სამოძრაო ზოლში გაჩერებით.

"იმ პირობებში, როდესაც ადგილი აქვს სატრანსპორტო საშუალებების რაოდენობისა და, შესაბამისად, მოძრაობის ინტენსივობის ზრდას, ამგვარ შემთხვევები მნიშვნელოვნად აფერხებს საგზაო მოძრაობას და ქმნის მისი პარალიზების მაღალ რისკს. აღნიშნული გარემოებების გამო, შსს-ს საპატრულო პოლიცია, თავისი დისკრეციული უფლებამოსილების ფარგლებში, იძულებულია გაამკაცროს ადმინისტრირება დგომა-გაჩერების ისეთ დარღვევებზე, რომლებიც იწვევს საგზაო მოძრაობის შეფერხებასა და ე.წ. საცობის შექმნას", - აცხადებს შინაგან საქმეთა სამინისტრო.

როგორც საკრებულოს წევრი შალვა ოგბაიძე "რეზონანსთან" საუბრისას 200-ლარიან ჯარიმებთან დაკავშირებით აცხადებს, ჯარიმა მკაცრია მაგრამ სამართლიანი. მისი თქმით, ერთი კვირის განმავლობაში საქართველოში დგომა-გაჩერების დარღვევაზე ათასამდე 200-ლარიანი ჯარიმაა გამოწერილი.

დაჯარიმების მიზანი ადამინის ცნობიერებაზე მოქმედი ფინანსური ინსტრუმენტია, რომელიც აიძულებს ადამიანს, შემდგომში მსგავსი დარღვევა აღარ გაიმეოროს. თუ ადამიანს უნდა, რომ მანქანა გზის მეორე რიგში გააჩეროს, თავად გადავიდეს მანქანიდან და შეიქმნას საცობი, ეს არ გამოვა. ადმინისტრაციული სამართალდარღვევათა კოდექსის აღსრულება არის ერთი საქმე, მეორეა ის, რომ ადამიანი არ აღრვევდეს საგზაო მოძრაობის წესებს, ანუ მაღალი საგზაო კულტურა გააჩნდეს.

პატრული ახლა ებრძვის შედეგს და არა მიზეზს. შედეგი კი დაბალი საგზაო კულტურაა, მე
You must have Flash Player installed in order to see this player.
მხედველობაში მყავს ის ადამიანები, რომლებსაც დემონსტრაციულად, მაგალითად, სკოლასთან მეორე რიგში ჰყავთ გაჩერებული მანქანა და სანამ შვილს სკოლაში არ დააბინავებს, მანამდე მანქანას ადგილიდან არავითარ შემთხვევაში არ დაძრავს. აი, ამაზეა საუბარი.

25 თებერვლიდან დაიწყო ადმინისტრირების გამკაცრება. 25 თებერვლიდან 2 მარტამდე დგომა-გაჩერების დარღვევაზე 7500-მდე ჯარიმა არის გამოწერილი, ეს არის კატასტროფული მაჩვენებელი. აქედან ათასამდე მძღოლს 200-ლარიანი ჯარიმა აქვს გამოწერილი, დანარჩენი კი სიტყვიერი გაფრთხილება და 10-ლარიანი ჯარიმებია.

"არსებული მდგომარეობის გამოსასწორებლად ეს არის ერთ-ერთი მიდგომა, რომელიც შეცვლის გზებზე არსებულ სიტუაციას. კიდევ ვიმეორებ, რომ სანამ ევროპული ყაიდის ავტოსკოლები არ შეიქმნება, სადაც იქნებიან მაღალი რანგის ინსტრუქტორ-პედაგოგები და სახელმწიფოს შესაბამის ორგანოებში აკრედიტებული ინსტიტუტები, რომლებიც საგზაო მოძრაობის უსაფრთხოების ყველა ინსტრუმენტითა და ცოდნით აღჭურვილ მძღოლებს არ მოამზადებენ, მანამდე არაფერი გვეშველება.

"ბოლო დროს თბილისში გავრცელდა ხმა, რომ პატრული არავის აღარ ინდობს. მე შევასწორებდი ამ გამოთქმას, რომ კანონი აღარ ინდობს არავის. როდესაც კანონი თითოეული მოქალაქისთვის არის თანაბარი, ანუ გამგებლის მოადგილე იქნება, რომელიმე პარლამენტარის თუ გუბერნატორის მძღოლი, შავ ჯიპზე ამხედრებული ვიღაც ცნობილი სახე თუ რიგითი მოქალაქე და კანონი თანაბრად მიუდგება ყველას, დამერწმუნეთ, რომ საშიში არაფერი არის", - აცხადებს შალვა ოგბაიძე.

გვანცა ღედაშვილი
გაზეთი "რეზონანსი"

კომენტარები (31)
11.03.2016
არრა
არაფრიდან პრობლემას ვქმნით ქართველები, მერე კი ვწუწუნებთ და ვეძებთ დამნაშავეს– პოლიციას, მთავრობას, ცუდ გზას, შუქნიშანს, პარკირებისპრობლემას და ა. შ. ვისშავლოთ მართვის კულტურა და კანონს დამორჩილება “ევროპელო“ ვაი–ქართველებო და აღარ მოგვიწევს 200–ლარიანი ჯარიმების გადახდა!!! ყველა უცოდინარმა და მცოდნე მძღოლმა იცის “ავარიული შუქების“ ჩართვა და ...აბა ჰე... აჩერებენ მეორეჰ ხან მესამე რიგშიც კი ჩვენი ტრა...ნი ჯიგიტები“ და ფეხებზე იკიდებენ კანონ–წესრიგის მოყვარულ დანარჩენ მძღოლებს!! თავი გმირთა–გმირად და მაჩოდ მიაჩნიათ ამ მრავალ ხიოებს და არ ესმით რომ ეს არის ...ელემენტარული უსინდისოჰა და სხვისი უპატივისმცემლობა!!! კახური ანდაზა კი ღაღადებს რომ...“ვირისგან წიხლი არ უნდა გეწყინოსო“, მაგრამ როცა თბილისის ქუჩებში ვირების სიჭარბე არის, ისინი კანონმა უნდა დასაჯოს!!!! ასევე უნდა გამკაცრდეს ტროტუარებზე გაჩერებული მანქანების დაჯარიმება, რამეთუ ფეხით მოსიარულეს ამის გამო გზის სავალ ნაწილზე უწევს სიარული ი ძ უ ლ ე ბ ი თ!!!! მკაცრად უნდა დაისაჯონ ასევე ყველა მარშრუტის მძღოლი, რომლებიც ყველგან აჩერებენ სამარშრუტო ავტობუსს სპეციალური გაჩერების ადგილის გარდა და ასევე ქმნიან საცობებს და ვაკხანალიას. ამით გავირებული ფეხით მოსიარულეც მიეჩვევა დისციპლინას და გაიგებს , რომ ტრანსპორტში ჩაჯდომა ცივილიზებურ ქვეყანაში ხდება საზოგადოებრივი ტრანსპორტის გაჩერებაზე ადა არა იქ, სადაც ხელს დავიქნევთ!!! დარწმუნებული ვარ, თუ ჩვენმა საგზაო პოლიცია შესძლებს ამის გაკევებას, თბილისში საცობების პრობლემა ბევრგან მოგვარდება და .... მერე იქნებ ისიც ისწავლოს ქართველმა მძღოლმა, რომ ერთი რიგრდან მეორე რიგში გადასვლისას უნდა ჩარვო “პავაროტნიკის“ შუქმაჩვენებელი!!!!!!!!!!!!!!!!!
10.03.2016
ფულის ამოღება
რამდენი ხანი იქნება ჰა ჰა ერთი თვე მერე აღარ დაწერენ აქამდე არ იყო მასე
მსგავსი სიახლეები
2040 წლიდან დიდ ბრიტანეთში ბენზინსა და დიზელზე მომუშავე ახალი ავტომობილების გაყიდვა აიკრძალება.
„როლს-როისი“ აცხადებს, რომ არ აპირებს ჰიბრიდული აგრეგატების გამოყენებას და არჩევს, რომ თავის მყიდველს სრულიად ელექტრული მოდელები შესთავაზოს.
მართვის მოწმებებზე ქულათა სისტემის ამოქმედების შემდეგ, ერთ კვირაში ყველაზე მეტი ჯარიმა 4 კატეგორიის სამართალდარღვევაზე დაიწერა.
მართვის მოწმობებზე 100-ქულიანი სისტემის შემოღების მიუხედავად 1- ელი 7 ივლისის ჩათვლით, ღვედის გამოუყენებლობისთვის დაჯარიმებულთა მაღალი მაჩვენებელი დაფიქსირდა.
ლონდონში ხუთი წლის გოგონა არალიცენზირებული ვაჭრობის გამო ადგილობრივმა პოლიციამ 150 გირვანქა სტერლინგით დააჯარიმა.
მართვის მოწმობებზე ქულათა სისტემის ამოქმედების შემდეგ სატრანსპორტო საშუალების მართვის დროს მობილურზე საუბრის ფაქტებმა რადიკალურად იკლო.
მართვის მოწმობებზე ქულათა სისტემის ამოქმედების შემდეგ, ერთ კვირაში ყველაზე მეტი ჯარიმა 4 კატეგორიის სამართალდარღვევაზე დაიწერა.
შინაგან საქმეთა მინისტრის მოადგილის შალვა ხუციშვილის შეფასებით, გატარებული რეფორმების შედეგად, ავტოავარიებით გარდაცვლილთა და დაშავებულთა მაჩვენებელი სულ მცირე, 50%-ით უნდა შემცირდეს.
ყოფილა ბევრი შემთხვევა, როდესაც ვალდებულებების შეუსრულებლობის გამო, შესაბამისი კომპანია ან დაჯარიმებულა, ან შესაბამისი უძრავი ქონება ჩამორთმევია
თუ დამტკიცდა, რომ რძის ფხვნილია გამოყენებული ყველის წარმოებაში ნედლეულად, ამ შემთხვევაში ეს არის ეტიკეტირების წესის დარღვევა და ითვალისწინებს 400-ლარიან ჯარიმას
რუბრიკის სხვა სიახლეები
27.07.2017
საბაჟო გამშვებ პუნქტ „ყაზბეგში“ ფინანსთა სამინისტროს შემოსავლების სამსახურის მებაჟე ოფიცრებმა, რუსეთის მოქალაქე გ.მ-ს მართვის ქვეშ არსებული ავტომობილის დათვალიერებისას
სრულად
27.07.2017
საბაჟო გამშვებ პუნქტებში „სადახლო-საავტომობილო“ და „ვალე“, ფინანსთა სამინისტროს შემოსავლების სამსახურის მებაჟე ოფიცრებმა, ეჭვის საფუძველზე დათვალიერებისას, არადეკლარირებული სიგარეტი (ჯამში 25,800 ღერი) აღმოაჩინეს.
სრულად
27.07.2017
იყო და არა იყო რა, იყო ერთი ამერიკული ოჯახი. მამას მცირე კერძო ბიზნესი ჰქონდა "ბურღვისა და ტუმბვის" სფეროში
სრულად
27.07.2017
შრომის ახალი კანონის ამოცანაა, რომ დაზიანების პრევენცია მოხდეს და არა პოსტფაქტუმ მკურნალობა
სრულად
27.07.2017
ბევრი უცხოელი ღვინის სპეციალისტი მიიჩნევს, რომ ქართული ყურძნის ჯიშებიდან ყველაზე დიდი პოტენციალის მქონე ყურძნის ჯიში და, შესაბამისად, ღვინოც საფერავია.
სრულად
TOP
რეკომენდებული
მნიშვნელოვანი
ოფიციალური კურსი
კონვერტორი
27.07.2017
28.07.2017
USD
1
USD
2.3993
2.4022
EUR
1
EUR
2.7933
2.8125
GBP
1
GBP
3.1323
3.1579
RUB
100
RUB
4.0016
4.0430