ქვეყნები, სადაც საგზაო წესების დარღვევაზე ყველაზე მაღალი ჯარიმებია დაწესებული
ქვეყნები, სადაც საგზაო წესების დარღვევაზე ყველაზე მაღალი ჯარიმებია დაწესებული
18 მარტი / 2016
სტატისტიკის თანახმად, ავტოსაგზაო შემთხვევათა უმეტესობა საგზაო წესების დარღვევის შედეგად ხდება.
ამიტომაც, მძღოლების დისციპლინიზაციის ან შესაძლოა, მათი სიცოცხლის გადასარჩენად, საგზაო მოძრაობის პასუხისმგებელი სამსახურები  ჯარიმებს აწესებენ. საქართველოში ჯარიმები ყოველწლიურად იზრდება, რასაც მძღოლების უკმაყოფილება მოსდევს, თუმცა არსებობს ქვეყნები, სადაც გადასახადები გაცილებით მაღალია. გთავაზობთ მსოფლიოში საგზაო წესების დარღვევისთვის დაწესებული ყველაზე მაღალი ჯარიმების რეიტინგს.

ფინეთი
ფინეთში სიჩქარის გადაჭარბებისთვის ყველაზე მაღალი ჯარიმაა - 200 ათასი დოლარის ოდენობით. რა თქმა უნდა, ეს იმას არ ნიშნავს, რომ მსგავსი დარღვევისთვის თქვენც იმავე თანხით დაგაჯარიმებენ. საქმე ის არის, რომ ფინეთში ჯარიმის მაქსიმალური თანხა შეზღუდული არ არის, იგი განისაზღვრება დამრღვევის წლიური შემოსავლის მიხედვით. იუსი სალონოიას წლიურმა შემოსავალმა 11 მილიონი დოლარი შეადგინა, რის გამოც ჯარიმის თანხა ”კოსმიური” აღმოჩნდა.
ფინეთში ავტომობილის გადაჭარბებული სიჩქარით მოძრაობისთვის მინიმალური ჯარიმა 1 500 ევროს შეადგენს; წითელზე გავლისთვის 90 ევრო; სისხლში ალკოჰოლის აღმოჩენის გამო 4 500 ევროს გადახდა მოგიწევთ; პარკირების წესების დარღვევისთვის ჯარიმა 10 ევროდან იწყება, ღვედის გამოუყენებლობისთვის კი 135 ევროა.

კანადა
კანადაში რეკორდული ჯარიმა 25 ათასი დოლარის ოდენობით დაფიქსირდა პროვინცია ალბერტაში. სიდიდით მეორე ჯარიმა - 12 ათასი დოლარი ერგო მოტოციკლეტისტს, რომელიც 260 კმ/სთ-ით მოძრაობდა. თუმცა ხშირად სწრაფი სიჩქარის მოყვარულები ჯარიმის სახით 1000 დოლარს იხდიან.
დანარჩენი დარღვევებისთვის შემდეგი ჯარიმებია დაწესებული: წითელზე გავლა - 144 დოლარი; სისხლში ალკოჰოლის შემცველობა - 600 დოლარიდან და მართვის მოწმობის ჩამორთმევა 24 თვით; პარკირება აკრძალულ ადგილას - 100 დოლარი; ღვედის გამოუყენებლობა - 1000 დოლარი.

იაპონია
იაპონიაში საგზაო წესების ყველაზე სერიოზულ დარღვევად სისხლში ალკოჰოლის შემცველობა ითვლება, რისთვისაც მძღოლი 8 700 დოლარით ისჯება. ასევე მკაცრი სასჯელი ელის წითელზე გამავალ მძღოლს - 420 დოლარის ოდენობის ჯარიმის გარდა, კანონდამრღვევს 6-თვიანი პატიმრობა ემუქრება.
დანარჩენი დარღვევებისთვის შემდეგი ჯარიმებია დაწესებული: პარკირება აკრძალულ ადგილას - 830 დოლარი; ღვედის გამოუყენებლობა - 450 დოლარი.

დიდი ბრიტანეთი
2007 წელს Porsche 911-ის მძღოლი 8000 დოლარით დააჯარიმეს ერთ-ერთ სოფელში 275 კმ/სთ-ით გადაადგილებისა და ავტომობილის დაუდევრად ტარებისთვის.
დანარჩენი დარღვევებისთვის ჯარიმის ოდენობა ასე გამოიყურება: წითელზე გავლა
You must have Flash Player installed in order to see this player.
- 1800 ფუნტი; სისხლში ალკოჰოლის შემცველობა - 3 000 ფუნტიდან; პარკირება აკრძალულ ადგილზე - 40 ფუნტი; ღვედის გამოუყენებლობა - 500 ფუნტამდე.

იტალია
იტალიაში ყველაზე მკაცრი სასჯელი არაფხიზელ მდგომარეობაში მყოფ მძღოლებს ეკისრებათ. ჯარიმის ოდენობა 6 ათას ევროს აღწევს, ამასთან, მძღოლს მართვის მოწმობა 2 წლით ჩამოერთმევა. მაგრამ ეს იმ შემთხვევაში, თუ სისხლში ალკოჰოლის შემცველობა 1,5 პრომილეა. თუკი ეს მაჩვენებელი 0,8 პრომილეს არ აღემატება, ჯარიმის თანხა 3 200 ევროს შეადგენს.
დანარჩენი ჯარიმები არც თუ ისე მკაცრია: წითელზე გავლა - 90 ევრო; პარკირება აკრძალულ ადგილას -75 ევრო; ღვედის გამოუყენებლობა - 300 ევრო.

აშშ
აშშ-ის უმეტეს შტატებში სიჩქარის გადაჭარბება 1000 დოლარამდე ისჯება. თუმცა, ზოგიერთ შტატში მსგავსი დარღვევისთვის მეტად მკაცრი ჯარიმებია დაწესებული. მაგალითად, ვირჯინიაში საკმარისია 15 კმ/სთ-ით გადააჭარბოთ სიჩქარეს, რომ 2500 დოლარის ოდენობით ჯარიმა მიიღოთ. გარდა ამისა, ზოგიერთ შტატში ამისათვის პატიმრობაც გელით.
დანარჩენი დარღვევებისთვის ჯარიმის თანხის ოდენობა: წითელზე გასვლა - 50 დოლარი; სისხლში ალკოჰოლის შემცველობა 0,5 პრომილეზე მეტი - 1000 დოლარი და მართვის მოწმობის ჩამორთმევა; ღვედის გამოუყენებლობა - 50 დოლარი; პარკირება აკრძალულ ადგილას - 35 დოლარი.

პორტუგალია
პორტუგალიაში არანაკლებ მკაცრი კანონები მოქმედებს საგზაო წესების დამრღვევთათვის. თანაც, პოლიციელებს თან ახლავთ მობილური ბანკომატები და დამრღვევებს ჯარიმას ადგილზევე ახდევინებენ. აჯარიმებენ ნებისმიერი დარღვევისთვის - მობილურზე საუბრით დაწყებული, სიჩქარის რეჟიმის დარღვევებით დამთავრებული. ღვედი უკანა სავარძელში მსხდომებმაც უნდა გამოიყენონ. თუკი მძღოლი ჯარიმას ადგილზევე არ გადაიხდის, მას უფლება არ აქვს, გზა განაგრძოს. გადაჭარბებული სიჩქარისთვის დამრღვევი იხდის 1800 ევრომდე. სისხლში ალკოჰოლის შემცველობისთვის (0,7 პრომილე და მაღლა) - 2500 ევროს.
დანარჩენი დარღვევებისთვის ჯარიმის ოდენობა ნაკლებად მკაცრია: ავტომობილის მართვისას მობილურ ტელეფონზე საუბარი - 500 ევრომდე; წითელზე გასვლა - 100 ევროდან; პარკირება აკრძალულ ადგილას - 55 ევრომდე.

გერმანია
გერმანელები გადაჭარბებული სიჩქარით მოძრაობისთვის მკაცრად არ სჯიან. ზოგიერთ ავტობანზე მაქსიმალური სიჩქარე განსაზღვრული არ არის. სიჩქარის ყველაზე უხეში დარღვევა 623 დოლარით ისჯება, თუმცა, სისხლში ალკოჰოლის შემცველობისთვის მძღოლს გაცილებით მეტი თანხის გადახდა უწევს - 3000 ევრო.
წითელზე გავლა - 360 ევრომდე, პარკირება აკრძალულ ადგილას - 25 ევრო. ღვედის გამოუყენებლობა - 30 ევრომდე.

დუდანა ზაქარაია



კომენტარები (7)
21.03.2016
იბერიელი
ფინეთი სიჩქარის გადაჭარბება 1500 ევრო, წითელზე გავლა 90 ევრო. აშშ სიჩქარის გადაჭარბება 1000 დოლარი, წითელზე გავლა 50 დოლარი. სადაა ლოგიკა? პირიქით უნდა იყოს. წითელზე გავლა უფრო სახიფათოა!
21.03.2016
რაჯი
ინდოთში რა ჯარიმებია? თუ იცით სიმთვრალეზე 1400 რუპია.წიტელზე გავლა 345 რუპია.ძროხას თუ დაეჯახე 3 წლი სროკი გაქვს აკიდებული. ( სად ჯობია )?
მსგავსი სიახლეები
1 აშშ დოლარის ოფიციალური ღირებულება 2.4022 ლარი გახდა.
საფინანსო ბაზრის ექსპერტი ნიკა შენგელია ლარის მორიგ გაუფასურების შესახებ „ფეისბუქის" საკუთარ გვერდზე წერს.
1 აშშ დოლარის ოფიციალური ღირებულება 2.3993 ლარი გახდა.
2040 წლიდან დიდ ბრიტანეთში ბენზინსა და დიზელზე მომუშავე ახალი ავტომობილების გაყიდვა აიკრძალება.
25 ივლისს ტერაბანკს და ნიდერლანდების განვითარების ფინანსურ კომპანიას (FMO) შორის ხელი მოეწერა თანამშრომლობის ხელშეკრულებას.
ეროვნული ბანკის მიერ გამოქვეყნებული მონაცემების თანახმად, დღევანდელი ვაჭრობის შედეგად აშშ დოლარის ღირებულებამ 2.3987 ლარი შეადგინა.
საქართველოს ეროვნული ბანკი კომერციული ბანკების საკრედიტო დაბანდების შესახებ ინფორმაციას აქვეყნებს.
დოლარის კურსი ყველა მსხვილ ვალუტასთან მიმართებით ეცემა.
დოლარის ინდექსი, რომელიც ამერიკული ვალუტის ექვს მთავარ ვალუტასთან ჯამურ კურსს გამოხატავს, კვლავაც 13-თვიანი მინიმუმის სიახლოვეს რჩება.
ნავთობის ფასი ბოლო ერთი კვირის მინიმუმზე ჩამოვიდა მას შემდეგ, რაც OPEC-ის და მისი არაწევრი ქვეყნების შეხვედრაზე გაირკვა, რომ გლობალური მიწოდების შემდგომი შეზღუდვა უახლოეს მომავალში არ იგეგმება.
რუბრიკის სხვა სიახლეები
27.07.2017
საბაჟო გამშვებ პუნქტ „ყაზბეგში“ ფინანსთა სამინისტროს შემოსავლების სამსახურის მებაჟე ოფიცრებმა, რუსეთის მოქალაქე გ.მ-ს მართვის ქვეშ არსებული ავტომობილის დათვალიერებისას
სრულად
27.07.2017
საბაჟო გამშვებ პუნქტებში „სადახლო-საავტომობილო“ და „ვალე“, ფინანსთა სამინისტროს შემოსავლების სამსახურის მებაჟე ოფიცრებმა, ეჭვის საფუძველზე დათვალიერებისას, არადეკლარირებული სიგარეტი (ჯამში 25,800 ღერი) აღმოაჩინეს.
სრულად
27.07.2017
იყო და არა იყო რა, იყო ერთი ამერიკული ოჯახი. მამას მცირე კერძო ბიზნესი ჰქონდა "ბურღვისა და ტუმბვის" სფეროში
სრულად
27.07.2017
შრომის ახალი კანონის ამოცანაა, რომ დაზიანების პრევენცია მოხდეს და არა პოსტფაქტუმ მკურნალობა
სრულად
27.07.2017
ბევრი უცხოელი ღვინის სპეციალისტი მიიჩნევს, რომ ქართული ყურძნის ჯიშებიდან ყველაზე დიდი პოტენციალის მქონე ყურძნის ჯიში და, შესაბამისად, ღვინოც საფერავია.
სრულად
TOP
რეკომენდებული
მნიშვნელოვანი
ოფიციალური კურსი
კონვერტორი
27.07.2017
28.07.2017
USD
1
USD
2.3993
2.4022
EUR
1
EUR
2.7933
2.8125
GBP
1
GBP
3.1323
3.1579
RUB
100
RUB
4.0016
4.0430