შაქარი შესაძლოა, 2 ლარამდე გაძვირდეს
შაქარი შესაძლოა, 2 ლარამდე გაძვირდეს
24 მარტი / 2016
გამორიცხული არ არის, შაქრის ფასმა 2 ლარს მიაღწიოს. პროდუქტის გაძვირება მსოფლიო ბაზარზე არსებული ვითარებითაა განპირობებული. როგორც გაზეთი "რეზონანსი" წერს, საერთაშორისო ბირჟებზე შაქრის ფასმა ერთ თვეში 30%-ით, ხოლო ნახევარ წელიწადში თითქმის 45%-ით მოიმატა. დღეის მდგომარეობით ბირჟებზე 1 ტონა შაქრის ყიდვა 463 დოლარადაა შესაძლებელი. ზუსტად 1 თვის წინ ეს მაჩვენებელი 368 დოლარს შეადგენდა. სექტემბრიდან მოყოლებული, პროდუქტი 135 დოლარით გაძვირდა.

რაც მთავარია, ტენდენცია გრძელდება და ის ადეკვატურ გავლენას ადგილობრივ ბაზარზეც ახდენს. დღესდღეობით საქართველოს საბითუმო ბაზარზე 1 ტომარა შაქრის ფასი 75 ლარია. საქმე იქითკენ მიდის, რომ იგი 80-85 ლარამდეც შეიძლება გაძვირდეს, ხოლო 1 კგ შაქრის ფასი 2 ლარამდეც ავიდეს, რასაც იმპორტიორებიც ადასტურებენ.

საფასო ტენდენცია მხოლოდ მზარდია. "იაფი შაქარი", რითაც წამყვანი სუპერმარკეტები დროდადრო გვანებივრებდნენ, ბაზარზე აღარ გაიყიდება.

შაქრის ერთ-ერთი მსხვილი იმპორტიორი კომპანიის "ლუქსი 2004"-ის გენერალური დირექტორი გურამ ბროძელი ფიქრობს, რომ ფასზე ერთადერთ სასიკეთო გავლენას ლარის კურსი მოახდენს. ეროვნული ვალუტის გამყარების შემთხვევაში, შესაძლოა, ამით პროდუქტის მასშტაბური გაძვირება თავიდან ავიცილოთ, მაგრამ სხვაობა ფასში მაინც არ იქნება მცირე.

მიუხედავად იმისა, რომ ადგილობრივ ბაზარზე შაქარი გაძვირდა და სუპერმარკეტებმაც აქციები შეაჩერეს, ფასზე საერთაშორისო ფაქტორი ჯერ არ ასახულა. ბროძელის ინფორმაციით, მინიმუმ ერთი თვეა საჭირო, რომ ქართველ მომხმარებელს პროდუქტი გაუძვირდეს.

"შაქრის საერთაშორისო ფასი ადგილობრივ ბაზარზე სათანადოდ ჯერაც არ ასახულა. დაახლოებით თვენახევარში, სულ მცირე ერთ თვეში, ფასში მკვეთრი სხვაობა გვექნება. ვფიქრობ, შაქარი 2 ლარამდეც გაძვირდება. შესაძლოა, ლარის გამყარებამ ფასი მეტ-ნაკლებად დაასტაბილუროს, მაგრამ სავალუტო კურსი საერთო გაძვირების პროცესს ვერ შეაჩერებს.

საერთაშორისო ბაზრისთვის შაქრის ბიზნესი საკმაოდ რთული თემაა. პროდუქტის გაძვირებას მხოლოდ მოსავლის დეფიციტი არ განაპირობებს. მნიშვნელოვანია ის, რომ ეს ბაზარი მთელ მსოფლიოში მონოპოლიურია და ამ ფაქტორსაც ხშირად ნეგატიურად იყენებენ. ქართველი მომხმარებლისთვის ერთადერთი შეღავათი შეიძლება იყოს ლარის კურსი. თუ ეროვნული ვალუტა სამომავლოდაც გამყარდება, შაქრის გაძვირება მტკივნეული არ იქნება", - განმარტავს გურამ ბროძელი.

"ქუალითი შუგარის" ხელმძღვანელი, ბიზნესმენი ალხან ალიზადე შაქრის მოსალოდნელ გაძვირებას ადასტურებს, თუმცა ფასში მნიშვნელოვან სხვაობას არ ელოდება. ალიზადე ფიქრობს, რომ ლარის გამყარება ღირებულებას მეტ-ნაკლებად დაასტაბილურებს.

"ლარის კურსმა შაქრის ფასზე დიდი გავლენა იქონია. ფაქტობრივად, ჩვენი კომპანიაა პირველი, რომელმაც ამ შემთხვევით ისარგებლა და
You must have Flash Player installed in order to see this player.
ფასი დასწია. ამ რამდენიმე დღის წინ 1 ტომარა შაქარი 2,40 ლარით გავაიაფეთ, თუმცა ისიც ცხადია, რომ არსებულ ფასს დიდხანს ვერ შევინარჩუნებთ. საერთაშორისო ბაზარზე პოდუქტი ბოლო პერიოდში მუდმივად ძვირდება და ცვლილებები აქაც გვექნება.

სიმართლე გითხრათ, არა მგონია, ტენდენცია დიდხანს გაგრძელდეს. მწარმოებელ ქვეყნებში ისეთი არაფერი ხდება, რომ შაქარი მომხმარებელს მკვეთრად გაუძვირდეს. გარკვეულ შეღავათს გაგვიწევს ლარის გამყარებაც. იმედი გვაქვს, რომ ეროვნული ვალუტა პოზიციას სამომავლოდაც გაიუმჯობესებს და შაქრის ფასი მნიშვნელოვნად არ აიწევს", - აცხადებს ალხან ალიზადე.

თბილისის სუპერმარკეტების წარმომადგენლები ამბობენ, რომ შაქრის მორიგი გაძვირების შიშით, რეალიზაციაც არის გაზრდილი. მათი თქმით, გაყიდვის მაჩვენებელი ამ ეტაპზეც მაღალია. მოქალაქეები შეძლებისდაგვარად თადარიგის წინასწარ დაჭერას ცდილობენ, თუმცა ამის შესაძლებლობა ბევრს არ აქვს.

სუპერმარკეტ "ჯიელ"-ის ერთ-ერთი ქსელის ადმინისტრატორის თქმით, დიდი ხნის განმავლობაში ფასი პერიოდულად იზრდებოდა. ბოლოს გარკვეული დროით შენარჩუნდა, თუმცა "დაბალმა ნიშნულმა" დიდხანს ვერ იმუშავა. ახლა კი, არ არის გამორიცხული, გაძვირების ტენდენცია გაგრძელდეს, თუმცა ეს არ იქნება მნიშვნელოვანი ცვლილება.

"შაქრის ფასი რყევას ხშირად განიცდის. არ გამოვრიცხავთ, ფასის კორექტირება მომავალშიც მოხდეს. პროდუქტის ღირებულება აქ ანალოგიურია, რაც სხვა სავაჭრო ქსელებში (ზოგ შემთხვევაში, ცოტა იაფიც კი), მაგრამ ამის მიუხედავად, მომხმარებლის აქტიურობა არ შენელებულა.

არ გამოვრიცხავ, შაქრის ფასმა მომავალში ცოტა მოიმატოს, მაგრამ საეჭვოა, ფასმა 2 ლარს გადააჭარბოს. მოსახლეობისთვის ეს ძალიან მძიმე ტვირთი იქნება. ამიტომ კომპანიებმა ზრდის ტენდენციის შეჩერება უნდა შეძლონ. ჯერჯერობით არსებული ვითარება საგანგაშო არ არის, მთავარია, ძალიან არ გაძვირდეს", - ამბობს სუპერმარკეტის წარმომადგენელი.

გლდანის სამომხმარებლო ბაზრის მოვაჭრეები ადასტურებენ, რომ ბოლო ერთი თვის განმავლობაში შაქარი 15-20 თეთრის ფარგლებში გააძვირეს.

"შაქარზე მოთხოვნა, წინა თვესთან შედარებით, გააქტიურდა. 1 კილოგრამს 1,50 ლარად ვყიდით, ხოლო 1 ტომარა შაქრის ფასი 75 ლარია. ადრე ნაკლებიც ღირდა, მაგრამ ეს რეალიზაციაზე დიდად არ ასახულა. როგორც ჩანს, ხალხი პროდუქტის გაძვირებას არ ელოდა.

შაქარი პირველადი მოთხოვნის პროდუქტია და მომხმარებელი ნებისმიერი ფასის შემთხვევაში შეეცდება მის შეძენას. შეიძლება სხვა ყველაფერი დიაკლოს, მაგრამ პურს და შაქარს, რა ფასადაც არ უნდა იყიდებოდეს, მაინც შეიძენს", - ამბობს ნონა მჟავია, ერთ-ერთი მოვაჭრე.

ანალოგიური მდგომარეობაა დედაქალაქის დანარჩენ სამომხმარებლო ბაზრებზე. ვარკეთილის ბაზარში შაქარს 1,45-1,50 ლარად ყიდიან. მოვაჭრეები ამბობენ, რომ ბოლო დროს პროდუქტი დისტრიბუტორებსაც ძვირად შემოაქვთ.

"ერთი კვირის წინ შაქარი 1,40 ლარი ღირდა, უფრო ადრე 1,35 ლარი. სხვაობა დიდი არ არის, მაგრამ მომხმარებელი მაინც გაღიზიანდა. რადგანაც ლარი მყარდება, ხალხი პროდუქტის გაიაფებას ელოდება, ამ დროს შაქრის შემთხვევაში პირიქითაა - ფასი მატულობს, რაც უკმაყოფილებას იწვევს.

ახლა იმის შიში გაჩნდა, რომ გაძვირების ტენდენცია გაგრძელდება. ფასი ცოტა რომ გაიზარდოს, ალბათ, მარაგის შეძენაზეც დაიწყებენ ფიქრს. ხალხის დიდი ნაწილი გაჭირვებულია, რის გამოც თითო კილოგრამობითაც ძლივს ყიდულობენ", - ამბობს მოვაჭრე ლენა ცხვედიანი.

მიუხედავად იმისა, რომ შაქრის გაძვირებაზე საუბარი ბოლო დროს მუდმივად მიმდინარეობდა, მომხმარებლისთვის ეს პროცესი მტკივნეული აღმოჩნდა. ბოლო რამდენიმე დღეა, სუპერმარკეტებმაც შაქარზე დაწესებული აქცია მოხსნეს. შესაძლოა, ამით "იაფი შაქრის ხანა" დასრულდეს ან დიდი ხნით შეჩერდეს.

მარი ჩიტაია
გაზეთი "რეზონანსი"

კომენტარები (6)
22.04.2016
ლალი
დზვირი პროდუკდები ავსტრიას და საფრანგეტსააკვს დაარჰენ კვეყნებსცჰი იაფია --ავსტრიას სცჰარსცჰან პესოკი გირდა 1€ 15 ცენტი დგეს კი 90 ცენტი
30.03.2016
11111111
ამ ქვეყანაში დოლარი და საწვავი აიწევს თუ დაიწევს არა აქვს მნიშვნელობა, ყოველთვის ყველაფერი ძვირდება, თუმცა ხან დოლარის და ხანაც საწვავის გაძვირებას აბრალებენ, საწვავი რომ გაიაფდა ტრანსპორტის ღირებულება ვინ შეამცირა?
მსგავსი სიახლეები
ბევრი უცხოელი ღვინის სპეციალისტი მიიჩნევს, რომ ქართული ყურძნის ჯიშებიდან ყველაზე დიდი პოტენციალის მქონე ყურძნის ჯიში და, შესაბამისად, ღვინოც საფერავია.
სავალუტო ბაზარი დღეს მიმდინარე თვის ერთ-ერთ მთავარ მოვლენას ელის. 
2017 წლის 14 ივლისს , ერთიანი აგრო პროექტის ფარგლებში ქ. გორში ახალი, ქართული ზღვის პროდუქტების მწარმოებელი კომპანია ,,უმალი“-ს საწარმო გაიხსნა.
ანაკლიაში ზღვის სეზონი აქტიურ ფაზაშია. მიუხედავად იმისა, რომ ბოლო დღეებში წვიმდა, ადგილობრივები დამსვენებლების სიმცირეს არ უჩივიან.
ნავთობის ფასი ბოლო ერთი კვირის მინიმუმზე ჩამოვიდა მას შემდეგ, რაც OPEC-ის და მისი არაწევრი ქვეყნების შეხვედრაზე გაირკვა, რომ გლობალური მიწოდების შემდგომი შეზღუდვა უახლოეს მომავალში არ იგეგმება.
ქვეყანის ეკონომიკის განვითარების პრობლემებზე, ამ მიმართულებით ხელისუფლების მიერ გადადგმულ ნაბიჯებსა და ეკონომიკური განვითარების პერსპექტივებზე ”ინტერპრესნიუსი” პარლამენტის საფინანსო-საბიუჯეტო კომიტეტის თავმჯდომარეს, ირაკლი კოვზანაძეს ესაუბრა.
ბიტკოინის ფასი ისევ ზრდისკენ შებრუნდა მას შემდეგ, რაც ცნობილი გახდა, რომ მის მოპოვებასთან დაკავშირებული რამდენიმე წამყვანი კომპანია ეთანხმება ციფრული ვალუტის რეორგანიზების გეგმას, რომლის დამტკიცებაც 1 აგვისტოს არის მოსალოდნელი.
"ჩვენი პროდუქტი ბიოლოგიურად სუფთაა, რადგანაც ჩამოგვაქვს ბაქტერიებისა და ვირუსებისგან გაწმენდილი თესლი და ვაწარმოებთ ღივს, რომელიც ყველაზე ჯანსაღი პროდუქტია დედამიწაზე"
ქართულ ბაზარზე ნიტრატებით გაჯერებული ხილ-ბოსტნეული იყიდება.
2017 წლის ივნისში სამრეწველო პროდუქციის მწარმოებელთა ფასების ინდექსის ცვლილებამ წინა თვესთან შედარებით 0,5 პროცენტი, ხოლო წინა წლის შესაბამის თვესთან შედარებით 12,3 პროცენტი შეადგინა.
რუბრიკის სხვა სიახლეები
27.07.2017
იყო და არა იყო რა, იყო ერთი ამერიკული ოჯახი. მამას მცირე კერძო ბიზნესი ჰქონდა "ბურღვისა და ტუმბვის" სფეროში
სრულად
27.07.2017
შრომის ახალი კანონის ამოცანაა, რომ დაზიანების პრევენცია მოხდეს და არა პოსტფაქტუმ მკურნალობა
სრულად
27.07.2017
ბევრი უცხოელი ღვინის სპეციალისტი მიიჩნევს, რომ ქართული ყურძნის ჯიშებიდან ყველაზე დიდი პოტენციალის მქონე ყურძნის ჯიში და, შესაბამისად, ღვინოც საფერავია.
სრულად
27.07.2017
2017 წელს ყურძნის შესყიდვისთვის იაფი აგროკრედიტი შენარჩუნდება.
სრულად
27.07.2017
31 ივლისს საფრანგეთში, ქალაქ ბორდოში, ღვინის ცივილიზაციის ცენტრში - Cité des Civilisations Du Vin გამოფენა გაიხსნება
სრულად
TOP
რეკომენდებული
მნიშვნელოვანი
ოფიციალური კურსი
კონვერტორი
27.07.2017
28.07.2017
USD
1
USD
2.3993
2.4022
EUR
1
EUR
2.7933
2.8125
GBP
1
GBP
3.1323
3.1579
RUB
100
RUB
4.0016
4.0430