გლდანის რაიონში 300-მდე სოციალურად შეჭირვებულ ოჯახს შეშა გადაეცა
გლდანის რაიონში 300-მდე სოციალურად შეჭირვებულ ოჯახს შეშა გადაეცა.როგორც თბილისის მერიიდან იუწყებიან, ამინდის გაუარესებასთან ერთად, გლდანის რაიონში სოციალურად შეჭირვებული ოჯახებისთვის შეშის დარიგება ინტენსიურ რეჟიმში მიმდინარეობს. გამგებლის მოადგილე ზურაბ ქაშიაშვილი დღეს 30-მდე ოჯახში შეშის მიტანის პროცესს დაესწრო.
„ქალაქში ტემპერატურამ უკვე საგრძნობლად იკლო. ამიტომ, ჩვენ ვცდილობთ შეშა მოსახლეობას მაქსიმალურად ოპერატიულად მივუტანოთ. შეშის დარიგება მომართვიანობის საფუძველზე მიმდინარეობს. ამ დრომდე უკვე 300-მდე ოჯახს დავეხმარეთ და პროცესი მომდევნო დღეებშიც გაგრძელდება“, - განაცხადა ზურაბ ქაშიაშვილმა.
რაიონის მასშტაბით, გლდანში, მუხიანსა და ავჭალაში შეშა უკვე 300-მდე ოჯახს მიუტანეს. თვის ბოლოსთვის შეშით უზრუნველყოფილი ოჯახების რაოდენობა 500-ზე მეტი იქნება.