მახათას მთაზე ტაძრის მიმართულებით დღეს ავტობუსები უფასოდ იმოძრავებს
ბარბარობის დღესასწაულთან დაკავშირებით, მახათას მთაზე ტაძრის მიმართულებით ავტობუსები უფასოდ იმოძრავებენ. აღნიშნულთან დაკავშირებით, თბილისის მერია განცხადებას ავრცელებს.
„თბილისის მერიის გადაწყვეტილებით, ბარბარობის დღესასწაულთან დაკავშირებით, 17 დეკემბერს 10-დან 15 საათამდე მახათას მთაზე, ივერიის ყოვლადწმინდა ღვთისმშობლის ხატის სახელობის ტაძრის მიმართულებით, ავტობუსები უფასოდ იმოძრავებენ. მსურველებს ვარდების მოედნიდან 8, რკინიგზის გადასასვლელი ხიდიდან 3 და მეტრო „ვარკეთილიდან“ – 3 ავტობუსი მოემსახურება“, - ნათქვამია განცხადებაში.
ბარბარობას, მახათას მთაზე სრულიად საქართველოს კათოლიკოს-პატრიარქი, ილია II პარაკლისს გადაიხდის და ბავშვებს დალოცავს. ამ დღეს პირველად დაირეკება მახათის მთის ღვთისმშობლის ხატის სახელობის ტაძრის ზარები. ასევე, საზოგადოება „ივერიისას“ წარდგინება მოხდება, რომელიც ფონდი „ივერიისას“ რეორგანიზაციის შედეგად ჩამოყალიბდა.