საგადახდო მომსახურების პროვაიდერებს, მათ შორის „ფეი ბოქსებს“ სოლიდური ჯარიმები დაუწესდათ
საგადახდო მომსახურების პროვაიდერებს, მათ შორის „ფეი ბოქსებს“ სოლიდური ჯარიმები დაუწესდათ
15 ივნისი / 2017
ეროვნულმა ბანკმა საგადახდო მომსახურების პროვაიდერისთვის ფულადი ჯარიმის ოდენობის განსაზღვრის, დაკისრებისა და აღსრულების წესი დაამტკიცა.

როგორც სებ-ის პრეზიდენტის კობა გვენეტაძის 13 ივნისის ბრძანებაშია აღნიშნული, სხვადასხვა დარღვევებზე პროვაიდერებს 100 ლარიდან 20 ათას ლარამდე ჯარიმა დაეკისრებათ. ბრძანების მიხედვით, პროვაიდერმა ჯარიმა შესაბამისი განკარგულების ან მისი ასლის ჩაბარებიდან 30 კალენდარული დღის ვადაში უნდა გადაიხადოს; ხოლო ამ ვადის დარღვევის შემთხვევაში პროვაიდერისათვის ფულადი ჯარიმის დაკისრების იძულებითი აღსრულება განხორციელდება.

ამასთან, როგორც ბრძანებაშია აღნიშნული, პირს დაკისრებული ფულადი ჯარიმის გადახდისაგან რეგისტრაციის გაუქმებაც არ ათავისუფლებს.

სებ-ის პრეზიდენტის ბრძანების მიხედვით, პროვაიდერები „საგადახდო სისტემისა და საგადახდო მომსახურების შესახებ“ და „უკანონო შემოსავლის ლეგალიზაციის აღკვეთის ხელშეწყობის შესახებ“ საქართველოს კანონის, ფინანსური მონიტორინგის სამსახურისა და ეროვნული ბანკის კანონქვემდებარე ნორმატიული აქტების მოთხოვნებისა თუ წერილობითი მითითებების დარღვევების გამო დაჯარიმდებიან.

მათ შორის, პროვაიდერი დაჯარიმდება იმ შემთხვევაში, თუ პროვაიდერი პოლიტიკურად აქტიური პირის კლიენტობის შემთხვევაში მასთან საქმიან ურთიერთობას ხელმძღვანელობის ნებართვის გარეშე დაიწყებს, არ მიიღებს სათანადო ზომებს პოლიტიკურად აქტიური პირის ფულადი სახსრების, ქონების
წარმომავლობის დასადგენად თუ მსგავს პირთან დაკავშირებულ სხვა ვალდებულებებს არ შეასრულებს - 10 000 ლარით დაჯარიმდება; შესაბამისი პროგრამული (ელექტრონული) სისტემის არქონის ან/და შესრულებული საგადახდო ოპერაციების აღრიცხვის მოთხოვნების დარღვევის გამოვლენის შემთხვევაში – 20 000 ლარის ოდენობით; პროვაიდერის შემოწმების პროცესში ეროვნული ბანკისთვის ინფორმაციის მოთხოვნილი ფორმით ან ვადებში წარუდგენლობის ან/და არაზუსტი ინფორმაციის წარდგენის შემთხვევაში – 1 000 ლარით დაჯარიმდება; გარიგების (ოპერაციის) აღსრულების შეჩერების თაობაზე ფინანსური მონიტორინგის სამსახურის მითითების შეუსრულებლობისთვის – 5 000 ლარის ოდენობით; ინფორმაციის (დოკუმენტების) აღრიცხვისა და შენახვისათვის დადგენილი მოთხოვნების დარღვევის გამოვლენის შემთხვევაში კი 500 ლარით დაჯარიმდება.

აღსანიშნავია, რომ სანქცია მხოლოდ საქართველოს ეროვნული ბანკის მიერ რეგისტრირებულ პროვაიდერებზე ვრცელდება. მათ შორის არის: "თიბისი ფეი", "ნოვა ტექნოლოჯი", "აჭარაფეი", "მანი ქარდ". ჯამში, ეროვნული ბანკის მიერ 41 პროვაიდერია რეგისტრირებული.


თაია არდოტელი
კომენტარები (0)
კომენტარები არ გაკეთებულა
მსგავსი სიახლეები
1 აშშ დოლარის ოფიციალური ღირებულება 2.4844 ლარი გახდა.
18 ოქტომბერს, ფინანსთა სამინისტროს სახაზინო ობლიგაციების აუქციონზე 20 000 000 ლარის ნომინალური ღირებულების 10-წლიანი ვადიანობის ფასიანი ქაღალდები გაიყიდა.
ტექდათვალიერების გაუვლელობის გამო, ბოლო სამ წელში 53 411 საჯარიმო ქვითარი გამოიწერა.
თემურ ჭყონია ქართული ბიზნესის ერთ-ერთი ყველაზე თვალსაჩინო წარმომადგენელია.
"ნაციონალური მოძრაობის" წევრი რომან გოცირიძე "ფეისბუქის" საკუთარ გვერდზე "თიბისი ბანკის" მიერ "პროგრესბანკის" შეძენის თემას უბრუნდება.
მეტროს სადგური "სახელმწიფო უნივერსიტეტი" გაიხსნა.
აშშ-ში სამუშაო ვიზიტის ფარგლებში, საქართველოს პირველი ვიცე-პრემიერი, ფინანსთა მინისტრი დიმიტრი ქუმსიშვილი მსოფლიო ბანკის აღმასრულებელ დირექტორს, ფრენკ ჰიმსკერკს შეხვდა.
ჩვენი პრიორიტეტია ახალი სამუშაო ადგილების შექმნა, რათა ადამიანები დასაქმდნენ, თვითრეალიზება შეძლონ და ქალაქში სოციალურად დაუცველების რიცხვი დასაქმებულთა რაოდენობის ზრდის შესაბამისად შემცირდეს
სესხის ვალუტაში გაცემის მოთხოვნის დარღვევა გამოიწვევს პირის გაფრთხილებას, ხოლო გაფრთხილების შემდეგ ერთი თვის განმავლობაში სამართალდარღვევის გამოუსწორებლობა - დაჯარიმებას 1 000 ლარის ოდენობით.
მიმდინარე წლის აგვისტოს მონაცემებით, კომერციული ბანკების მიერ დასაკუთრებულმა ქონების მოცულობამ 193.3 მილიონი ლარი შეადგინა.
რუბრიკის სხვა სიახლეები
18.10.2017
კახეთში სასტუმროს პროექტითა და ბიზნეს გეგმით ნაკვეთი იყიდება, რომლის ღირებულებაც 620 000 ლარია.
სრულად
18.10.2017
1 აშშ დოლარის ოფიციალური ღირებულება 2.4844 ლარი გახდა.
სრულად
18.10.2017
თიკა დუღაშვილი პროფესიით ჟურნალისტი და მუსიკისმცოდნეა.
სრულად
18.10.2017
თბილისის მუნიციპალიტეტის ტერიტორიების გამოყენებისა და განაშენიანების რეგულირების საკითხთა (ე.წ. ზონალური საბჭო) საბჭოს მიერ მისაღები გადაწყვეტილებებით დაინტერესებულ პირებს შორის მმართველი პარტიის მსხვილი შემომწირველები გვხვდებიან.
სრულად
18.10.2017
დედაქალაქის მერიის მუშაობის ეფექტიანობის გაზრდის მიზნით, რამდენიმე სამსახურის ოპტიმიზაცია მოხდება.
სრულად
TOP
რეკომენდებული
მნიშვნელოვანი
ოფიციალური კურსი
კონვერტორი
18.10.2017
19.10.2017
USD
1
USD
2.4839
2.4844
EUR
1
EUR
2.9223
2.9204
GBP
1
GBP
3.2842
3.2752
RUB
100
RUB
4.3318
4.3347
ეს არჩევანი ერთად უნდა გავაკეთოთ!
წარმოდგენილი სიიდან, მონიშნეთ თქვენთვის სასურველი 5 ღვინის სახეობა.
გამოკითხვის დასრულების შემდეგ, უმრავლესობის მიერ დასახელებული ღვინოებიდან გამოვლინდება 10 საუკეთესო.
შენ ხარ

13366-ე