მიწა ეკუთვნის საქართველოს მოქალაქეს, მაგრამ გამონაკლისის სახით უცხოელებზე მაინც გაიყიდება
მიწა ეკუთვნის საქართველოს მოქალაქეს, მაგრამ გამონაკლისის სახით უცხოელებზე მაინც გაიყიდება
19 ივნისი / 2017
უკვე გადაწყვეტილია, რომ კონსტიტუციაში ჩაიწერება: მიწა არის სახელმწიფოს და საქართველოს მოქალაქის საკუთრება.
როგორც გაზეთი „რეზონანსი" წერს, გამოცხადებულია მორატორიუმიც და დღეიდან ახალი კონსტიტუციის მიღებამდე უცხო ქვეყნის მოქალაქე საქართველოში სასოფლო-სამეურნეო მიწას ვერ იყიდის.

ეს დროებითია, რადგან გადაწყვეტილია, რომ შემოდგომაზე ორგანულ კანონში "გამონაკლისის" დაშვებით მიწა უცხოელებზე მაინც გაიყიდოს.

ეს ყველაფერი კი იმას ნიშნავს, რომ "ოცნება" კონსტიტუციური ჩანაწერით იმ ოპოზიციისა და საზოგადოების ნაწილის გულსაც იგებს, რომლებიც მიიჩნევენ, რომ ქართული მიწა უცხოელს არ უნდა ეკუთვნოდეს, მაგრამ ამავდროულად თავადაც იტოვებს საშუალებას, თუ მოუნდება, "გამონაკლისი წესით" უცხოელს მიწა მიჰყიდოს.

რა გამონაკლისებზეა საუბარი, ეს გამოჩნდება შემოდგომაზე, კანონპროექტის წარდგენისას და მაშინ განახლდება დაპირისპირებაც, თუმცა "გამონაკლისის" ხსენებამ უკვე გარკვეული ეჭვები გააჩინა.

მიწის უცხოელ მოქალაქეებზე გაყიდვის აკრძალვის მოწინააღმდეგეები ამბობენ, რომ მივიღებთ შემდეგ სურათს: უცხოელ მოქალაქეს მიწის ყიდვა მაინც შეეძლება, მაგალითად, ხელისუფლებასთან მოლაპარაკების და "გამონაკლისის" დაშვების მეშვეობით, რაც კორუფციის საფრთხესაც აჩენს.

დაიჩაგრება მიწის მფლობელი რიგითი მოქალაქე, თუნდაც იმით, რომ ვერ გაყიდის მიწას ძვირად, რადგან ბაზარი შეზღუდული იქნება და კრედიტი თუ დასჭირდა (თუნდაც ფერმერობის გასავითარებლად), ბანკში საკუთარი ნაკვეთის ჩადებაც გაუჭირდება, რადგან ამ შეზღუდული ბაზრის გამო ბანკისთვის სარისკო ხდება სესხის უზრუნველყოფისთვის მიწის მიღება და რისკის დასაზღვევად ძალიან მაღალ პროცენტს დააწესებს.

ლიბერალური ეკონომიკის მომხრე პოლიტიკური ძალები, რომლებიც კონსტიტუციით უცხოელი მოქალაქეებისთვის მიწის მიყიდვის აკრძალვას სულელურ, პოპულისტურ და ეკონომიკისათვის საზიანო გადაწყვეტილებად მიიჩნევენ, აცხადებენ, რომ მოსახლეობის გულის მოსაგებად გადადგა "ოცნებამ" ეს პოპულისტური ნაბიჯი, რადგან მოსახლეობის დიდი ნაწილის მოთხოვნაა, მიწა ეკუთვნოდეს საქართველოს მოქალაქეს, მიუხედავად იმისა, რომ ეს აკრძალვა თავად ამ გაუცნობიერებელ ხალხს აზარალებს.

კონსტიტუციაში ჩანაწერის გაკეთებით კმაყოფილები არიან "ქართული ოცნება", "პატრიოტთა ალიანსი", კონსერვატიული პოლიტიკური ძალების უმეტესობა და მოსახლეობის დიდი ნაწილი.

თუმცა კონსერვატორ პოლიტიკოსებს შორის სწორედ "გამონაკლისის წესის" გაჩენის გამო უკმაყოფილოა "დემოკრატიული მოძრაობის" წევრი გიორგი ახვლედიანი, რომელიც აცხადებს: პირველი - არა მარტო სასოფლო-სამეურნეო, არამედ ყველანაირი სტატუსის მიწის გასხვისება უნდა აიკრძალოს, მეორე - სასოფლო-სამეურნეო სტატუსის მქონე მიწაზე ნებისმიერი გამონაკლისის დაშვება მიუღებელია, მესამე - გამონაკლისის წესი უნდა დადგინდეს მხოლოდ იმ შემთხვევაში, თუ ეს ეხება სასტუმროს ან საელჩოს ტერიტორიას, საცხოვრებელი სახლისთვის საჭირო მიწაც კი არ უნდა გაიყიდოს უცხოელზე, რადგან
მიაჩნია, რომ ასე არაბული და ინდური დასახლებების "საფრთხე" არსებობს.

ცნობისათვის, პარასკევს პარლამენტმა უცხო ქვეყნის მოქალაქეების მიერ სასოფლო-სამეურნეო მიწის ყიდვაზე მორატორიუმი გამოაცხადა, სანამ მიწის უცხოელებისთვის მიყიდვა კონსტიტუციით აიკრძალება, სავარაუდოდ, წლის ბოლომდე, რადგან "ოცნების" გეგმაა, რომ შემოდგომაზე ახალი კონსტიტუცია უნდა მიიღონ.

საგულისხმოა ისიც, რომ "ოცნებამ" მიწის უცხოელებისთვის მიყიდვაზე მორატორიუმი 2013 წელსაც გამოაცხადა, რომელიც 2014 წელს საკონსტიტუციო სასამართლომ არაკონსტიტუციურად ცნო, თუმცა, ამის მიუხედავად, არაკონსტიტუციურად მიჩნეული ღონისძიება "ოცნებამ" ხელახლა ისევ გამოიყენა. ა/ო "საერთაშორისო გამჭვირვალობა - საქართველო" მორატორიუმს არაკონსტიტუციურად აფასებს.

"ქართული ოცნების" წევრ ზაზა გაბუნიას არ მიაჩნია, რომ ეს არაკონსტიტუციურია. "ჩვენ ვართ ქვეყნის პოლიტიკური ხელმძღვანელობა და არა საკონსტიტუციო სასამართლო და ჩვენ ვიღებთ ამ გადაწყვეტილებას", - აღნიშნავს გაბუნია, რომლის თქმითაც, მორატორიუმი საჭირო იყო, რადგან როგორც კი საინფორმცაიო სივრცეში დისკუსია გაჩნდა მიწის თემაზე, უცხოელებმა ფორსირებულად და სწრაფად დაიწყეს მიწის ყიდვა და ამ დინამიკაზე ინფორმაცია მათ ეკონომიკის სამინისტროდან აქვთ.

"ამით ჩვენ ვაზღვევთ დროს, რომელიც საკონსტიტუციო ცვლილებამდე. შემდეგ უკვე კონსტიტუცია დაარეგულირებს", - აღნიშნავს გაბუნია.

მისი თქმით, სულ რამდენი ჰექტარი სასოფლო-სამეურნეო მიწაა კერძო საკუთრება და მათგან კონკრეტულად რამდენ პოცენტს ფლობს უცხო ქვეყნის მოქალაქე, ამის შესახებ ზუსტი ინფორმაცია არ აქვს, მაგრამ დარწმუნებულია, რომ ეს რიცხვი დიდია.

"ნაციონალური მოძრაობის" დროს მარტო ერთ შემთხვევაში 51 მილიონი კვ/მ ნაყოფიერი მიწაა გაყიდული და 1 კვ/მ სულ რაღაც 10 თეთრად. ასეთი ბევრია. მე ამაზე ინფორმაციის მოწოდება შემიძლია. საერთო ჯამში, რამდენია გაყიდული, ამას დაზუსტება სჭირდება. რაც მოგიყვანეთ, ეს ძალიან კარგი მაგალითია. ის დინამიკაც, რაც ვახსენე, მოწმობს იმაზე, რომ ახალი რეგულაციები საჭირო იყო", - ამბობს გაბუნია.

გაბუნიას განცხადებით, "შეძლებული ქვეყნის კორპორაციის წარმომადგენლისათვის ქართული მიწა იაფია და ის დაინტერესებულია, მიწა იყიდოს", ამიტომაც კონსტიტუციით ამ "მილევადი" და "მნიშვნელოვანი რესურსის" უცხოელებზე მიყიდვის აკრძალვა მისაღებია და ასეთი რამ ევროპული ქვეყნების ბევრ კონსტიტუციაშიცაა.

ამბობს, რომ "თვით ლიბერალური ეკონომიკის ქვეყნებშიც" მიღებული ნორმაა, როდესაც საკუთრების უფლება იზღუდება გარკვეულ შემთხვევაში. მაგალითად, ბრიტანეთში მიწას უცხოელი ვერ იყიდის.

მისი თქმით, კონსტიტუციაში ჩანაწერის ფორმულირება ჯერ ისევ შესათანხმებელია, მაგრამ ზოგადი ფორმულირება იქნება, რომ მიწა არის სახელმწიფოს და საქართველოს მოქალაქის საკუთრება.

"კონსტიტუციაში არსებობს მხოლოდ პრინციპული, დეკლარაციული ხასიათის ნორმები. საკითხის დეტალიზება ორგანული კანონის თემაა, სადაც აღვნიშნავთ გარკვეულ გამონაკლისებსაც.

"დღეს არ შემიძლია გითხრათ, რა ტიპის გამონაკლისები იქნება, მაგრამ მთავარი არის ის, რომ მცირემიწიანი, მაგრამ აგრარული საქართველოს ეს პოტენციალი დავაზღვიოთ განიავებისგან და ამავე დროს მიწამ არ დაკარგოს ეკონომიკური მიმზიდველობა, რისთვისაც რაღაც ტიპის ფორმულირებები იქნება კანონში განსაზღვრული.

"მთავარია, რომ უსაფუძვლო შიში, რაც ზოგიერთმა დაინტერესებულმა ჯგუფმა ხელოვნურად გააჩინა, თითქოს ჩვენ გავასხვისებთ მიწას და ამით სპეკულაცია დასრულდება", - ამბობს გაბუნია და დასძენს, რომ ეს ჩანაწერი კონსტიტუციაში იყო მოსახლეობის მოთხოვნა და მათთვის "მთავარია ხალხის აზრი".

ეკატერინე ბასილაია
გაზეთი "რეზონანსი"

კომენტარები (6)
23.06.2017
რეზი
ქართული მიწა ქართველ ხალხს ეკუთვნის უნდა აიგრძალოს უცხოელების შემოყვანა საქართველოში. და ვისაც მოქალაქეობა აქვთ მიგებული უნდა შეუჩერდეთ დაახვიონ ყველამ საქართველოდან,
20.06.2017
ორმაგი სტანდარტოლოგია
ჯერ აქ უცხოტომელთა მასიურად ჩამოსახლება უნდა მოვიგერიოთ და აღვკვეთოთ და შემდეგ თუ ვინმეს თავში აზრად მოუვა ამ კანონში გარკვეული ხვრელების გაჩენა სამაგალითოდ უნდა დაისაჯოს, ეს იმას ნიშნავს რომ პოპულისტური ნაბიჯების უკან რეალური ქმედითი კანონები და რეგულაციები უნდა იყოს და არა ცრუ დაპირებები და ფარატინა ფურცლებზე დაწერილი კანონები...
მსგავსი სიახლეები
რძის პროდუქტების მწარმოებელი კომპანია "მილკო ფუდი" შესაძლოა გაიყიდოს.
გერმანულმა პრემიუმ ავტომწარმოებელმა კომპანიამ, Mercedes-Benz-მა მდიდრული ავტომობილების გაყიდვებში საკუთარი უპირატესობა მის უშუალო კონკურენტებზე კიდევ უფრო გაზარდა.
თბილისში კერძო სახლების მშენებლობა სულ უფრო პოპულარული ხდება.
ეკონომიკისა და მდგრადი განვითარების სამინისტროს პროგრამის „აწარმოე საქართველოში“ ფარგლებში ტყიბულის რაიონში, სოფელ გელათში, ქვის გადამამუშავებელი საწარმო აშენდება, სადაც  სამშენებლო და მოსაპირკეთებელი ქვის დამუშავება და მოჩუქურთმება თანამედროვე ტექნოლოგიების გამოყენებით მოხდება.
სახელმწიფო ქონების ეროვნულმა სააგენტომ ელექტრონულ აუქციონზე გასაყიდად გამოიტანა  ქალაქ თბილისში, გურამიშვილის გამზირზე 74ა-ში მდებარე 986 კვ.მ არასასოფლო-სამეურნეო დანიშნულების მიწის ნაკვეთი და მასზე განთავსებული შენობა-ნაგებობა (საკადასტრო კოდი:  01.12.01.002.014). უძრავი ქონების საწყისი ფასი – 251 000 ლარი.
შინაგან საქმეთა სამინისტროს საინფორმაციო-ანალიტიკური დეპარტამენტი საქართველოში თავშესაფრის მაძიებელ პირთა სტატისტიკურ მონაცემებს აქვეყნებს. სტატისტიკა 2017 წლის 31 აგვისტომდე პერიოდს მოიცავს.
შვეიცარულ-ქართული კომპანია „ბლაუნშტაინ საქართველო“ რაჭის რეგიონში ადგილობრივ ფერმერებთან თანამშრომლობას აგრძელებს.
როგორც ღვინის მარკეტოლოგები ამბობენ, ინფორმაცია, რომელიც ღვინოს, მის თვისებებს, წარმოების ადგილსა და, ზოგადად, ნაწარმის დადებით მხარეებს მოიცავს, ზედმიწევნით დეტალურ შესწავლას საჭიროებს.
სახელმწიფო ქონების ეროვნულმა სააგენტომ ელექტრონულ აუქციონზე გასაყიდად გამოიტანა ქალაქ თბილისში, საქართველოს სამხედრო გზასა და გლდანში გადასახვევი გზის გადაკვეთასთან მდებარე 784 კვ.მ.
ბევრ ინვესტორს აქვს სურვილი, რომ ,,საქართველოს რკინიგზის" აქციებზეც ჰქონდეს წვდომა, მაგრამ ეს საკითხი მოკლევადიან პერსპექტივას ნამდვილად არ ეხება, - ამის შესახებ ,,საქართველოს რკინიგზის" გენერალურმა დირექტორმა მამუკა ბახტაძემ განაცხადა.
რუბრიკის სხვა სიახლეები
20.10.2017
საქართველოს Apple-ის ტრენერები ეწვივნენ. ტექნოპარკში Apple-ისა და iTechnic-ის პარტნიორობით გაიმართა საგანმანათლებლო პროექტის პრეზენტაცია, რომელსაც წამყვანი კერძო სკოლის დირექტორები და მოწვეული სტუმრები ესწრებოდნენ. პრეზენტაციაზე ახალ ტექნოლოგიებსა და მათ განათლების სფეროში გამოყენების შესაძლებობებზე ისაუბრეს.
სრულად
20.10.2017
სოფლის მეურნეობის მინისტრი ლევან დავითაშვილი საერთაშორისო დონორი ორგანიზაციების წარმომადგენლებს შეხვდა. მინისტრმა შეხვედრის მონაწილეებს აზიურ ფაროსანასთან ბრძოლის წინააღმდეგ უკვე გატარებული ღონისძიებები და სამომავლო, 2018 წლის სტრატეგია გააცნო.
სრულად
20.10.2017
კახეთში, სასტუმროში „სავანეთი“, სახელმწიფო შესყიდვების სააგენტოს ხელმძღვანელობა საჯარო შესყიდვებით დაინტერესებულ მცირე და საშუალო ბიზნესის, ადგილობრივი შემსყიდველი ორგანიზაციებისა და არასამთავრობო ორგანიზაციების წარმომადგენლებს შეხვდა
სრულად
20.10.2017
დღეს, ლვოვის საერთაშორისო გამოფენაზე აჭარის ტურიზმის დეპარტამენტის წარმომადგენლებმა ტურსააგენტოების, ავიაკომპანიის წარმომადგენლებისა და ვიზიტორებისთვის პრეზენტაცია გამართეს, სადაც აჭარის ტურისტული პროდუქტების შესახებ ისაუბრეს.
სრულად
20.10.2017
1-ელი ივნისიდან 1-ელ ოქტომბრამდე პერიოდში 10 319 998 ლარის ოდენობის მთლიანი შემოწირულობის 93% “ქართულმა ოცნებამ” მიიღო, რაც 12-ჯერ მეტია დანარჩენი 14 კვალიფიციური სუბიექტის მიერ ჯამურად მიღებულ თანხაზე
სრულად
TOP
რეკომენდებული
მნიშვნელოვანი
ოფიციალური კურსი
კონვერტორი
19.10.2017
20.10.2017
USD
1
USD
2.4844
2.4863
EUR
1
EUR
2.9204
2.9405
GBP
1
GBP
3.2752
3.2725
RUB
100
RUB
4.3347
4.3181
ეს არჩევანი ერთად უნდა გავაკეთოთ!
წარმოდგენილი სიიდან, მონიშნეთ თქვენთვის სასურველი 5 ღვინის სახეობა.
გამოკითხვის დასრულების შემდეგ, უმრავლესობის მიერ დასახელებული ღვინოებიდან გამოვლინდება 10 საუკეთესო.
შენ ხარ

14672-ე