ეროვნული ბანკი საკოლექციო დანიშნულების მონეტის დიზაინზე კონკურსს აცხადებს

საქართველოს ეროვნული ბანკი საკოლექციო დანიშნულების მონეტის დიზაინზე კონკურსს აცხადებს. როგორც ”ინტერპრესნიუსს” ეროვნული ბანკიდან აცნობეს, კონკურსის პირობები განთავსებულია საქართველოს ეროვნული ბანკის ოფიციალურ ვებგვერდზე.

”2018 წელს, ფრანკფურტის წიგნის საერთაშორისო ბაზრობაზე, საქართველო საპატიო სტუმრის სტატუსით წარსდგება. ამ უმნიშვნელოვანეს ღონისძიებაზე ჩვენი ქვეყნის მიზანია გააცნოს მსოფლიოს ქართული ლიტერატურისა და კულტურის საერთაშორისო მნიშვნელობა და აქტუალობა.

აღნიშნულთან დაკავშირებით საქართველოს ეროვნულმა ბანკმა გადაწყვიტა, გამოეხმაუროს ქვეყნისათვის ამ მეტად მნიშვნელოვან მოვლენას და ქართული წიგნის თემაზე საკოლექციო დანიშნულების 5 ლარის ნომინალის მონეტა გამოუშვას”, - აცხადებენ ეროვნულ ბანკში.