„ქსელური მარკეტინგიული კომპანიები სამომავლოდ შესაძლოა, გარკვეული რეგულაციების ქვეშ მოექცნენ“, - ამის შესახებ, რადიო „პალიტრას“ გადაცემაში „საქმე“ ეროვნული ბანკის ვიცე-პრეზიდენტმა მურთაზ კიკორიამ განაცხადა.
მისივე თქმით, მთავრობაში ამ მიმართულებით მუშაობა უკვე მიმდინარეობს.
„ქსელური მარკეტინგით მოქმედ კომპანიებთან დაკავშირებით მთავრობაში ცალკე მუშაობა მიდის. კანონში შესატან ცვლილებებზე ჩვენ მოსაზრებები შეთავაზებული გვაქვს და ამ მიმართულებით, მუშაობა ინტენსიურად მიმდინარეობს. შესაბამისად, იმედი მაქვს, კონკრეტული წინადადებები ძალიან მალე გვექნება,“-აღნიშნა კიკორიამ.
