დიპლომიანი მებაღე მე-5 სართულიდან
დიპლომიანი მებაღე მე-5 სართულიდან
19 იანვარი / 2016
ვინ იცის, რამდენ მებაღესთან, მეყვავილესა თუ დეკორატორთან­ მისაუბრია, მაგრამ ისეთი რესპო­ნდენტი ჯერ არ მყოლია , რომელსაც მცენარეებისა და ბუნების განსაკუთრებული სიყვარულის გამო, ძირითადი პროფესიის პარალელურად, მებაღეობის დასაუფლებლად, სწავლა სპეციალურ სასწავლებელში დაეწყოს.
ჟურნა­ლისტმა თამარ ხონელიძემ­ თა­ვის ორ დიპლომს (უცხო ენების სპეციალისტისა და არქიტექტორის) მესამეც მიუმატა, - საპატრიარქოს დეკორატიული მებაღეობის კოლეჯში საფუძვლიანად შეისწავლა ეს დარგი და უკვე დიპლომიანი მებაღე-დეკორატორიც გახლავთ.

თამარ ხონელიძე: - ქვეყანა, სადაც ასეთი კარგი ბუნებრივი პირობებია, რატომ არ უნდა იყოს ბაღნარი?! გაიხედ-გამოიხედავ და გული დაგწყდება, ირგვლივ უამრავი მიტოვებული მიწის ნაკვეთია.
ჩემმა მეუღლემ, პროფესიით აგრონომმა, 7 წლის წინ ნატახტარში მიწის ნაკვეთი შეიძინა. აფხაზეთიდან დევნილმა ყველაფერი დაკარგა და ერთ დღესაც გადაწყვიტა, - ნატახტარში დავსახლდები, რომ ჩემს შთამომავალს მამაპაპისეული ფუძე ჰქონდესო. მიუხედავად იმისა, რომ ნატახტარში მართლა კარაქივით მიწაა, იქაურთა უმეტესობა მწვანილს მაღაზიაში ყიდულობს, რაც ძალიან მიკვირს.

ჩვენ უკვე 5 წლის ბაღი გვაქვს, სადაც 120 ძირი, ძირითადად ხეხილოვანი კულტურაა დარგული. დეკორატიული ბაღი ვერ გავაშენე, ჯერჯერობით მხოლოდ ბანკს ვქმნი - რა მცენარეც მომეწონება, მიმაქვს და ნაკვეთში ვრგავ. როცა ბაღის კონცეფცია მექნება, უკვე ადაპტირებულ მცენარეებს გავაშენებ.
პატარა სახლი ავაშენეთ ეკოლოგიურად სუფთა მასალითა და ტექნოლოგიით - გვაქვს ავტონომიური მზის გათბობა, ჭა, ბუხა­რი, რომ სხვაზე არ ვიყოთ დამოკიდებული.­ შაბათ-კვირას სულ იქ ვართ და სულიერად ვისვენებ, მიწასთან ურთიერთობა­ მამშვიდებს.

- თბილისში, მრავალსართულიანი კორპუსის­ მეხუთე სართულზე მცენარეებით ლამაზად გაქვთ აივანი გაფორმებული.

- ყვავილებით გატაცება 15 წლის წინ დამეწყო. ნუცუბიძის პლატოზე ვცხოვრობ, საიდანაც თბილისი ჩანს გაშლილ ვიტრაჟში­ და წელიწადის დროთა ცვალებადობა ბინის ინტერიერს ფონს უქმნის. ჩუქურთმებიანი აივანი მაქვს, რკინა მთლიანად მოვხსენით. ძველი თბილისი შემოვიარეთ, ლამაზ, ძველქართულ აივნებს ფოტოებს ვუღებდით ნიმუშის შესარჩევად. კორპუსისთვის ამგვარი ელემენტი ცოტა უცხო კი იყო, მაგრამ მაინც ვცადეთ მისადაგება. როცა ლამაზი აივანი გაქვს, მერე იქ განსაკუთრებული ყვავილებიც მოგინდება. სამწუხაროდ, თბილისში აივნების გაფორმება ჯერჯერობით დაბალ დონეზეა...

- ია ბევრი გაქვთ?

- კი, უზამბარულმა (ოთახის) იებმა თავიდანვე ძალიან გამიტაცა. ჩემთან ერთხელ სამოცდაათი სხვადასხვა ფერის ია ყვაოდა, საოცარი სილამაზე იყო... მერე აივანს ვარდები დავამატე, მოაჯირებზე კი პეტუნიები გადმოვკიდე. იმ დროს აივნების ტელეკონკურსი გამოცხადდა,
You must have Flash Player installed in order to see this player.
ჩემმა რძალმა აივნის ფოტო საკო­ნკურსოდ ჩემგან დამოუკიდებლად ატვირთა. ერთ დღეს კი შინ კომპეტენტური ჟიური­ მეწვია. აივანი მოეწონათ, საბოლოოდ კი ხუთეულში მოვხვდი... კონკურსი ბევრისთვის აღმოჩნდა სტიმულის მომცემი. მთავარი ის იყო, რომ მცირე ფართობში მქონდა გაკეთებული ბაღი. თუ კაცი მოინდომებს,­ 6 კვადრატულშიც შეიძლება სამოთხე შეიქმნას.

ჯერ კიდევ არქიტექტორად მუშაობისას, როცა ჩვენი ქალაქის ისტორიულ ნაწილში მუშაობა მიწევდა, მივხვდი, რომ თბილისის ულამაზეს ჩუქურთმებიან აივ­ნებს აკლდა ის ელემენტი, რაც უცხოეთში უხვად არის - აივანზე გადმოკიდებული ყვავილები. ეს ცოდნა ჩემი აივნის მოწყობისას დამეხმარა.

გადავწყვიტე, მოყვარულის დონეზე კი არა, პროფესიონალურად მოვკიდებოდი საქმეს­ და დავიწყე ძიება, სად შეიძლებოდა­ ამის სწავლა. მივაგენი საპატრიარქოს დეკორატიული მებაღეობის კოლეჯს, მივედი დედა თეკლესთან (დირექტორის მოადგილე) და ავუხსენი, რა მინდოდა. ძალიან გაუხარდა. კოლეჯში გასაუბრებით მიმიღეს, სადაც საუკეთესო სპეციალისტები საფუძვლიანად მასწავლიდნენ...

უკვე კერძო შეკვეთები მაქვს, ვერანდები, რამ­დ­­ენიმე რესტორნის ინტერიერი და ექსტერიერიც გავაფორმე, შექმნილი მაქვს არაერთი პროექტი. მებაღე-დეკორატორობა ჩემს ძირითად საქმიანობაში ხელს არ მიშლის, ეს დამატებითი შემოსავლის წყაროა. "ფეისბუკში" მაქვს გვერდი - "მწვანე სახლი", სადაც მცენარეების შესახებ ინფორმაციას ვათავსებ. ათასობით ყვავილს შევუქმენი პასპორტი, იქ ყველაფერი წერია მისი წარმოშობისა და განვითარების პირობების შესახებ. ეს იდეა "ყვავილნარის"­ ჯგუფმა განაპირობა, სადაც დღესაც ვარ გაწევრებული.

- მებაღე რომ გახდე, რა არის საჭირო?
- მებაღეობისთვის არ კმარა კარგად ხაზვა, კარგი ფანტაზიის უნარი თუ ფერთა შეხამების ცოდნა. თუ მცენარე არ იცი, შორს ვერ წახვალ, პროდუქტს, ანუ ლამაზ ბაღს ვერ შექმნი, თანაც, ბალახიდან დაწყებული გიგანტური ხით დასრულებული - სკრუპულოზურად უნდა იცოდე ყველაფერი, რა საარსებო გარემო და პირობები სჭირდება თითოეულს...

- აივანზე ახლა ყინვაგამძლე მცენარეები გაქვთ?
- დროთა განმავლობაში გემოვნება მეცვლებოდა, მრავალგვარი მცენარე მომიშენებია. ახლა რატომღაც ბალბები, პეტუნიები მიზიდავს. ეს უკანასკნელი თბილისში კარგად ხარობს. ბალბა სხვადასხვა ჯიშის მაქვს, ეს მცენარე მწერებისგან თავდაცვის კარგი საშუალებაა. თუ ის აივანზე დგას, ოთახში ბუზი, კოღო არ შეგაწუხებს. ყინვასაც უძლებს, თუმცა, როცა დიდი ყინვებია, შინ შემომაქვს.

ადამიანს ღმერთი მხოლოდ არსებობისთვის არ მოავლენს, ყველას თავისი მისია აქვს და ბედნიერია, ვინც იპოვის, რისთვის­ მოვიდა ქვეყნად. როცა მიზანს იპოვი, აუცილებლად აიხდენ გულისწადილს. მე ჩემი ინტერესები, გემოვნება, ცოდნა და გამოცდილება შევუხამე ერთმანეთს.

ლალი ფაცია
წყარო: გაზეთი "კვირის პალიტრა"
კომენტარები (1)
29.01.2016
მარინოლა
ვაღმერთებ ასეთ ადამიანებს,კარგი იქნება ბევრი მიმბაძველი გამოუჩნდეთ. გულწრფელად ვიტყვი ასეთ რამეზე ხშირად მიფიქრია, მაგრამ ბევრი რამ მაშინებს, მაგალითად თბილისში აივანზე ძლიერი ქარისგან ცჩენარის დაცვა, სოფელში- ყინვისაგან და ა. შ. მადლობა ატატიის ავტორს! ეგებ უფრო ხშირად დაიწეროს მსგავს თემაზე...
მსგავსი სიახლეები
თბილისის საჯარო ბაღებში, ბოლო მონაცემებით, 11 000-ზე მეტი აღსაზრდელია რეგისტრირებული, - ამის შესახებ თბილისის მერია იუწყება.
თბილისის საჯარო საბავშვო ბაგა-ბაღებში რეგისტრაციის მეორე ეტაპი დღეს, 13:00 საათზე დაიწყება.
თბილისის საჯარო საბავშვო ბაგა-ბაღებში რეგისტრაციის მეორე ეტაპი ხვალ, 13:00 საათზე დაიწყება. ელექტრონულად დარეგისტრირდებიან იმ ოჯახების ბავშვები, რომლებიც პირველ ეტაპზე დასარეგისტრირებელთა კატეგორიებში არ შედიან.
ქალაქ ოზურგეთში, ნიკოლაძის ქუჩაზე, N4 საბავშვო ბაღის სარეაბილიტაციო სამუშაოები დაიწყო.
დეკორატიული მცენარეების სანერგე ”გარდენია შევარდნაძეს” ტერიტორიაზე შესვლა ფასიანი გახდა.
საქართველოს ეროვნულ ბოტანიკურ ბაღში, 23 ივნისს, ექსტრემალური ტურისტული სერვისი - „ნარიყალა ზიპლაინი“ (zip line) გაიხსნება.
თბილისის საბავშვო ბაგა-ბაღების მართვის სააგენტოს ინიციატივითა და თბილისის მთავრობის გადაწყვეტილებით, დედაქალაქს ივლისში 40 საზაფხულო ბაღი მოემსახურება.
თბილისის საბავშვო ბაგა-ბაღების მართვის სააგენტოს ინიციატივითა და თბილისის მთავრობის გადაწყვეტილებით, დედაქალაქს ივლისის თვეში 40 საზაფხულო ბაღი მოემსახურება.
ბოლო წლებში ქარელის რაი­ო­ნის ორ სოფელში­ - აფნისსა და ახალსოფელში, თანამედროვე ევროპული ტექნოლოგიით გაშენებული ბლისა და ვაშლის ბაღები გაჩნდა.
პროექტის ”დანერგე მომავალი“ ფარგლებში, წყალტუბოს რაიონის სოფელ მუხიანში შპს ”მნკ ჯგუფმა“ მაყვლის ბაღი გააშენა.
რუბრიკის სხვა სიახლეები
21.07.2017
გიფრენიათ ოდესმე თვითმფრინავით, რომელსაც ქალი პილოტი მართავდა? ალბათობა იმისა, რომ ოდესმე ქალის პილოტაჟის პირობებში გიმგზავრიათ, მართლაც დაბალია, რადგან დღეს მსოფლიოს ავიატორებში მხოლოდ 5%-ია ქალი.
სრულად
06.07.2017
თბილისში, ორთაჭალაში ექვსი წლის ნანუკა მეზვრიშვილს ყველა იცნობს.
სრულად
05.07.2017
28 წლის ლია პალაგაშვილი გავლენიანმა ჟურნალმა “ფორბსმა” გასულ წელს 30 წლამდე ამომავალ ვარსკვლავებს შორის დაასახელა.
სრულად
TOP
რეკომენდებული
მნიშვნელოვანი
ოფიციალური კურსი
კონვერტორი
22.07.2017
23.07.2017
USD
1
USD
2.3983
2.3983
EUR
1
EUR
2.7923
2.7923
GBP
1
GBP
3.1183
3.1183
RUB
100
RUB
4.0713
4.0713