21-ე საუკუნის კონცეპტუალური კარეტა
21-ე საუკუნის კონცეპტუალური კარეტა
3 აგვისტო / 2017
ავტომწარმოებლები დღეს ინტენსიურად მუშაობენ ელექტრომობილებსა და ავტონომიურ ავტომობილებზე და ცდილობენ , რაც შეიძლება მკვეთრად შეამცირონ გარემოზე უარყოფითი ზემოქმედება და მაქსიმალურად დაიცვან მგზავრების და ფეხმავლების უსაფრთხოება. ამისათვის მათ ბევრი ისეთი სიახლის დანერგვაზე ფიქრი უწევთ, რომლებსაც ამ ეტაპზე, ძნელად თუ წარმოიდგენს ადამიანი.

ინჟინრების მიერ მოფიქრებულ უამრავ საინტერესო კონცეფციათაგან, წარმოებამდე ბევრი ვერ მიაღწევს, რადგან ბევრი სუბიექტური და ობიექტური გარემოება შეუშლის ხელს. ერთ-ერთი ასეთი კონცეფციათაგანია დიზაინის იტალიურ ატელიე „კამალის“ (CAMAL) მიერ შემუშავებული, სამბორბლიანი კონცეპტუალური კარეტა-ვაგონი „ვივა“ (Viva). თქმა არ უნდა, მის სერიულ წარმოებას არავინ დაიწყებს, თუმცა მასში საინტერესო იდეებიც არის წარმოდგენილი, რომლებიც შესაძლოა როდესმე სერიულ ავტომობილებზეც ვიხილოთ.
„ვივას“ სიგრძე 7 მეტრს აღწევს (ლიმუზინ მერსედეს-მაიბახ პულმანზე გრძელია), სიგანე კი 2.5 მეტრია. მას წაგრძელებული ფორმა აქვს, რაც შემხვედრი ჰაერისადმი მინიმალურ წინააღმდეგობას უზრუნველყოფს. ის რაღაცით ბობსლეის ბობსაც მოგაგონებთ და ბორბლებიან ცეპელინსაც. სალონში მხოლოდ ოთხი სავარძელი განლაგდა.

სამი ბორბალი ვახსენეთ, თუმცა ასეც არაა. CAMAL-ის დიზაინერებმა უკან ორი ბორბლის ნაცვლად, ერთი სფერო „დააყენეს“, დაახლოებით ისეთი, როგორიც „გუდიარის“ კონცეპტუალური სფერო-ბორბალია. ამერიკული კომპანიის კონცეფციის
შესაბამისად, ასეთი ბორბალი მაგნიტურ ლევიტაციას „ეყრდნობა“ და საუკეთესო მანევრულობას უზრუნველყოფს. მასშივეა ინტეგრირებული საკიდარიც. „ვივას“ წინ ტრადიციული ორი ბორბალი აქვს.

CAMAL-ის კონცეპტი იმითაც არის საინტერესო, რომ ის გამწევ ძალად ცხენების გამოყენებასაც კი ითვალისწინებს. ყოველდღიური მოხმარებისას, „ვივას“ გამწევი ძალა სწორედ ადამიანის ძველი მეგობარი იქნება, მისი დაღლის შემთხვევაში კი მანქანის მოძრაობას ელექტრო ძრავები უზრუნველყოფს. მართვა, რა თქმა უნდა, ავტონომიურია.
CAMAL-ის დიზაინერებს ინტერიერთან დაკავშირებით, მარტივი გადაწყვეტა აქვთ არჩეული - სალონში სავარძლები ერთმანეთის საპირისპირო, ე. წ. კონფერენც სტილში განლაგდა. რაც მთავარია, სალონში მინიმალიზმი მეფობს. როგორც ჩანს, პროექტის ავტორებმა ყველაფერი ციფრულ და სენსორულ ტექნოლოგიებს მიანდეს.

რა თქმა უნდა, „ვივას“ სერიული წარმოების შანსი არ არსებობს, თუმცა მისი შემუშავებით, CAMAL-ის დიზაინერებმა საკუთარი უსაზღვრო კრეატიულობა გამოავლინეს...
კომენტარები (0)
კომენტარები არ გაკეთებულა
მსგავსი სიახლეები
21-ე საუკუნეში ციფრული მარკეტინგი რეკლამირების ყველაზე ეფექტური და მიღებული მიმართულებაა. ციფრულ მარკეტინგს ტრადიციულ მეთოდებთან შედარებით ბევრად უფრო დიდი შედეგის მოტანა შეუძლია.
თბილისში ტაქსტების ტარიფმა ისევ მოიმატა. მართალია, ზოგიერთ კომპანიაში ამას არ ადასტურებენ, მაგრამ ზოგ მათგანში არათუ ადასტურებენ, არამედ არც იმას გამორიცხავენ, რომ უახლოეს მომავალში ფასები კიდევ უფრო გაიზარდოს.
ჟურნალი Rolling Stone, რომელიც არსებობის 50 წელს ითვლის, იყიდება. 
ახალ შესაძლებლობებს ახალი საფრთხეები ყოველთვის თან ახლავს და არც ინფორმაციული ტექნოლოგიებია გამონაკლისი.
”თიბისი ბანკისა” და ”ჯეოსელის” ერთობლივ პროექტში „ბიზნესდაჯილდოება 2017“ მონაწილე კომპანიების რეგისტრაცია დასრულდა.
კომპანია ShiftWear-მა სრულიად ინოვაციური სპორტული ფეხსაცმელი წარმოადგინა, რომლის დიზაინის შექმნა მომხმარებელს თავად შეუძლია იმდენჯერ, რამდენჯერაც ამის სურვილი ექნება.
სოციალურმა ქსელმა Facebook ვიდეოს ყურების ახალი პლატფორმა - Watch-ის ჩაშვების შესახებ განაცხადა.
მიმდინარე წელს Apple თავისი პოპულარული სმარტვოჩის ახალი ვერსიის გამოშვებას გეგმავს, რომელიც პირდაპირ დაუკავშირდება ფიჭურ ქსელს.
სახელმწიფოები და წამყვანი პოლიტიკოსები ერთმანეთს ქვეყნის გამწვანებაში ეჯიბრებიან.
თბილისში ავტობუსების გადაადგილების დროის მაჩვენებელი ტაბლოები უკვე რამდენიმე დღეა არ ფუნქციონირებს, რის მიზეზადაც თბილისის სატრანსპორტო კომპანია სერვერის მასშტაბურ დაზიანებას ასახელებს
რუბრიკის სხვა სიახლეები
18.10.2017
კომპანია Apple-ის სმარტფონებში ახალი მოდელი უფრო ნაკლებად პოპულარულია, ვიდრე მისი წინამორბედი.
სრულად
18.10.2017
"პალიტრა მედიის“ ორგანიზებით, ვორკშოპი თემაზე „ციფრული რეკლამირების ინოვაციური მეთოდები“ გაიმართება.
სრულად
13.10.2017
2018 წელს „ფეისბუქი“ ვირტუალური რეალობის სლემს, სახელწოდებით Oculus Go წარმოადგენს.
სრულად
08.10.2017
„ტესლას“ და SpaceX-ის დამფუძნებელი ილონ მასკი ცნობილია თავისი ინოვაციური იდეებით.
სრულად
03.10.2017
მომავალში ტოკიოდან ლონდონამდე მატარებლით ჩასვლა იქნება შესაძლებელი.
სრულად
TOP
რეკომენდებული
მნიშვნელოვანი
ოფიციალური კურსი
კონვერტორი
18.10.2017
19.10.2017
USD
1
USD
2.4839
2.4844
EUR
1
EUR
2.9223
2.9204
GBP
1
GBP
3.2842
3.2752
RUB
100
RUB
4.3318
4.3347
ეს არჩევანი ერთად უნდა გავაკეთოთ!
წარმოდგენილი სიიდან, მონიშნეთ თქვენთვის სასურველი 5 ღვინის სახეობა.
გამოკითხვის დასრულების შემდეგ, უმრავლესობის მიერ დასახელებული ღვინოებიდან გამოვლინდება 10 საუკეთესო.
შენ ხარ

13372-ე