სპილბერგისეული ფუფუნების 10 გზა - როგორ გამოიმუშავებს და ხარჯავს მილიონებს რეჟისორი
სტივენ სპილბერგი მოზარდი იყო, როდესაც მოკლემეტრაჟიანი ფილმების შექმნა დაიწყო. მისი პირველი ფილმი - Firelight მცირე მასშტაბიან, ადგილობრივ კინოთეატრში აჩვენეს, რა დროსაც იგი Universal Studios-ში ანაზღაურებად სტაჟიორად მუშაობდა. სწორედ აღნიშნულ სტუდიაში ისწავლა სპილბერგმა მონტაჟი და რეჟისურა.
1975 წელს ახალგაზრდა რეჟისორმა გადაიღო პირველი ბლოკბასტერი საზაფხულო ფილმი კლასიკური "ყბები". მას მიღებული აქვს 3 ოსკარი და რამდენიმე მნიშვნელოვანი ჯილდო.
სტივენ სპილბერგმა მისი კარიერის დამსახურებით დიდი სიმდიდრე გამოიმუშავა. თუმცა ასევე დიდი ქონება დახარჯა მდიდრულ სახლებსა და ქველმოქმედებაში. საინტერესოა, როგორ გამოიმუშავებს და რაში ხარჯავს ლეგენდარული კინოინდუსტრიის წარმომადგენელი მილიონებს?
სტივენ სპილბერგი, მისი დირექტორობით გადაღებული ფილმების ვრცელ პორტფელს ფლობს. მან წარმატებას მრავალ ფილმში მიაღწია, მათ შორის ET, Twilight Zone: The Movie, The Color Purple, Schindler's List, Minority Report, Catch Me If You Can, და მრავალი სხვა.
Cheat Sheet-ის მიხედვით, სპილბერგი ფილმის გადაღებამდე, წინასწარ პროდიუსერის მთავარი მოგების გარდა, ხელფასის სახით 10 მილიონ დოლარს იღებს.
სპილბერგის პროდიუსინგით წარმოებულმა ფილმებმა 10 მილიარდ დოლარზე მეტი გამოიმუშავა, რაც მას ჰოლივუდის ყველაზე შემოსავლიან კინორეჟისორად/რეჟისორად აქცევს. როგორც DreamWorks Pictures-ის თანადამფუძნებელმა, პირადი ბიუჯეტისთვის მან მილიონები შეაგროვა. 1993 წელს, მხოლოდ Jurassic Park-მა მას 250 მილიონი მოუტანა. ხოლო შემდგომი გაგრძელებიდან 150 მილიონი დოლარი.
სპილბერგი მართავს წარმატებულ ბიზნეს იმპერიას და ასევე გახდა Universal Pictures International-ის კონსულტანტი იაპონიაში, ფლორიდაში და ჰოლივუდში. თავისი იდეებისა და კრეატიული სტრატეგიების შეთავაზებისთვის მას წლიური 30 მილიონი დოლარი აქვს.
რეჟისორის სიყვარული ვიდეო თამაშებისადმი 1980-იანი წლებიდან იღებს სათავეს. როგორც Entertainment Tonight აღნიშნავს, იგი თანამშრომლობს Electronic Arts-თან და მალე ერთობლივად შექმნილი კომპიუტერული შედევრის გამოცემა იგეგმება. სპილბერგი ასევე დაეხმარა თამაშის Medal Of Honor-ის განვითარებას და ჩართული იყო EA's Boom Box-ის შემოქმედებით პროცესში.
მიუხედავად იმისა, რომ მისი შემოსავლის უმეტესი ნაწილი კინო მოგებიდან და რეჟისურიდან აქვს, სტივენ სპილბერგი ასევე არის ნიჭიერი მწერალი, რომელიც თავისი საკულტო ფილმებისთვის სცენარებს წერს. ზოგიერთი მისი სცენარისტური პროექტია: Poltergeist, Close Encounters of the Third Kind, The Goonies და Firelight.
რაც შეეხება ხარჯვით ნაწილს, ამ შემთხვევაში სტივენ სპილბერგი ფუფნებისთვის ფულს ნამდვილად არ იშურებს:
კერძო თვითმფრინავი
ცნობილია, რომ რეჟისორი ფლობს მდიდრულ კერძო თვითმფრინავს Gulfstream G650. თვითმფრინავის საწყისი ფასი 65 მილიონი დოლარია.
2022 წელს მან 16-ზე მეტი ქვეყანა მოიარა მსოფლიოში და მოიხმარა 116,159 დოლარზე მეტი საწვავი.
უძრავი ქონება
სპილბერგმა თავდაპირველად მდიდრული ვილა მალიბუში Coldwater Canyon-ში შეიძინა. მისი ყველაზე დიდი შესყიდვა მოხდა 1985 წელს, როდესაც 20 მილიონ დოლარად წყნარი ოკეანის პალიზადის სტიქიის სასახლე და ისტ ჰემპტონის სახლი შეიძინა. უძრავი ქონების პორტფოლიო მოიცავს Quelle Barn-ის სასტუმრო სახლს, 35 მილიონი დოლარის ღირებულების Malibu Compound-ს და სან-რემოს ბინას.
ძვირად ღირებული იახტა
გემთმშენებელი კომპანია Oceanco-ს მიერ აგებული სტივენ სპილბერგის ძვირად ღირებული იახტა Seven Seas პირველად 2010 წელს გამოუშვეს.
მანქანების კოლექცია
სპილბერგი საკმაოდ მოკრძალებულ მანქანების კოლექციას ფლობს. ის ფლობს 32,000 აშშ დოლარის ღირებულების კლასიკურ Chrysler 300C-ს, რომელიც 2004 წელს გამოვიდა.
ბოლოს მან ყოველდღიური მოგზაურობისთვის 129,000 დოლარიანი Tesla Model S იყიდა. კოლექციაში ყველაზე ძვირად ღირებული მანქანაა Aston Martin DB9 Volante, რომელიც 213,000 ღირს.
ფილანტროპია
ქველმოქმედმა სტივენ სპილბერგმა დააარსა Righteous Persons Foundation და მხარი დაუჭირა ორგანიზაციებს 100 მილიონი დოლარის გრანტით.
2021 წელს მან 2 მილიონი დოლარი შესწირა ეკონომიკური და სოციალური უსამართლობის წინააღმდეგ მებრძოლ ჯგუფებს.
რეჟისორმა ასევე 1 მილიონი დოლარი გადასცა უკრაინის სხვადასხვა ჰუმანიტარულ ორგანიზაციებს.
წყარო: therichest.com
