საქმიანობები, სადაც ყველაზე მეტი ვაკანსია გამოცხადდა
jobs.ge-ზე გამოქვეყნებული ვაკანსიების რაოდენობა წლიურად 37%-ით, ხოლო 2020 წლის შესაბამის პერიოდთან შედარებით 194%-ით გაიზარდა. ამის შესახებ PMCG-ს კვლევაშია აღნიშნული.
კერძოდ, კვლევის თანახმად, 2022 წელს, აპრილიდან სექტემბრის ჩათვლით, 42 523 ვაკანსია გამოქვეყნდა jobs.geზე.
კვლევაში ასევე მოცემულია, 2022 წლის საანგარიშო პერიოდში Jobs.ge-ზე გამოქვეყნებული ვაკანსიების რაოდენობა კატეგორიების მიხედვით.
PMCG-ს ცნობით, საანგარიშო პერიოდში ყველაზე მეტი - 14 019 ვაკანსია საიტზე ლოჯისტიკა/ტრანსპორტი/ დისტრიბუციის დარგში გამოცხადდა; მას მოსდევს გაყიდვები/შესყიდვები - 12 628 ვაკანსიით, მე-3 ადგილზეა - ადმინისტრაცია/მენეჯმენტის მიმართულება, რაზეც 8 838 ვაკანსია დაფიქსირდა.
ჩამონათვალში ხვდება ასევე:
ფინანსები/სტატსიტიკა - 6 461 ვაკანსია;
ინფორმაციული ტექნოლოგიები/პროგრამირება - 2 202 ვაკანსია;
სხვა - 10 864 ვაკანსია.
