ნიუ-იორკი, ტოკიო და სან-ფრანცისკო - ქალაქები, სადაც ყველაზე მეტი მილიონერი ცხოვრობს
2023 წლის მსოფლიოს უმდიდრესი ქალაქი ნიუ-იორკია, სადაც 340 ათასი მილიონერი ცხოვრობს.
უმდიდრესი ქალაქების ტოპ 10-ეული საცხოვრისის დაგეგმარების კომპანია Henley & Partners-მა და ანალიტიკურმა კომპანია New World Wealth-მა შეადგინეს, რასაც „იზვესტია“ ავრცელებს.
- ნიუ-იორკი (აშშ) - 340 ათასი მილიონერი
- ტოკიო (იაპონია) - 290,3 ათასი მილიონერი. 10 წლის წინ სიის სათავეში იყო
- სან-ფრანცისკო (აშშ) - 285 ათასი მილიონერი
- ლონდონი (დიდი ბრიტანეთი) - 258 ათასი მილიონერი
- სინგაპური - 240,1 ათასი მილიონერი
- ლოს ანჯელესი (აშშ) - 205,4 ათასი მილიონერი
- ჰონგ კონგი (ჩინეთი) - 129,5 ათასი მილიონერი
- პეკინი (ჩინეთი) - 128,2 ათასი მილიონერი
- შანხაი (ჩინეთი) - 127,2 ათასი მილიონერი
- სიდნეი (ავსტრალია) - 126,9 ათასი მილიონერი
სიდნეი, სადაც მსოფლიოს ყველაზე ძვირად ღირებული გარეუბნები მდებარეობს, ბოლო 20 წლის განმავლობაში მდიდარი ადამიანების გამოკვეთილად ძლიერი ნაკადით გამოირჩევა. 2040 წლისთვის მსოფლიოს უმდიდრეს ქალაქთა ხუთეულში მის მოხვედრას პროგნოზირებენ.
პეკინი და შანხაი ათეულში მხოლოდ ბოლო ათწლეულში მოხვდნენ, ხოლო ჰონგ კონგი, პირიქით, 2012 წლის მეოთხე პოზიციიდან მეშვიდე ადგილამდე ჩამოქვეითდა.
15 მარტს არაკომერციულმა ორგანიზაცია Oxfam America-მ გამოაქვეყნა ანგარიში, რომლის მიხედვითაც, შეერთებულ შტატებში მილიარდერების მთლიანი ქონება პანდემიის დაწყებიდან, თითქმის, მესამედით, ხოლო 2013 წლიდან 86,3%-ით გაიზარდა და 4,51 ტრლნ დოლარს მიაღწია.
მოამზადა ლადო სულაბერიძემ