რონალდუს აღზევება და მბაპეს დებიუტი: ვინ არის 10 ყველაზე მაღალანაზღაურებადი სპორტსმენი მსოფლიოში

იმის გამო, რომ ახლო აღმოსავლეთი გოლფსა და ფეხბურთში დიდ ინვესტიციებს ახორციელებს, სპორტის ვარსკვლავები უფრო მეტს გამოიმუშავებენ, ვიდრე ოდესმე.

Forbes-ის მიხედვით, top-ათმა უმდიდრესმა სპორტსმენმა მხოლოდ გასულ წელს საერთო ჯამში ერთ წელიწადში 1,1 მილიარდი დოლარი გამოიმუშავა, რითაც 2018 წლის რეკორდი მოიხსნა.

კრიშტიანუ რონალდუ - 136 მილიონი დოლარი

სპორტი: 46 მილიონი დოლარი

სპორტის გარდა: 90 მილიონი დოლარი

სპორტის სახეობა: ფეხბურთი

ასაკი: 38

რონალდუმ „მანჩესტერ იუნაიტედი“ ნოემბერში დატოვა და იანვარში საუდის არაბეთის ალ ნასრს შეუერთდა, რითაც მისი წლიური ხელფასი 75 მილიონ დოლარამდე გაზარდა და ახალ ქვეყანაში დამატებითი სარეკლამო შესაძლებლობები გაეხსნა.

დადის ჭორები, რომ მან შესაძლოა, ამ ზაფხულს ევროპაში დაბრუნება სცადოს, მაგრამ ჯერჯერობით, გაზრდილმა ხელფასმა საშუალება მისცა, 2017 წლის შემდეგ პირველად და ცხოვრებაში მესამედ მოხვედრილიყო ყველაზე მაღალანაზღაურებადი სპორტსმენების სიაში. ფეხბურთელების შემოსავლის რეკორდი - 136 მილიონი დოლარია.

ლიონელ მესი - 130 მილიონი დოლარი

სპორტში: 65 მილიონი დოლარი

სპორტის გარეშე: 65 მილიონი დოლარი

სპორტის სახეობა: ფეხბურთი

ასაკი: 35

მესის აქვს ბევრი სასპონსორო გარიგება ბრენდებთან, როგორიცაა Adidas, Budweiser და PepsiCo. მხოლოდ ბლოკჩეინის პლატფორმა Socios-თან გარიგება მას 20 მილიონ დოლარს მოუტანს. ასევე ოქტომბერში მან დააარსა საკუთარი საინვესტიციო ფირმა Play Time.

კილიან მბაპე - 120 მილიონი დოლარი

სპორტში: 100 მილიონი დოლარი

სპორტის გარეშე: 20 მილიონი დოლარი

სპორტის სახეობა: ფეხბურთი

ასაკი: 24

გასულ წელს მბაპე ყველაზე მაღალანაზღაურებადი სპორტსმენების რეიტინგში 35-ე ადგილზე იყო, ხოლო Forbes-ის ათეულში პირველად მოხვდა. ის სიაში ერთადერთი 30 წლამდე მოთამაშეა, მაგრამ უკვე აქვს ერთ- ერთი ყველაზე მაღალი ხელფასი. FIFA-ს წლის საუკეთესო მოთამაშეებში, ის მხოლოდ პარი სენ-ჟერმენის ყოფილ კოლეგას, ლიონელ მესის ჩამორჩება. ივნისში მბაპე კრიპტოვალუტის თამაშის Sorare-ის პირველი მოთამაშე-ელჩი გახდა.

ლებრონ ჯეიმსი - 119,5 მილიონი დოლარი

სპორტში: 44,5 მილიონი დოლარი

სპორტის გარეშე: 75 მილიონი დოლარი

სპორტის სახეობა: კალათბურთი

ასაკი: 38

ლებრონ ჯეიმსი, ივნისში გახდა პირველი აქტიური სპორტსმენი, რომელიც Forbes-ის მილიარდერთა სიაში მოხვდა.

სპონსორობის შთამბეჭდავი პორტფოლიოს გარდა, Los Angeles Lakers-ის ფორვარდმა დააარსა სპორტული კვების კომპანია Ladder და SpringHill Company, რომელიც ქმნის და აწარმოებს სატელევიზიო და სხვა გასართობ კონტენტს.

გარდა ამისა, იგი გახდა ფილმის "House Party" (House Party) პროდიუსერი, რომელიც გამოდის 2023 წელს. ის ასევე ფლობს წილს Fenway Sports Group-ში, რომელიც ფლობს Boston Red Sox-ს, Liverpool FC-ს და Pittsburgh Penguins-ს და ახლახანს ინვესტიცია მოახდინა Major League Pickleball-ის გუნდში.

კანელო ალვარესი - 110 მილიონი დოლარი

სპორტში: 100 მილიონი დოლარი

სპორტის გარეშე: 10 მილიონი დოლარი

სპორტის სახეობა: კრივი

ასაკი: 32

ალვარესი რინგზე გასვლისას მილიონობით დოლარს შოულობს. ბოლო 12 თვის განმავლობაში მან დიმიტრი ბივოლთან და გენადი გოლოვკინთან ლეგენდარულ ორთაბრძოლებში მიიღო მონაწილეობა.

ალვარესს აქვს შედარებით ცოტა სარეკლამო გარიგება. მან სექტემბერში გააფორმა მარკეტინგული ხელშეკრულება Excel Sports Management-თან და აქტიურია როგორც მეწარმე. ბოქსერმა ინვესტიცია განახორციელა სპორტული სასმელების მწარმოებელ Yaoca-ში, ფიტნეს აპლიკაციაში I Can და ბენზინგასამართი სადგურების ქსელ Canelo Energy-თან. მას ასევე აქვს საკუთარი ტანსაცმლის ხაზი.

დასტინ ჯონსონი - 107 მილიონი დოლარი

სპორტში: 102 მილიონი დოლარი

სპორტის გარეშე: 5 მილიონი დოლარი

სპორტის ტიპი: გოლფი

ასაკი: 38

გასულ მაისში ჯონსონი გახდა პირველი ვარსკვლავი, რომელიც LIV Golf-ში გაემგზავრა და 2022 წლის ბოლოსთვის მან მოიპოვა მეტი საპრიზო თანხა, ვიდრე ნებისმიერ სხვა მოთამაშემ ტურნირზე- 35.6 მილიონი დოლარი. ის ასევე გახდა წლის ერთ-ერთი ყველაზე მაღალ ანაზღაურებადი სპორტსმენი.

ჯონსონი ახლა ხელმძღვანელობს 4Aces GC ბრენდს. 2023 წელს სპორტსმენმა LIV -ის ხუთი ღონისძიებიდან 3,3 მილიონი დოლარი გამოიმუშავა.

ფილ მიკელსონი - 106 მილიონი დოლარი

სპორტში: 104 მილიონი დოლარი

სპორტის გარეშე: 2 მილიონი დოლარი

სპორტი: გოლფი

ასაკი: 52

მიკელსონმა, რომელმაც შარშან 1 მილიარდ დოლარს მიაღწია, LIV Golf-ის დატოვების შემდეგ დაკარგა სპონსორების ნაწილი, მაგრამ ის არც მოედნის გარეთ კარგავს დროს. მან დააარსა ყავის დანამატების კომპანია For Wellness და იყო იმ ინვესტორთა შორის, რომლებმაც ცოტა ხნის წინ იყიდეს დიდი მიწის ნაკვეთი ფენიქსის მახლობლად.

მიკელსონს გასულ თვეში მასტერსზე ბრწყინვალე გამოსვლა ჰქონდა- საბოლოო ანგარიშით 65. ამ გამოსვლამ მას 1,6 მილიონი დოლარი მოუტანა.

სტეფ კარი - 100,4 მილიონი დოლარი

სპორტში: 48,4 მილიონი დოლარი

სპორტის გარეშე: 52 მილიონი დოლარი

სახეობა: კალათბურთი

ასაკი: 35

გასულ წელს კარიერაში მეოთხე ჩემპიონობის შემდეგ, კარიმ პირველად გამოიმუშავა 100 მილიონ დოლარზე. მისი ხელფასი 48,1 მილიონი დოლარი იყო, რაც მეტია NBA-ს ნებისმიერ მოთამაშეზე, ხოლო 2023-2024 წლებში ის გახდება პირველი მოთამაშე ლიგაში, ვინც გამოიმუშავებს 50 მილიონ დოლარზე მეტს.

Golden State Warriors-ის მცველმა FTX-ის დაშლის შემდეგ მთავარი სპონსორი დაკარგა და წამოიწყო სასამართლო დავა, სადაც მის სპონსორებს კლიენტების შეცდომაში შეყვანაში ადანაშაულებს.

მარტში, კარიმ გაახანგრძლივა კონტრაქტი Under Armour-თან. დაიწყო თანამშრომლობა Chase Bank-თან. მისი მულტიმედიური კომპანია Unanimous Media კი მის შესახებ დოკუმენტური ფილმს გამოუშვებს.

კარიმ ცოტა ხნის წინ ინვესტიცია ჩადო Golf+ ვირტუალური რეალობის პლატფორმაში და TMRW Sports-ში.

როჯერ ფედერერი - 95,1 მილიონი დოლარი

სპორტში: 0,1 მილიონი დოლარი

სპორტის გარეშე: 95 მილიონი დოლარი

მოქალაქეობა: შვეიცარია

სახეობა: ჩოგბურთი

ასაკი: 41

სექტემბერში, რაფაელ ნადალთან ფინალური მატჩის შემდეგ ფედერერმა გამოაცხადა, რომ შეწყვეტდა ჩოგბურთის თამაშს.

გასულ კვირას მან გამოაცხადა, რომ მისმა RF ბრენდმა გააფორმა სალიცენზიო გარიგება სათვალეების მწარმოებელ კომპანიასთან. გარდა ამისა, ის ფლობს დიდ წილს სწრაფად მზარდ შვეიცარიულ ფეხსაცმლის კომპანია On-ში.

კევინ დურანტი - 89,1 მილიონი დოლარი

სპორტში: 44,1 მილიონი დოლარი

სპორტის გარეშე: 45 მილიონი დოლარი

სახეობა: კალათბურთი

ასაკი: 34

დურანტმა მხოლოდ ბოლო 10 თვის განმავლობაში, მისი საინვესტიციო ფირმის 35V-ის მეშვეობით, შეიძინა აქციები Premier Lacrosse League-ში, Happy Viking food-ის ბრენდში, Volleyball League One-ში, Major League Pickleball-ის გუნდში და ქალთა სპორტული ლიგის ქსელში Athletes Unlimited, Fanatics-ის კუთვნილ Mitchell & Ness-ის ლეიბლში.

ის აშენებს საკუთარ მედია იმპერიას Boardroom-ის ირგვლივ და მისი გარიგება Nike-თან, ერთ-ერთი ყველაზე დიდი სპორტული გარიგებაა NBA-ის ისტორიაში.

წყარო: forbes