საკვები პროდუქტების თვითუზრულველყოფის მაჩვენებელი შემცირდა - რა გვყოფნის და რა არა
საქართველოში თვითუზრუნველყოფის მაჩვენებელი თითქმის ყველა საკვებ პროდუქტზე შემცირდა. 2022 წელს წინა წელთან შედარებით 74%-დან 62%-მდე შემცირდა სიმინდის თვითუზრუნველყოფის კოეფიციენტი, კარტოფილის 115%-დან 101%-მდე, ბოსტნეულზე 61%-დან 52%-მდე და ა.შ. ზრდა დაფიქსირდა მხოლოდ ყურძენზე - 173%-დან 207%-მდე, ხორბლის თვითუზრუნველყოფის მაჩვენებელი კი იმავე დონეზე დარჩა და 2022 წელსაც მხოლოდ 22%-ს შეადგინა.
სტატისტიკის ეროვნული სამსახურის მონაცემებით, წლების განმავლობაში საქართველოს თვითუზრუნველყოფის ყველაზე მაღალი მაჩვენებელი ყურძენს, კარტოფილს, ცხვრის და თხის ხორცს აქვს, ყველაზე დაბალი კი - ხორბალს.
„ბიზნესპრესნიუსი“ გთავაზობთ, 2022 წლის მონაცემებს, პროდუქტებით თვითუზრუნველყოფის კოეფიციენტის შესახებ:
- სიმინდი - 62% (წინა წელს 74% იყო)
- კარტოფილი - 101% (წინა წელს 115%)
- ბოსტნეული - 52% (წინა წელს - 61%)
- ყურძენი - 207% (წინა წელს - 173%)
- ხორცი - 50% (წინა წელს - 51%)
- მრპ- ს ხორცი - 83% (წინა წელს 83%)
- ღორის ხორცი - 48% (წინა წელს 52%)
- ცხვრის და თხის ხორცი - 103% (წინა წელს 105%)
- ფრინველის ხორცი - 34% ( წინა წელს 37%)
- რძე და რძის პროდუქტები - 77% (წინა წელს - 81%)
- კვერცხი - 96% (წინა წელს 98%)
- ხორბალი - 22% (წინა წელს 22%)
როგორც ამ მონაცემებიდან ჩანს, საქართველოში საკვები პროდუქტების დიდი ნაწილის წარმოება არ არის იმ დონეზე, რომ მოსახლეობა მთლიანად გამოკვებოს.