ამ თვეში თბილისში Hilton Garden Inn Tbilisi Riverview გაიხსნება

წარმოგიდგენთ ინტერვიუს საერთაშორისო ქსელის ახალი სასტუმროს გენერალურ მენეჯერთან, კაროლი ლაკატოსთან

რა სიახლეს შესთავაზებს სახელგანთქმული ახალი ბრენდული სასტუმრო სტუმრებს თბილისში?

Hilton Garden Inn Tbilisi Riverview მოხარულია „ჰილტონის“ ქსელის გაფართოებით საქართველოში - ქვეყანაში, რომელიც ცნობილია თავისი სტუმარმასპინძლობით. სასტუმრო ორიენტირებულია როგორც დამსვენებლებზე, ისე ბიზნეს სეგმენტზე. ჩვენ სტუმრებს მაღალი დონის მომსახურებას, მყუდრო გარემოსა და კომფორტულ ნომრებს ვთავაზობთ.

მთავარი მიზანი, რის გამოც თბილისში Hilton Garden Inn Tbilisi Riverview იხსნება

ეს ძალიან კარგი კითხვაა, რომელსაც პასუხი უნდა გავცეთ: რა არის ჩვენი მიზანი? რატომ ვიქცევით ასე? აქ პირდაპირ შემიძლია მოვიშველიო ჩვენი კომპანიის დამფუძნებლის, კონრად ჰილტონის სიტყვები: „დედამიწა სტუმარმასპინძლობის სინათლითა და სითბოთი ავავსოთ“. Hilton Garden Inn Tbilisi Riverview-ში, ჩვენ გაგვაერთიანა ერთმა მიზანმა: ვუმასპინძლოთ სტუმრებს ჩვენი საიმედო და მეგობრული მომსახურებით, რათა თითოეულმა სტუმარმა არაჩვეულებრივი დრო გაატაროს. მოუთმენლად ველით მათთან შეხვედრას უკვე შემდეგი თვიდან.

გვიამბეთ საერთაშორისო რესტორნის Together & Co. კონცეფციის შესახებ, რომელიც თქვენს სასტუმროში გაიხსნება

Together & Co ჩვეულებრივი რესტორანი არ არის. ეს ადგილი შექმნილია იმისათვის, რომ შეკრიბოს ადამიანები, მოუწყოს საუკეთესო გარემო სოციალიზაციისთვის, იყოს თანამოაზრეების შეხვედრისა და ურთიერთობის სივრცე, გემრიელი საკვებისა და სასმელების თანხლებით. რესტორნის მენიუში სტუმრები ყოველთვის აღმოაჩენენ როგორც საერთაშორისო კლასიკურ, ასევე ახალ არომატებსა და გემოებს. მოხარულები ვართ, რომ ჩვენს სასტუმროში რესტორანი Together & Co. იქნება ქართული სტუმარმასპინძლობის ნაწილი.

მენიუში სტუმრებს დახვდებათ შვიდი უნიკალური კერძი და კოქტეილი, შექმნილი „ჰილტონის“ არაჩვეულებრივი შეფებისა და მიქსოლოგების მიერ. ერთ-ერთი მათგანი, კოქტეილი Simia Sour, ტროპიკული ტყის უიშვიათესი მცენარეების სახეობებისგან მზადდება.

სწორედ „ჰილტონი“ იყო სტუმარმასპინძლობის ინდუსტრიაში პიონერი, რომელმაც შექმნა პინა კოლადა, წითელი ხავერდის ნამცხვარი და ბენედიქტი.

იქნება თუ არა სასტუმროში სივრცეები ღონისძიებების მოსაწყობად?

ჩვენ ღონისძიებების მასპინძლობის ძალიან დიდი გამოცდილება გვაქვს, იქნება ეს კორპორაციული სესია თუ შეხვედრა, წვეულებები თუ სპორტული გუნდის აქტივობა.

Hilton Garden Inn Tbilisi Riverview -ში შეხვედრების ორგანიზატორებს აქვთ სრული თავისუფლება გამოიყენონ ყველა არსებული რესურსი თავიანთი ღონისძიებების შეუზღუდავად დასაგეგმად. სასტუმროს 3 საკონფერენციო დარბაზი ყველა საჭირო ტექნიკით არის აღჭურვილი და 100-მდე სტუმარს მოემსახურება.

ღონისძიებებისთვის საუკეთესო მდებარეობის, თანამედროვე აუდიო-ვიზუალური აღჭურვილობის, ერგონომიული ავეჯის და უგემრიელესი კერძების შეთავაზების გარდა, შეხვედრების ორგანიზატორებს მათი პროექტების განხორციელებაშიც ვეხმარებით.

ჩვენი სასტუმრო ასევე იყენებს სოციალური პასუხისმგებლობის პროგრამას Lightstay, რომლის დახმარებითაც შესაძლებელია სტუმარმა გამოითვალოს თითო ღონისძიებაზე გამოყენებული ელექტროენერგია, წყლის, ნახშირორჟანგისა და სამრეწველო ნარჩენების რაოდენობა.

თქვენი სასტუმრო ძველ თბილისში, ქალაქის მთავარ ღირსშესანიშნაობებთან ახლოს მდებარეობს, ეს ალბათ ერთ-ერთი უპირატესობაა უცხოელი სტუმრებისთვის

სასტუმრო მდებარეობს 15 წუთის სავალზე თბილისის საერთაშორისო აეროპორტიდან. სტუმრებისთვის მარტივად მოსახერხებელია ტურისტულ ღირსშესანიშნაობებთან, სავაჭრო ცენტრებთან, მუზეუმებსა და თეატრებთან მოხვედრა.

Hilton Garden Inn Tbilisi Riverview -სთან ძალიან ახლოსაა სამების საკათედრო ტაძარი, ნარიყალას ციხე-სიმაგრე, გოგირდის აბანოები, ლეღვთახევის ჩანჩქერი და ეროვნული ბოტანიკური ბაღი.

ჩემი აზრით, სტუმრებმა აუცილებლად უნდა მოინახულონ საქართველოს ულამაზესი ბუნება. ყველას ვურჩევდი სპეციალური ტურით გაემგზავრონ და იხილონ კავკასიონის ულამაზესი ხედი, მცხეთა, ჯვრის მონასტერი და უფლისციხე.

ჰილტონის ქსელი მსოფლიოში სახელგანთქმულია სტუმარმასპინძლობის ინდუსტრიაში. როგორია წარმოადგენდე ამ უდიდეს კომპანიას?

Hilton-ი მსოფლიოში სახელგანთქმულია თავისი მეგობრული და საიმედო მომსახურებით. ჩვენ მოხარულები ვართ ვუმასპინძლოთ სტუმრებს Hilton Garden Inn Tbilisi Riverview -ში.

გარდა სტუმრების მასპინძლობისა, დიდი სურვილი გვაქვს დავტოვოთ კვალი აღნიშნულ რეგიონში და მონაწილეობა მივიღოთ საგანმანათლებლო და საქველმოქმედო პროექტებში.

ვამაყობ ჩემი გუნდით და ვიცი, რომ ისინი სულმოუთქმელად ელიან როგორც საერთაშორისო, ასევე ადგილობრივ სტუმრებს.

დღეს, ადგილობრივ ბაზარზე სასტუმროების უმრავლესობაში იკრძალება შინაური ცხოველების თანხლებით სტუმრობა, თქვენ გამონაკლისი ხართ.

დიახ, ჩვენ ვიცით, რომ თქვენი კომპანიონი ოთხფეხა მეგობრები ოჯახის წევრებიც არიან და დიდი სიხარულით ვუმასპინძლებთ მათ Hilton Garden Inn Tbilisi Riverview-ში. ოჯახებისთვის და შინაური ცხოველების პატრონებისთვის ხშირად ძალიან რთულია სასტუმროში განთავსება, სწორედ ამიტომ გადავწყვიტეთ მათი მოგზაურობა უფრო მარტივი გაგვეხადა. სპეციალურად მათთვის ჩვენ უზრუნველვყოფთ მოსასვენებელ სივრცეს, დასუფთავების სერვისს, საკვებს, სასმელს და, რაღა თქმა უნდა, დამატებით სასუსნავებს.

(R)