საქართველოში ფულადი გზავნილები პირდაპირ უცხოურ ინვესტიციებს 2,2-ჯერ აჭარბებს
საქართველოში ფულადი გზავნილები პირდაპირ უცხოურ ინვესტიციებს 2,2-ჯერ აღემატება. უფრო კონკრეტულად, 2023 წლის ორ კვარტალში ქვეყანაში განხორციელდა 1.072 მლრდ დოლარის პირდაპირი უცხოური ინვესტიცია, ფულადმა გზავნილებმა კი იანვარ-ივნისში 2.367 მლრდ დოლარი შეადგინა.
აღსანიშნავია, რომ ბოლო წლებში ფულადი გზავნილები უფრო მეტად იზრდება, ვიდრე პირდაპირი უცხოური ინვესტიციები. მაგალითად, 2022 წელს საქართველოში განხორციელდა 2.097 მლრდ დოლარის პირდაპირი უცხოური ინვესტიცია, ფულადმა გზავნილებმა კი 4.372 მლრდ დოლარი შეადგინა.
„ბიზნესპრესნიუსი“ გთავაზობთ, ბოლო 5 წლის სტატისტიკას როგორც ფულადი გზავნილების, ასევე პირდაპირი უცხოური ინვესტიციების მიმართულებით:
ფულადი გზავნილები 2018-2022 წლები:
- 2018 წელი - 1.579 მლრდ დოლარი
- 2019 წელი - 1.733 მლრდ დოლარი
- 2020 წელი - 1.885 მლრდ დოლარი
- 2021 წელი - 2.349 მლრდ დოლარი
- 2022 წელი - 4.372 მლრდ დოლარი
პირდაპირი უცხოური ინვესტიციები 2018-2022 წლები:
- 2018 წელი - 1.350 მლრდ დოლარი
- 2019 წელი - 1.354 მლრდ დოლარი
- 2020 წელი - 595,3 მლნ დოლარი
- 2021 წელი - 1.252 მლრდ დოლარი
- 2022 წელი - 2.097 მლრდ დოლარი
საერთო ჯამში, გამოდის, რომ 2018-დან 2022 წლის ჩათვლით საქართველოში ფულადმა გზავნილებმა 11.918 მლრდ დოლარს გადააჭარბა, პირდაპირმა უცხოურმა ინვესტიციებმა კი 6.648 მლრდ დოლარს.