საქართველოში შემოდგომის ტურებზე რუსების მოთხოვნა 10,3%-ით გაიზარდა
რუსებისთვის შემოდგომის ტურებში საქართველოს მიმართულება, ზაფხულთან შედარებით, 10,3%-ით გაიზარდა. ამის შესახებ მოგზაურობის დაგეგმვის სერვის OneTwoTrip-ის კვლევაში წერია.
თუმცა შემოდგომის პოპულარულ მიმართულებებში საქართველო რუსებისთვის ტოპ 10-ეულში აღარ შედის და მხოლოდ მე-18 ადგილზეა.
სია ასეთია:
- ფილიპინები - ზაფხულთან შედარებით, 4-ჯერ მეტი
- სამხრეთ აფრიკა - 3-ჯერ მეტი
- კუბა - 2,6-ჯერ მეტი
- უნგრეთი - 2,5-ჯერ მეტი
- ჩინეთი - 2,1-ჯერ მეტი
- ინდოეთი- 2-ჯერ მეტი
- ტაილანდი (+77,3%)
- შრი-ლანკა (+66,7%)
- ინდონეზია (+50%)
- იაპონია (+38,5%)
- საბერძნეთი (+36.4%)
- არაბთა გაერთიანებული საემიროები (+27.8%)
- აზერბაიჯანი (+25%)
- მალაიზია (+22.2%)
- კვიპროსი (+20%)
- სინგაპური (+16.7%)
- შვეიცარია (+13,8%)
- საქართველო (+10,3%)
- იტალია (+6,4%)
კომპანიის მონაცემებით, რუსი ტურისტების უმეტესობა შემოდგომაზე სტამბოლის მონახულებას გეგმავს, რომლის წილიც ყველა უცხოური სასტუმროს ჯავშნებში 10,2%-ია. შემდეგი არის ერევანი 4,5%-ით, დუბაი - 2,8%-ით, რომელსაც სიაში პარიზი, რომი, ბანგკოკი, რიმინი, თბილისი, მინსკი და ანტალია მოსდევს.
მოამზადა ლადო სულაბერიძემ