"საბჭოს 3 წევრის გადადგომის შემდეგ ეროვნული ბანკი ინსტიტუციურად საფუძველშერყეულია, მმართველობით კოლაფსამდე ცოტაღა დარჩა"
"ეროვნული ბანკის საბჭოს 3 წევრის გადადგომის შემდეგ ეროვნული ბანკი ინსტიტუციურად საფუძველშერყეულია, მმართველობით კოლაფსამდე ცოტაღა დარჩა",- ამის შესახებ იურისტი ლევან ალაფიშვილი "ფეისბუკ" გვერდზე წერს.
"ბიზნესპრესნიუსი" მის პოსტს უცვლელად გთავაზობთ:
"ეროვნული ბანკის საბჭოს 3 წევრის გადადგომის შემდეგ ეროვნული ბანკი ინსტიტუციურად საფუძველშერყეულია, მმართველობით კოლაფსამდე ცოტაღა დარჩა
დღეს ეროვნული ბანკის საბჭოში 7 წევრია.
ეროვნული ბანკის საბჭოს წევრთა რიცხოვნობა 5-ზე ნაკლები თუ დარჩა, მისი უმაღლესი მმართველობითი ორგანო და მთლიანად მმართველობა პარალიზებული იქნება.
ეროვნულ ბანკს არ ჰყავს კონსტიტუციურად არჩეული/განწესებული პრეზიდენტი.
დეკემბრის დასაწყისში უფლებამოსილება გასდის ეროვნული ბანკის საბჭოს კიდევ ერთ წევრს და საბჭოში დარჩება 3 წევრი
საქართველოს პრეზიდენტსა და მმართველ პარტიას შორის არსებული კონფლიქტის გათვალისწინებით ნაკლებსავარაუდოა მათ მოახერხონ შეთანხმება ეროვნული ბანკის საბჭოს 6 წევრზე და პრეზიდენტზე.
ეს წერია კანონში: ეროვნული ბანკის უმაღლესი ორგანოა ეროვნული ბანკის საბჭო, რომელიც შედგება 9 წევრისაგან. თუ ეროვნული ბანკის საბჭოს წევრთა რაოდენობა 5-ზე ნაკლებია, ეროვნული ბანკის საბჭო არ არის უფლებამოსილი, შეასრულოს თავისი ფუნქციები",- წერს ალაფიშვილი.
