აშშ-მა რუსეთს ჩრდილოეთ კორეიდან რაკეტების შეძენის გამო სანქციები დაუწესა
აშშ-ის სახელმწიფო დეპარტამენტმა სანქციები დაუწესა სამ რუსულ კომპანიასა და ერთ ფიზიკურ პირს, რომლებიც მონაწილეობდნენ ჩრდილოეთ კორეის ბალისტიკური რაკეტების გადაცემასა და გამოცდაში რუსეთის მიერ უკრაინის წინააღმდეგ გამოსაყენებლად, - ამის შესახებ აშშ-ის სახელმწიფო მდივანმა, ენტონი ბლინკენმა განაცხადა.
„ჩვენ არ მოვერიდებით შემდგომი ქმედებების განხორციელებას. ჩრდილოეთ კორეის მიერ ბალისტიკური რაკეტების რუსეთისთვის გადაცემა მხარს უჭერს რუსეთის აგრესიულ ომს, ზრდის უკრაინელი ხალხის ტანჯვას და ძირს უთხრის იარაღის გაუვრცელებლობის გლობალურ რეჟიმს“, - განაცხადა ბლინკენმა.
აშშ-ის მიერ სანქციების დაწესებას წინ უძღოდა შეერთებული შტატებისა და მისი პარტნიორების მიერ ორი დღის წინ ერთობლივი განცხადების გავრცელება, რომელიც გმობს ჩრდილოეთ კორეის მიერ რუსეთისთვის იარაღის გადაცემას, მათ შორის რუსეთის მიერ ჩრდილოეთ კორეული ბალისტიკური რაკეტების შეძენას და მათ გამოყენებას უკრაინის წინააღმდეგ 30 დეკემბერსა და 2 იანვარს.