თხილის და კაკლის ექსპორტი შემცირდა, იმპორტი კი გაიზარდა - სად ვყიდით და ვყიდულობთ პროდუქტს
საქართველოდან თხილის და კაკლის ადგილობრივი ექსპორტი 13,4%-ით შემცირდა, ქვეყანაში ამ პროდუქტის იმპორტი კი თითქმის 32%-ით გაიზარდა.
სტატისტიკის ეროვნული სამსახურის მონაცემებით, 2023 წელს ქვეყნიდან გავიდა 85,710 მლნ დოლარის ღირებულების (18,029 ტონა) თხილი და სხვა კაკალი, წინა წელს კი 98,982 მლნ დოლარის ღირებულების (23,780 ტონა).
რაც შეეხება იმპორტს, გასულ წელს საქართველომ უცხოეთში 19,863 მლნ დოლარის ღირებულების (6,992 ტონა) თხილი და სხვა კაკალი იყიდა, 2022 წელს კი 15,065 მლნ დოლარის ღირებულების (4,825 ტონა).
„ბიზნესპრესნიუსი“ გთავაზობთ 5 ქვეყანას, სადაც საქართველომ 2023 წელს ყველაზე დიდი რაოდენობით თხილი /კაკალი იყიდა და გაყიდა.
Top-5 ექსპორტიორი ქვეყანა:
- იტალია - 16,020 მლნ დოლარი (4,080 ტონა)
- გერმანია - 11,117 მლნ დოლარი (2,044 ტონა)
- თურქეთი - 7,321 მლნ დოლარი (1,987 ტონა)
- ესპანეთი - 6,596 მლნ დოლარი (1,071 ტონა)
- რუსეთი - 6,568 მლნ დოლარი (1,304 ტონა)
Top-5 იმპორტიორი ქვეყანა:
- აშშ - 5,957 მლნ დოლარი (2,097 ტონა)
- თურქეთი - 2,350 მლნ დოლარი (1,406 ტონა)
- უკრაინა - 2,197 მლნ დოლარი (803 ტონა)
- ყირგიზეთი - 1,980 მლნ დოლარი (663 ტონა)
- ჩინეთი - 1,572 მლნ დოლარი (457 ტონა)