საქართველოში 2 801 აქტიური სასტუმროა - როგორია რეგიონების მიხედვით გადანაწილება
2024 წლის 1-ელი მაისის მდგომარეობით, საქართველოში 2 801 სასტუმრო და განთავსების მსგავსი საშუალებაა აქტიური. საქართველოს სტატისტიკის ეროვნული სამსახურის მიერ „ბიზნესპრესნიუსისთვის“ მოწოდებული ინფორმაციის თანახმად, აღნიშნულიდან 782 სასტუმროს სივრცეში განთავსებულია რესტორანიც.
აღსანიშნავია ისიც, რომ ყველაზე მეტი სასტუმრო აქტიურია თბილისში, აჭარასა და იმერეთში. კერძოდ, რეგიონების მიხედვით მათი რაოდენობა ასე გადანაწილდა:
- თბილისი - 1 151 სასტუმრო
- აჭარა - 462 სასტუმრო
- გურია - 88 სასტუმრო
- იმერეთი - 310 სასტუმრო
- კახეთი - 198 სასტუმრო
- მცხეთა მთიანეთი - 134 სასტუმრო
- რაჭა ლეჩხუმი - ქვემო სვანეთი - 69 სასტუმრო
- სამეგრელო-ზემო სვანეთი 147 სასტუმრო
- სამცხე-ჯავახეთი - 136 სასტუმრო
- ქვემო ქართლი - 54 სასტუმრო
- შიდა ქართლი - 50 სასტუმრო
გარდა სასტუმროებისა, საქართველოში საანგარიშო პერიოდში აქტიურია 409 მოკლევადიანი განთავსების სივრცე. ამ შემთხვევაშიც, ყველაზე ბევრი ფუნქციონირებს თბილისში და მათი რიცხვი 138-ს შეადგენს, მეორე ადგილზეა აჭარა 86 დასვენებისთვის განკუთვნილი სივრცით და იმერეთი 48 ობიექტით. დანარჩენ რეგიონებში რაოდენობა ასე გამოიყურება:
- გურია - 19
- კახეთი - 22
- მცხეთა მთიანეთი - 25
- რაჭა ლეჩხუმი - ქვემო სვანეთი - 13
- სამეგრელო ზემო სვანეთი - 15
- სამცხე ჯავახეთი - 26
- ქვემო ქართლი - 7
- შიდა ქართლი - 10
