თბილისის უბნები, სადაც ბინა ყველაზე ძვირი/იაფი ღირს
Galt&Tagart-ის კვლევის მიხედვით, თბილისში ახალ ბინებზე ფასი აპრილში თვიურად გაიზარდა, ხოლო ძველ ბინებზე შემცირდა. აპრილში დედაქალაქში 247.9 მლნ აშშ დოლარის ღირებულების ბინები გაიყიდა, რაც წლიურად 33.2%-იან ზრდას ნიშნავს.
რაც შეეხება მიმდინარე წლის პირველ ოთხ თვეს, ამ პერიოდში გაყიდული ბინების ჯამურმა ღირებულებამ 965.2 მლნ აშშ დოლარი შეადგინა, რაც წლიურად 9%-იან ზრდას აჩვენებს.
აღსანიშნავია ისიც, რომ აპრილში ყველაზე მეტი, 626 ბინა დიდ დიღომში გაიყიდა, ყველაზე ცოტა კი, 52 ბინა ვაშლიჯვარში. რაც შეეხება ფასებს, 1 კვ.მ ყველაზე ძვირი, 2 733 დოლარი მთაწმინდაზე ღირდა, ყველაზე იაფი კი ვაშლიჯვარში და 980 დოლარს შეადგენდა.
რაც შეეხება სხვა უბნებს, კვ.მ-ის ფასები თბილისის სხვადასხვა რაიონში ასე გადანაწილდა:
- ვაკე - 2 350 დოლარი
- ჩუღურეთი - 1 563 დოლარი
- კრწანისი - 1 488 დოლარი
- საბურთალო - 1 481 დოლარი
- ისანი - 1 260 დოლარი
- დიდუბე 1 218 დოლარი
- ნაძალადევი 1 116 დოლარი
- გლდანი 1 039 დოლარი
- სამგორი 1 021 დოლარი
- დიდი დიღომი 981 დოლარი
