ევროკავშირის ქვეყნები მოლდოვასა და უკრაინასთან გაწევრიანების თაობაზე მოლაპარაკებებს დაიწყებენ
ევროკავშირის ქვეყნები უკრაინასა და მოლდოვასთან გაწევრიანების მოლაპარაკებების დაწყებაზე ოფიციალურად შეთანხმდნენ, რაც ორივე ქვეყნისთვის მნიშვნელოვანი ეტაპია ევროკავშირში გაწევრიანების გზაზე - ამის შესახებ ინფორმაციას ფრანგული მედია France 24 ავრცელებს. 2024 წლის 21 ივნისს მიღებული გადაწყვეტილების მიხედვით, ევროკავშირის მინისტრები მოლაპარაკებებს ჯერ უკრაინასთან, ხოლო შემდეგ მოლდოვასთან დაიწყებენ.
უკრაინის პრეზიდენტმა ვოლოდიმირ ზელენსკიმ ამ მოვლენას „ისტორიული ნაბიჯი“ უწოდა და ხაზგასმით აღნიშნა, რომ ის მილიონობით უკრაინელის ევროპულ მისწრაფებებს ამართლებს. მან ევროკავშირს ძლიერი პოლიტიკური მხარდაჭერისთვის მადლობა გადაუხადა და განაცხადა, რომ მოუთმენლად ელის 2024 წლის 25 ივნისს დაგეგმილ მომავალ დისკუსიებს.
უკრაინამ და მოლდოვამ განაცხადები ევროკავშირში გაწევრიანების შესახებ 2022 წელს რუსეთის მიერ უკრაინაში შეჭრის შემდეგ წარადგინეს. ევროკავშირის აღმასრულებელმა ხელისუფლებამ ცოტა ხნის წინ დაადასტურა, რომ უკრაინაც და მოლდოვაც აკმაყოფილებდნენ მოლაპარაკებების დასაწყებად აუცილებელ კრიტერიუმებს.
მოლაპარაკებების დაწყების გადაწყვეტილება მიღებულია იმ შეშფოთების ფონზე, რომ უნგრეთმა(რომელიც ივლისში ევროკავშირის თავმჯდომარის პოსტს დაიკავებს, რუსეთთან მეგობრულ ურთიერთობას ინარჩუნებს), შესაძლოა შემდგომი პროგრესი შეაფერხოს. უნგრეთმა აღნიშნა, რომ არ აპირებს დამატებითი დისკუსიების გამართვას უკრაინასთან მისი პრეზიდენტობის პერიოდში.
ევროკავშირის ეს ნაბიჯი არის მისი წევრობის გაფართოების უფრო ფართო სტრატეგიის ნაწილი, იმპულსი, რომელიც დაჩქარდა რუსეთის ომის გამო უკრაინაში. სხვა ქვეყნები, როგორიცაა საქართველო, ბოსნია, სერბეთი, მონტენეგრო, ალბანეთი და ჩრდილოეთ მაკედონია, ასევე იმყოფებიან ევროკავშირში გაწევრიანების პროცესის სხვადასხვა ეტაპზე. აქვე უნდა ვახსენოთ ისიც, რომ თურქეთის წინადადება ევროკავშირში გაწევრიანებაზე, რომელიც დროს 1999 წლიდან ითვლის მნიშვნელოვნად არის შეფერხებული.
ევროკავშირის თანხმობა უკრაინასა და მოლდოვასთან გაწევრიანების მოლაპარაკებების დაწყების თაობაზე წარმოადგენს გადამწყვეტ ნაბიჯს მათ ევროპულ საზოგადოებაში ინტეგრაციის გზაზე და განამტკიცებს ევროკავშირის ვალდებულებას მხარი დაუჭიროს ამ ქვეყნებს მიმდინარე გეოპოლიტიკური გამოწვევების ფონზე.
