ხახვის ადგილობრივი ექსპორტი 69%-ით შემცირდა - სად ვყიდით და ვყიდულობთ
საქართველოში მიმდინარე წლის იანვარ-მაისში 4.005 მლნ დოლარის ღირებულების ხახვი შემოვიდა იმპორტზე. აღსანიშნავია ისიც, რომ გასული წლის იმავე პერიოდთან შედარებით, ხახვის იმპორტი 24%-ით არის შემცირებული. უფრო კონკრეტულად, 2023 წლის 5 თვეში ქვეყანაში 5.276 მლნ დოლარის ხახვია იმპორტირებული.
2024 წელს ხახვის ძირითადი იმპორტიორი ქვეყნები საქართველოში ყაზახეთი, რუსეთი, აზერბაიჯანი, თურქეთი და უზბეკეთი იყო. უფრო კონკრეტულად, მიმდინარე წელს 5 უმსხვილესი იმპორტიორი ქვეყანა ასე გამოიყურება:
- ყაზახეთი - 1.465 მლნ დოლარი;
- რუსეთი - 1.225 მლნ დოლარი;
- აზერბაიჯანი - 927 ათასი დოლარი;
- თურქეთი - 251 ათასი დოლარი;
- უზბეკეთი - 131 ათასი დოლარი.
რაც შეეხება ადგილობრივ ექსპორტს, 2024 წლის 5 თვეში ქართული წარმოების ხახვის ექსპორტი 69%-ით შემცირდა. საანგარიშო პერიოდში 22 560 დოლარის ხახვის გავიდა ადგილობრივ ექსპორტზე, ხოლო გასული წლის იმავე პერიოდში 72 250 დოლარის. კერძოდ, ქვეყნები, სადაც 2024 წელს ხახვის ადგილობრივი ექსპორტი განხორციელდა ასე გამოყურება:
- სომხეთი - 16 960 დოლარის 47 ტონა;
- რუსეთი - 5 600 დოლარის 7 ტონა.
