საშაურმეების ჩამონათვალი, სადაც დარღვევები გამოვლინდა
წელს (25 ივნისის მდგომარეობით) საქართველოს მასშტაბით, საშაურმეებში ჯამში განხორციელდა 176 სახელმწიფო კონტროლი. ამათგან, 24 შემთხვევაში ადმინისტრაციული სამართალდარღვევა გამოვლინდა. ამის შესახებ bpn-ს სურსათის უვნებლობის სააგენტოდან აცნობეს.
მათივე ინფორმაციით, 24-იდან 3 ობიექტს საწარმოო პროცესი შეუჩერდა. ამასთან, სახელმწიფო კონტროლის განხორციელებისას ბიზნესოპერატორთა მიმართ გაიცა მითითებები HACCP-ის პრინციპების დანერგვის, HACCP-ის პრინციპების სწავლებისა და ჰიგიენის ზოგად მოთხოვნებთან დაკავშირებით.
Bpn-ი სურსათის უვნებლობის სააგენტოზე დაყრდნობით, გთავაზობთ იმ ობიექტების ობიექტების ჩამონათვალს, სადაც ადმინისტრაციული სამართალდარღვევა გამოვლინდა:
- შპს ბანი
- შპს ,,ბესთ ფუდ"
- შპს ,,სულთან კაფე''
- შპს სკალა
- შპს მეჯიქ სოუსი
- შპს სთრით ფუდ 125 - ორჯერ გამოვლინდა დარღვევები, საბოლოოდ საწარმოო პროცესი შეუჩერდა
- შპს ქუთე 2022
- შპს ტონა (საწარმოო პროცესი შეუჩერდა)
- შპს ანი-პონჩო
- შპს შაურმაფია
- შპს დონ ჩიჩო 2007
- შპს მადლი - თბილისში ქართველიშვილის ქუჩაზე მდებარე ფილიალში 3 ჯერ გამოიკვეთა დარღვევები, ხოლო ქუთაისის ქუჩის კვეთაზე ერთხელ. როგორც სურსათის ეროვნული სააგენტო განმარტავს, საბოლოოდ კომპანიას შეუჩერდა საწარმოო პროცესი.
გარდა ამის, დარღვევები გამოვლინდა 8 ინდმეწარმე სუბიექტის შემთხვევაშიც, რომელთაც მიეცათ გაფრთხილება.
