საკვების პროდუქტის თვითუზრულველყოფის მაჩვენებელი შემცირდა - რა გვყოფნის და რა არა
2023 წელს საქართველოში თვითუზრუნველყოფის მაჩვენებელი თითქმის ყველა საკვებ პროდუქტზე შემცირდა, გამონაკლისია ყურძენი, რაც გაიზარდა და თანაც მნიშვნელოვნად. საქსტატის წინასწარი მონაცემებით, წინა წელს 101%-დან 87%-მდე შემცირდა კარტოფილის თვითუზრუნველყოფის კოეფიციენტი, ხორცის თვითუზრუნველყოფის კოეფიციენტმა 50%-დან 47-მდე დაიკლო, კვერცხის 96%-დან 93%-მდე.
რაც შეეეხება ხორბლის თვითუზრუნველყოფის მაჩვენებელს, ის უკვე 3 წელიწადია 22%-ზე რჩება.
„ბიზნესპრესნიუსი“ გთავაზობთ, 2023 წლის მონაცემებს, პროდუქტებით თვითუზრუნველყოფის კოეფიციენტის შესახებ:
- სიმინდი - 70% (2022 წელს 62% იყო)
- კარტოფილი - 87% (2022 წელს 101%)
- ბოსტნეული - 52% (2022 წელს - 52%)
- ყურძენი - 236% (2022 წელს - 201%)
- ფრინველის ხორცი - 32% (2022 წელს 34%)
- რძე და რძის პროდუქტები - 75% (2022 წელს - 77%)
- კვერცხი - 93% (2022 წელს 96%)
- ხორბალი - 22% (2022 წელს 22%)
ხორცი - 47% (წინა წელს - 50%)
- მრპ-ს ხორცი - 74% (2022 წელს 83%)
- ღორის ხორცი - 46% (2022 წელს 47%)
- ცხვრის და თხის ხორცი - 100% (2022 წელს 103%)
როგორც ამ მონაცემებიდან ჩანს, საქართველოში საკვები პროდუქტების დიდი ნაწილის წარმოება არ არის იმ მაჩვენებელზე, რომ მოსახლეობა მთლიანად გამოკვებოს. შესაბამისად, მარაგების შევსება იმპორტით გვიწევს. იმპორტის მაჩვენებელი კი ფაქტობრივად, ყოველწლიურად მზარდია.